தொகாநிலைத் தொடர்

சொல்லைத் தனிச்சொல், தொடர்ச்சொல் என இரண்டு வகையாகப் பகுத்துக் காண்பது தமிழ் இலக்கண-நெறி. இவற்றில் தொடர்ச்சொல்லைத் தொகைநிலைத் தொடர் எனவும், தொகாநிலைத் தொடர் எனவும் இரண்டு வகையாகப் பார்க்கின்றனர்.

தொகாநிலைத் தொடர்கள்

எண்ணிக்கை	தொடரின் பெயர்	எடுத்துக்காட்டு
1	வினைமுற்றுத் தொடர்	உண்டான் சாத்தன்
2	பெயரெச்சத் தொடர்	உண்ட சாத்தன்
3	வினையெச்சத் தொடர்	உண்டு சென்றான்
4	எழுவாய்த் தொடர்	சாத்தன் வந்தான்
5	விளித்தொடர்	சாத்தா வா
6	வேற்றுமைத் தொகாநிலைத் தொடர்	குடத்தை வனைந்தான் (இரண்டாம் வேற்றுமை) வாளால் வெட்டினான் (மூன்றாம் வேற்றுமை) புலவர்க்குக் கொடுத்தான் (நான்காம் வேற்றுமை) மலையின் இழிந்தான் (=இறங்கினான்) (ஐந்தாம் வேற்றுமை) சாத்தனது கால் (ஆறாம் வேற்றுமை) சாத்தனிடம் உள்ளது (ஏழாம் வேற்றுமை)
7	இடைச்சொல் தொடர்	மற்றொன்று
8	உரிச்சொல் தொடர்	நனி பேதையே
9	அடுக்குத் தொடர்	பாம்பு பாம்பு