நைன்பூர்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

நைன்பூர் என்பது இந்தியாவின் மத்தியப் பிரதேச மாநிலத்தின் மண்ட்லா மாவட்டத்தில் உள்ள ஒரு நகரம் மற்றும் நகராட்சி மன்றமாகும் .

புவியியல்[தொகு]

நைன்பூர் 22.43 ° வடக்கு 80.12 ° கிழக்கு என்ற புவியியல் இருப்பிடத்தில், 447 மீற்றர் (1,467 அடி) உயரத்தில் அமைந்துள்ளது. இந்த நகரம் 10.5 கிமீ 2 (4.1 சதுர மைல்) பரப்பளவைக் கொண்டது. நைன்பூர் நாட்டின் முழுமையான மையத்தில் அமைந்துள்ளது. இது சாகோர், தன்வார் என்ற இரண்டு நதிகளால் சூழப்பட்டுள்ளது. இந்த நகரத்தில் ரயில்வே தலாப் என்ற ஏரி அமைந்துள்ளது. இது மாண்ட்லா மாவட்டத்தின் மிக அழகான நகரமாகும். மேலும் இது சத்புரா மலைகளில் அமைந்துள்ள நகரங்களில் ஒன்றாகும்.[1]

காலநிலை[தொகு]

பெரிய இந்திய பீடபூமியின் வழக்கமான வெப்பமான மற்றும் வறண்ட காலநிலையை இந்த நகரம் கொண்டுள்ளது. கோடைகாலத்தில் நைன்பூரின் சராசரி வெப்பநிலை 44 பாகை செல்சியஸ் வரை இருக்கும். குளிர்கால சராசரி வெப்பநிலை 15 பாகை செல்சியஸ் ஆக காணப்படும். சூலை முதல் செப்டம்பர் மாதங்கள் தென்மேற்கு பருவமழை தொடங்குவதால் பலத்த மழை பெய்யும். அக்டோபர் முதல் மார்ச் வரையிலான காலப் பகுதி குளிர்காலமாகும்.

மக்கள் வகைப்பாடு[தொகு]

2001 ஆம் ஆண்டின் இந்திய மக்கட் தொகை கணக்கெடுப்பின்படி நைன்பூரில் மக்கட் தொகை ஏறத்தாழ 26,000 ஆகும். மொத்த மக்கட் தொகையில் ஆண்கள் 51% வீதமாகவும், பெண்கள் 49% வீதமாகவும் உள்ளனர். நைன்பூரின் சராசரி கல்வியறிவு விகிதம் 75% ஆகும். இது தேசிய சராசரியான 59.5% ஐ விட அதிகமாகும். ஆண்களின் கல்வியறிவு 81% வீதமாகவும், பெண்களின் கல்வியறிவு 68% வீதமாகவும் இருந்தது. நைன்பூரின் மக்கட் தொகையில் 12% வீதமானோர் ஆறு வயதிற்கு உட்பட்டவர்கள் ஆவார்கள்.[2]

நிர்வாகம்[தொகு]

நைன்பூர் தெஹ்ஸில் ஒன்றாகும். இந்த நகரம் நைன்பூர் நகராட்சியால் நிர்வகிக்கப்படுகின்றது. மேலும் நகரம் 15 வார்டுகளாக பிரிக்கப்பட்டுள்ளது. ஒவ்வொரு வார்டையும் ஒரு வார்டு உறுப்பினர் பிரதிநிதித்துவப்படுத்துகிறார். வார்டு உறுப்பினர் பார்ஷாத் என்று அழைக்கப்படுகிறார். இந்த 15 உறுப்பினர்கள் நகர சபையை உருவாக்கி , நகராட்சி மன்றத் தலைவரைத் தேர்ந்தெடுக்கின்றனர். நகராட்சி மன்றத்தில் இரண்டு பரிந்துரைக்கப்பட்ட உறுப்பினர்கள் உள்ளனர்.

போக்குவரத்து[தொகு]

நைன்பூர் சந்தி குறுகிய பாதை ( 2 அடி 6 அங்குலம் ( 762 மிமீ ) ரயில் மையமாக இருந்தது. இது ஜபல்பூரின் வடக்கே 110 கிலோ மீற்றரிலும், பாலகாட் தெற்கே 76 கிலோ மீற்றரிலும், கிழக்கில் மாண்ட்லா 50 கிலோ மீற்றரிலும், மற்றும் மேற்கில் சிந்த்வாரா 150 கிலோ மீற்றரிலும் அமைந்துள்ளன. இது சிண்ட்வாரா மற்றும் கோண்டியா வழியாக நாக்பூருடன் இணைக்கப்பட்டுள்ளது. இது சமீபத்திய பாதை மாற்ற திட்டத்திற்கு முன்பு ஆசியாவின் மிகப்பெரிய குறுகிய பாதை ரயில் சந்தியாக திகழ்ந்தது. தற்போது அனைத்து தடங்களும் கட்டுமானத்தின் வெவ்வேறு கட்டங்களில் பாதையளவு மாற்றத்தின் கீழ் உள்ளன. ஜபல்பூர்-கோண்டியா ரயில் பிரிவு வடக்கு, கிழக்கிந்தியாவிலிருந்து தென்னிந்தியா மாகாணங்களுக்கு செல்லும் ரயில்களுக்கான பயண நேரத்தை சுமார் 6 மணி நேர நேரத்தைக் குறைக்கும் என்பதால் நைன்பூர்-பலகாட் பாதைத் திட்ட மாற்றம் முடிந்தவுடன் நைன்பூர் மீண்டும் ஒரு முக்கியமான சந்திப்பு நிலையமாக இருக்கும்.

நைன்பூர் ஜபல்பூர், சியோனி , சிந்த்வாரா , பாலகாட் மற்றும் மாண்ட்லா ஆகியவற்றுடன் சாலைவழிகளால் இணைக்கப்பட்டுள்ளது. இது மாண்ட்லாவால் ராய்ப்பூரிற்கும், பாலகாட் முதல் கோண்டியா மற்றும் சியோனி என்பவற்றால் நாக்பூருக்கும் சாலைகள் வழியாக இணைக்கப்பட்டுள்ளது. இங்கு 'மால்தர்', 'சித்தாகட்', 'கோக்ரா', 'பீமா நாலா' (நீரூற்று), 'ஷிகாரா' போன்ற அழகான சுற்றுலா இடங்களைக் காணலாம்.

சான்றுகள்[தொகு]

"https://ta.wikipedia.org/w/index.php?title=நைன்பூர்&oldid=2868537" இருந்து மீள்விக்கப்பட்டது