பாரதி (ஆராய்ச்சி நிலையம்)
| பாரதி | |
|---|---|
| ஆள்கூறுகள்: 69°24′29″S 76°11′14″E / 69.408030°S 76.187361°Eஆள்கூறுகள்: 69°24′29″S 76°11′14″E / 69.408030°S 76.187361°E | |
| நாடு |  இந்தியா |
| அண்டார்க்டிக்கா | லார்செமான் குன்றுகள் பிர்ட்சு வளைகுடா |
| நிர்வாகம் | தேசிய அண்டார்ட்டிகா மற்றும் பெருங்கடல் ஆராய்ச்சி மையம் |
| நிறுவல் | மார்ச்சு 18, 2012 |
| மக்கள்தொகை | |
| • மொத்தம் |
|
| வகை | ஆண்டு முழுவதும் |
| காலம் | ஆண்டுக்கு ஒரு முறை |
| நிலை | செயல்படு நிலை |
| இணையதளம் | National Centre for Antarctic and Ocean Research |
பாரதி (ஆராய்ச்சி நிலையம்) (Bharati - research station) என்பது அண்டார்டிக்காவில் அமைந்த இந்தியாவிற்கான ஆராய்ச்சி நிலையம் ஆகும். இது, இந்தியாவின் மூன்றாவது அண்டார்டிகா ஆராய்ச்சி மையமும் நன்கு இயங்கிக் கொண்டிருக்கும் இரு இந்திய ஆராய்ச்சி நிலையங்களில் ஒன்றுமாகும். மேலும், இந்த மையமானது, மைத்ரி நிலையத்தோடு இணைந்து செயல்படுகிறது. இந்தியாவின் முதல் ஆய்வுத் தளமான தக்ஷின் கங்கோத்ரி, இத்தளத்திற்கு விநியோகத் தளமாக பயன்படுத்தப்படுகிறது. லாஸ்மேன் ஹில்ஸ் அருகே 69 ° தெ, 76 ° கி பகுதியில் இவ்வாய்வுக் கட்டிடத்தை இந்தியா நிர்மாணித்துள்ளது. இந்த ஆய்வு நிலையம் மார்ச்சு 18, 2012 இல் இருந்து செயல்பட்டு வருகிறது, இருப்பினும், அது இன்னும் சோதனை அடிப்படையிலேயே இயங்கிக்கொண்டிருக்கிறது; இது முறையான செயல்பாட்டிற்காக காத்திருக்கிறது.[1][2]
இந்த ஆய்வு நிலையம் நிறுவப்பட்டதிலிருந்து, அண்டார்டிக் வட்டத்திற்குள் பல ஆராய்ச்சி நிலையங்களைக் கொண்டுள்ள ஒன்பது நாடுகளில் இந்தியாவும் ஒன்றாகிவிட்டது. பாரதியின் ஆராய்ச்சி கடல் சார்ந்த ஆய்வுகள் மற்றும் கண்டத்தின் உடைவுகள் பற்றிய நிகழ்வுகள் ஆகியவற்றை மையமாகக் கொண்டுள்ளது. இந்திய துணைக் கண்டத்தின் புவியியல் வரலாற்றின் தற்போதைய நிலையை மேம்படுத்தவும் இது உதவுகிறது. செய்தி ஊடகங்கள் இந்நிலையத்தின் பெயரை "பார்தி", "பாரதி" என வெவ்வேறு ஒலிப்பில் குறிப்பிடுகின்றன. [3] [4][5][6]
வசதிகள்[தொகு]
இங்கு அமைக்கப்பட்ட திட்டப்பணியானது, இந்தியாவின் மின்னணுவியல் கூட்டு நிறுவனக் கழகத்தால் ரூபாய் 50 கோடி (500 மில்லியன்) ஒப்பந்த மதிப்பிற்கு தேசிய தொலைதூர உணர்திறன் மையத்தால் (NRSC) நிறுவப்பட்டது. அதி-விரைவு செயற்கைக்கோளில் இருந்து வரக்கூடிய ஒளிக்கற்றைகளைச் சாியான நேரத்திற்குப் பாரதி நிலையத்திலிருந்து பெற்று ஐதராபாத் தேசிய தொலைதூர உணர்திறன் மையத்திற்கு (NRSC) அனுப்பப்படுகிறது. அங்கு தரவுகளானது செயலாக்கம் பெற்று படங்களாக்கப்படுகிறது. 2007 ஆம் ஆண்டில், இந்தியாவின் மின்னணுவியல் கூட்டு நிறுவனக் கழகத்தின் தகவல் தொடர்பானது மைத்ரி நிலையத்தோடு இணைந்துள்ளது. இது அண்டார்டிக்கா மற்றும் NCAOR இல் இரண்டாவது இந்திய ஆராய்ச்சி நிலையம் ஆகும். மற்றவர்களுடன் இணைந்து, இந்திய விஞ்ஞானிகள் பாரதி நிலையத்தில் நிலவியல் மற்றும் புவியியல் கட்டமைப்புகள் பற்றிய ஆய்வுகளை மேற்கொள்கின்றனர்.[7]
மேற்கோள்கள்[தொகு]
- ↑ Abhai Mishra & Bhagwati Prasad. "Inauguration of India's new Antarctic Station 'Bharati'". Stamps of India. 15 September 2012 அன்று மூலம் பரணிடப்பட்டது. 11 September 2016 அன்று பார்க்கப்பட்டது.
- ↑ Paul Fernandes (26 June 2012). "India's station in Antarctic operational". Times Of India (Delhi, India). Archived from the original on 25 ஜூலை 2013. https://web.archive.org/web/20130725220423/http://articles.timesofindia.indiatimes.com/2012-06-26/goa/32423797_1_antarctic-treaty-ncaor-larsemann-hills.
- ↑ "Third Antarctica research station by 2011". The Hindu (Chennai, India). 20 February 2009. Archived from the original on 11 ஏப்ரல் 2009. https://web.archive.org/web/20090411063558/http://www.hindu.com/2009/02/20/stories/2009022052310500.htm.
- ↑ "Bharti to be 3rd Indian station in Antarctica" பரணிடப்பட்டது 2012-10-25 at the வந்தவழி இயந்திரம், The Times of India, 6 August 2009
- ↑ "Budget boost for gas hydrates, polar sciences research". The Hindu (Chennai, India). 16 February 2009. Archived from the original on 7 November 2012. https://web.archive.org/web/20121107085557/http://www.hindu.com/holnus/008200902161911.htm.
- ↑ Activities at Maitri & Bharati
- ↑ Mallikarjun, Y. (2 May 2012). "State of the art Bharati station to come up soon". The Hindu (Chennai, India). http://www.thehindu.com/sci-tech/technology/article3374556.ece?homepage=true. பார்த்த நாள்: 6 May 2012.