திருப்பணிப்பேட்டை சுந்தரேசுவரர் கோயில்

திருப்பணிப்பேட்டை சுந்தரேசுவரர் கோயில் திருவாரூர் மாவட்டத்தில் உள்ள சிவன் கோயிலாகும்.

அமைவிடம்

இக்கோயில் திருவாரூர் மாவட்டத்தில் கமலாபுரம் அருகில் அமைந்துள்ளது.

இறைவன், இறைவி

இக்கோயிலின் மூலவராக சுந்தரேசுவரர் உள்ளார். இங்குள்ள இறைவி அன்னபூரணி ஆவார். இறைவன் மேற்கு பார்த்த நிலையிலும், இறைவி கிழக்கு பார்த்த நிலையிலும் உள்ளனர்.

அமைப்பு

இக்கோயிலின் திருச்சுற்றில் விநாயகர், வள்ளி தெய்வானையுடன் கூடிய சுப்பிரமணியர், மகாலட்சுமி ஆகியோர் உள்ளனர். சண்டிகேசுவரர், நவக்கிரகங்கள், தட்சிணாமூர்த்தி உள்ளிட்டோர் காணப்படுகின்றனர். அனைத்து கடவுள்களையும் வணங்கியபின் நந்தவனம் செல்லும் வகையில் வழி அமைக்கப்பட்டுள்ளது.

திருவிழாக்கள்

பிரதோஷம், அமாவாசை, ஆருத்ரா தரிசனம், பங்குனி உத்திரம், சிவராத்திரி, மாசி மகம் போன்ற விழாக்கள் இக்கோயிலில் கொண்டாடப்படுகின்றன.