புரோமோபுளோரோகார்பன்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

புரோமோபுளோரோகார்பன்கள் (Bromofluorocarbons) என்பவை கார்பன், புரோமின் மற்றும் புளோரின் அணுக்கள் சேர்ந்து உருவாகும் மூலக்கூறுகளாகும். இவை பெரும்பாலும் தீயடக்கும் அமைப்புகளில் பயன்படுத்தப்படுகின்றன[1]. ஏலோன் என்ற வணிகக் குறியீட்டுப் பெயர் கொண்ட வேதிப்பொருள் இவற்றிற்கு மாற்றாக பயன்படுத்தப்படுகிறது. இருந்தாலும் அனைத்து ஏலோன்களும் புரோமோபுளோரோகார்பன்களைக் கொண் டிருப்பதில்லை. சில ஏலோன்கள் குளோரினையும் பெற்றுள்ளன.

குளோரோபுளோரோகார்பனைவிட அதிகமாகவும் வன்மையாகவும் புரோமோபுளோரோகார்பன்கள் ஒசோன் அடுக்குகளைப் பாதிக்கின்றன[2] . ஆனாலும் சில கப்பல்களிலும் வானூர்திகளிலும் புரோமோபுளோரோகார்பன்கள் இன்றும் பயன்படுத்தப்படுகின்றன. ஏனெனில் இவற்றிற்கு மாற்றாக கிடைப்பவை இதனளவிற்கு திறனுள்ளவையாக இருக்கவில்லை. மொண்டிரியால் நெறிமுறையின்படி[1] புரோமோபுளோரோகார்பன்கள் தடை செய்யப்பட்டிருந்தாலும் எஞ்சியிருக்கும் பழைய இருப்பை மறுசுழற்சி முறையில் தயார்படுத்தி பயன்படுத்தி வருகின்றனர்.[3]

புரோமோபுளோரோகார்பன்கள் மிகவும் மந்தமானவையாகும். தீயின்போது இவை, ஆக்சிசனை எரிதலுக்குள் வரவிடாமல் தடுப்பது மட்டுமின்றி புரோமின் தனியுறுப்புகளை வெளியேற்றுகின்றன. இவ்வுறுப்புகள் எரிதல் வினையில் தலையிட்டு தடைசெய்கின்றன. முழுவதுமாக புளோரினேற்றம் செய்யப்பட்ட மூலக்கூறுகளுடன் ஒப்பிடுகையில் புரோமோபுளோரோகார்பன்கள் அதிக கொதிநிலையும் உருகுநிலையும் கொண்டுள்ளன.

A sailor in coveralls wipes down red gas bottles
அமெரிக்கக் கடற்படையின் கப்பல் இயந்திர அறையில் ஒர் ஏலோன் தீக்கட்டுப்பாடு அமைப்பு

மேற்கோள்கள்[தொகு]

  1. 1.0 1.1 Chambers, Richard D. (2004). Fluorine in Organic Chemistry. CRC Press. பக். 4. பன்னாட்டுத் தரப்புத்தக எண்:0849317908. http://books.google.com/books?id=XE5VHh7uL_0C&pg=PA4&dq=Bromofluorocarbon&hl=en&sa=X&ei=p2dQUvapFpin4AO8lIHgDQ&ved=0CC8Q6AEwAA#v=onepage&q=Bromofluorocarbon&f=false. 
  2. Misra, Kula C. (2012). "13.3.1 Depletion of stratospheriz ozon -- the "ozone hole"". Introduction to Geochemistry: Principles and Applications. John Wiley & Sons. http://books.google.com/books?id=uxG5OxwbSZcC&pg=PT725&dq=Bromofluorocarbon&hl=en&sa=X&ei=p2dQUvapFpin4AO8lIHgDQ&ved=0CDQQ6AEwAQ#v=onepage&q=Bromofluorocarbon&f=false. 
  3. Committee on Assessment of Fire Suppression Substitutes and Alternatives to Halon (Commission on Physical Sciences, Mathematics, and Applications, National Research Council) (1997). "Executive summary". Fire suppression substitutes and alternatives to Halon for U.S. Navy applications. National Academies Press. பக். 1. பன்னாட்டுத் தரப்புத்தக எண்:978-0-309-07492-6. http://www.nap.edu/openbook.php?record_id=5744&page=1. 
"https://ta.wikipedia.org/w/index.php?title=புரோமோபுளோரோகார்பன்&oldid=1981412" இருந்து மீள்விக்கப்பட்டது