திடக்கழிவு மேலாண்மை

திடக்கழிவு மேலாண்மை 

திடக்கழிவு மேலாண்மை என்பது வீடுகள்,வணிக வளாகங்கள்,தொழிற்சாலைகள் மற்றும் சுரங்கங்களிலிருந்து கிடைக்கும் தேவையில்லாத பயன்படுத்தப்பட்ட திடப் பொருள்களை சரியான முறையில் நிர்வகிக்கும் செயலாகும். இவை சுற்றுச்சூழலை மாசுபடுத்துகின்றன.உதாரணமாக பேப்பர் , ரப்பர் , பிளாஸ்டிக் பொருட்கள் , கண்ணாடிகள் , தோல் பதனிடும் தொழிற்சாலை கழிவுகள் போன்றவையாகும்.

திடக்கழிவுகளின் மூலங்கள்

    1.வீடுகள் 

    2.அலுவலகங்கள் , மருத்துவமனைகள்  ,கல்வி நிறுவனங்கள் 

    3.தொழிற்சாலைகள் 

    4.வேளாண் கழிவுகள் 

    5.நகராட்சி கழிவுகள் 

திடக்கழிவுகளின் வகைப்பாடு 

சிதைவடைவன 

இவை நுண்ணுயிரிகளின் செயல்களால் எளிதில் சிதைவடையும்.(எ .கா ) இறந்த தாவரங்கள், விலங்குகளின் உடல்கள் , காய்கறிக் கழிவுகள்.

சிதைவடையாதவை 

இவை நுண்ணுயிரிகளால் எளிதில் சிதைவடையாது .(எ .கா ) பிளாஸ்டிக் ,டயர்கள் ,கண்ணாடி,  உலோகங்கள்.

சாம்பல் 

மரக்கட்டை, நிலக்கரி போன்றவை எரிபொருளாகப் பயன்படுத்ததும் போது கிடைக்கும் துணை வினைப் பொருள் சாம்பல் ஆகும்

கட்டுமான திடக்கழிவுகள் 

    கட்டிடங்கள் கட்டும் போதும் , இடிக்கும் போதும் வெளிப்படும் கழிவுகள் ஆகும்.(எ .கா ) கற்கள், கான்க்ரீட் திடக்கழிவு  செங்கற்கள் , மின்சாதனப்  பொருட்கள்.

நச்சு திடக்கழிவுகள்  

இவை மிகவும் நச்சுத் தன்மை வாய்ந்த கழிவுகள். (எ.கா ) உலோகங்கள் (குரோமியம்  .பாதரசம், 

காட்மியம்) மற்றும் பூச்சி கொல்லிகள் ,வெடிபொருட்கள், ,மருத்துவமனைகழிவுகள்  (ஊசி,நுண்ணுயிருள்ள அறுவை செய்யப்பட்ட உடற்பகுதி) ஆகியன கதிரியக்கத்

தனிமக்கழிவுகளாகும். 

கழிவு நீர் சுத்திகரிப்பு கழிவுகள் 

 கழிவுநீர் சுத்திகரிக்கும் பொழுது வெளிவரும் திடக்கழிவுகளாகும்.

வேளாண் கழிவுகள் 

வேளாண் பொருட்களை பயன்படுத்தியது போக மீதமுள்ளவை இதில் அடங்கும்.(எ .கா) நெல் உமி ,

தவிடு , கரும்புச்சக்கை ,கரும்புத்தோகை,சோளத்தட்டை ,பண்ணைக்கழிவுகள் தென்னை கழிவுகள். 

திடக்கழிவுகளின் விளைவுகள் 

 1. இக்கழிவுகளை எரிக்கும் போது வளிமண்டலத்தையும், மண்ணில் இடும் போது நீர் மற்றும்

    நிலத்தினையும்  மாசுபடுத்துகிறது.

 2. நோயை உண்டாக்கும் நுண்ணுயிரியுள்ள மருத்துவமனைக் கழிவுகள் பல நோய்கள் ஏற்படக் 

     காரணமாகின்றன.

 3. மீள்சுழற்சிக்குப் பயன்படும் பேப்பர் , உலோகம் பொறுக்குபவர்களுக்கு தோல் நோய்கள், சுவாசக் 

     கோளாறுகள்,கண் எரிச்சல் மற்றும் இரைப்பைத் தொற்றுநோய் போன்றவை ஏற்படுத்துகின்றன.

 4. குளோரின் உள்ள  திடக்கழிவுகளை எரிக்கும் போது அதிலிருந்து வெளிவரும் டையாக்சின் ,

      ப்யூரான் வாயுக்களை சுவாசிக்கும் போது மலட்டுத்தன்மை ஏற்படுகிறது. 

 5.  நச்சு திடக்கழிவுகள் உணவுச்சங்கிலி மூலம் உடலில் சேமிக்கப்பட்டு புற்றுநோய் போன்ற தீய 

      விளைவுகளை ஏற்படுத்துகின்றன.    

மறு சுழற்சி :

பேப்பர் ,கண்ணாடி,உலோகம்,பிளாஸ்டிக் போன்ற திடக்கழிவுகள் மீண்டும் பயன்படுத்தக்கூடியதாகவும்

சக்தி எடுக்கவும் பயன்படுகிறது.

திடக்கழிவின் மேலாண்மை :

சேகரித்தல் :  

 திடக்கழிவானது வாகனங்களால் சேகரித்து சுத்திகரிக்கும் இடத்திற்கு எடுத்து வரப்படுகிறது .

பிரித்தல் : 

திடக்கழிவுகளை சிதைவன , சிதையாதவை , எரியும் பொருட்கள் , எரியாத பொருட்கள் எனத் தனியாக

பிரிக்கப்பட்டு பிளாஸ்டிக் ,பேப்பர் ,உலோகம் போன்றவை மறுசுழற்சிக்கு அனுப்பப்டுகிறது .

தூளாக்குதல் :

திடக்கழிவுகளை அரைத்துத் தூளாக்கப்படுகிறது . பின்பு சுத்திகரிக்கப்பட்டு பயன்படுத்தப்படுகிறது .

திடக்கழிவு சுத்திகரிக்கும் முறைகள் :

உயிரியல் முறை  : 

இம்முறையில் நுண்ணுயிர்கள் மூலம் திடக்கழிவுகளைச் சிதைக்கின்றன .  

அ ) திறந்தவெளிமுறை :   பள்ளமான இடங்களில் திடக்கழிவுகள் சேகரிக்கப்பட்டு நுண்ணயிர்களால்

மக்கச்  செய்து பயன்படுத்தப்படுகிறது .

ஆ) உரமாக்குதல் :  திடக்கழிவுகளை பாக்டீரியா மற்றும் பூஞ்சைகளால் சிதைக்கப்பட்டு கரிம உரமாக

  மாற்றப்படுகிறது .

இ) நிலத்தில் புதைத்தல் :  திடக்கழிவுகளை குழிகளில் புதைக்கப்பட்டு சுற்றுச் சூழலுக்கு பாதிப்பு

ஏற்படாதவாறு  பாதுகாக்கப்படுகிறது .

வெப்பமுறை : 

இம்முறையில் திடக்கழிவுகளை வெப்பப்படுத்தி எரிபொருளாகவோ அல்லது எரித்து சக்தியாகவோ 

மாற்றப்படுகிறது .

அ) பைராலிசிஸ் : இதில் திடக்கழிவானது 600-1000'c வெப்பநிலையில் ஆக்சிஜன் அற்ற நிலையில்

எரிக்கப்பட்டு  வாயு எரிபொருளாக மாற்றப்படுகிறது .

ஆ) எரித்தல் :   இதில் திடக்கழிவானது எரிக்கும் இயந்திரத்தில் இட்டு எரித்து வெப்ப சக்தியானது மின்

சக்தியாக  உற்பத்தி செய்யப்படுகிறது .

திடக்கழிவு  மேலாண்மையின் பயன்பாடு :

 i ) மக்களை நோயிலிருந்து பாதுகாக்கப்படுகிறது .

 ii) மறுசுழற்சி செய்வதன் மூலம் சக்தி எடுக்கப்படுகிறது .

 iii) சுற்றுச்சூழலைப் பாதுகாக்க  பயன்படுகிறது .

மேற்கோள்கள்

1) கு.குமாரசாமி  , அ.அழகப்ப மோசஸ் , மு.வசந்தி  ,(2010) "சுற்றுச்சூழல்  அறிவியல் "  பாரதிதாசன் 

      பல்கலைக்கழகப்  பாடநூல் வெளியீட்டு எண் 46 ,பாரதிதாசன் பல்கலைக்கழகம் ,திருச்சி .

 2) கார் .G . 1997 , மண் மற்றும் திடக்கழிவு மேலாண்மை ,சர்அப்  அண்டு சன்ஸ் , நியூ டெல்லி .