ஜோனாஸ் சகோதரர்கள்

கட்டற்ற கலைக்களஞ்சியமான விக்கிப்பீடியாவில் இருந்து.
Jonas Brothers
From left to right: Nick, Joe, and Kevin Jonas performing at the Kids' Inaugural: "We Are the Future" event in January 2009.
பின்னணித் தகவல்கள்
பிறப்பிடம்United States
இசை வடிவங்கள்Pop,[1] soft rock[2]
இசைத்துறையில்2005–present
வெளியீட்டு நிறுவனங்கள்Columbia, Daylight, Fascination, Hollywood, INO
இணையதளம்www.jonasbrothers.com/
உறுப்பினர்கள்Joe Jonas
Kevin Jonas
Nick Jonas

ஜோனாஸ் ப்ரதர்ஸ் , ஒரு அமெரிக்க பாப் ராக் இசை ஆண்கள் குழுவாகும்.[3][4][5][6] டிஸ்னி சேனல் என்னும் குழந்தைகளுக்கான தொலைக்காட்சி வலைப் பின்னல் மூலமாக இந்தக் குழு புகழ் பெற்றது. நியு ஜெர்ஸியின் விக்காஃப் என்னும் இடத்தைச் சார்ந்த இந்தக் குழு, மூன்று சகோதரர்களைக் கொண்டது: பால் கெவின் ஜோனாஸ் II (கெவின் ஜோனாஸ்), ஜோஸப் ஆடம் ஜோனாஸ் (ஜோ ஜோனாஸ்), மற்றும் நிகோலஸ் ஜெர்ரி ஜோனாஸ் (நிக் ஜோனாஸ்). 2008ஆம் ஆண்டு வேனிற் காலத்தில், இவர்கள் கேம்ப் ராக் என்னும் டிஸ்னி சேனலின் ஒரிஜினல் மூவியில் நடித்தனர். இந்தக் குழு நான்கு இசைத்தொகுப்புகளை வெளியிட்டுள்ளது: அவை, இட்'ஸ் அபௌட் டைம் , ஜோனாஸ் ப்ரதர்ஸ் , எ லிட்டில் பிட் லாங்கர் , மற்றும் லைன்ஸ், வைன்ஸ் அண்ட் ட்ரையிங்க் டைம்ஸ் ஆகியவையாகும். 2008ஆம் ஆண்டு, இந்தக் குழு 51வது கிராமி விருதுகளில் சிறந்த அறிமுகக் கலைஞர் விருதிற்காகப் பரிந்துரைக்கப்பட்டு, அமெரிக்கன் மியூசிக் விருதுகளில், கட்டுடைத்த வெற்றி பெற்ற கலைஞர் விருதினைப் பெற்றது.

2009ஆம் ஆண்டு மே மாதம் வரை, லைன்ஸ், வைன்ஸ் மற்றும் ட்ரையிங் டைம்ஸ் இசைத் தொகுப்பு வெளியிடப்படுவதற்கு முன்னர், உலக அளவில் எட்டு மில்லியன் இசைத் தொகுப்புகளை இவர்கள் விற்றிருந்தனர்.[7]

வரலாறு[தொகு]

நிக் ஜோனாஸ்: டிஸ்கவரி மற்றும் தனி இசைத் தொகுப்பு (1999-2005)[தொகு]

இந்தக் குழு, நிக் ஜோனாஸிற்காக ஒரு தனி இசைப் பணித் திட்டமாகத்தான் துவங்கப்பட்டது.[8][9][10] நிகோலஸ், தமது ஏழாவது வயதிலிருந்து பிராட்வேயில் நிகழ்ச்சிகள் நடத்தத் தொடங்கினார்.[11][12] இவர் பல நாடகங்களில் நடித்துள்ளார்; (2000 ஆம் ஆண்டில் டைனி டிம்மாகவும், தமது எட்டாவது வயதில் ஸ்க்ரூஜாகவும் நடித்த) எ கிறிஸ்துமஸ் கரோல் , (2001ஆம் ஆண்டு லிட்டில் ஜேக்காக நடித்த) ஆனி கெட் யுவர் கன் , (2002ஆம் ஆண்டு சிப் என்னும் பாத்திரத்தில் நடித்த) ப்யூட்டி அண்ட் தி பீஸ்ட் , மற்றும் (2003ஆம் ஆண்டு கேவ்ரோசே என்னும் பாத்திரத்தில் நடித்த)லெ மிஸெரெபில்ஸ் ஆகியவை இவற்றுள் அடங்கும்.[12][13][14][15] லெ மிஸெரெபில்ஸ் நாடக நிகழ்ச்சிகள் முடிவடைந்த பிறகு, பேப்பர் மில் பிளே ஹவுஸ் என்னும் இடத்தில் தி சவுண்ட் ஆஃப் மியூசிக் என்னும் நாடகத்தில் (கர்ட் என்னும் பாத்திரத்தில்) நடித்தார்.[16]

2002ஆம் ஆண்டு ப்யூட்டி அண்ட் தி பீஸ்ட் நாடகத்தில் நடித்து கொண்டிருந்த போது, நிக் தனது தந்தையுடன் "ஜாய் டு தி வேர்ல்ட் (எ கிறிஸ்துமஸ் பிரேயர்)" என்னும் பாடலை எழுதினார். ப்யூட்டி அண்ட் தி பீஸ்ட் நாடகத்தில் பின்னணி இசைத்த பாடகர்களுடன், 2002ஆம் ஆண்டு பிராட்வேயின் வருடாந்தர இசைத் தொகுப்பான "ஈக்விடி ஃபைட்ஸ் எய்ட்ஸ்" என்பதில் பிராட்வேஸ் கிரேட்டஸ்ட் கிஃப்ட்ஸ்: கரோல்ஸ் ஃபார் எ க்யூர், வால்யூம் 4 என்னும் இசைத் தொகுப்பில் நிக் அந்தப் பாடலை இசைத்தார்.[17][18] 2003ஆம் ஆண்டு நவம்பர் மாதத்தில் ஐஎன்ஓ ரெகார்ட்ஸ் "ஜாய் டு தி வேர்ல்ட் (எ கிறிஸ்துமஸ் பிரேயர்)" என்பதன் செய்முறைப் பதிப்பு ஒன்றைப் பெற்றது.[19] இந்த வர்த்தக நிறுவனம் தனது சின்னத்தின் கீழ் இந்தப் பாடலை கிறிஸ்டியன் ரேடியோவில் வெளியிட்டதும் இந்தப் பாடல் மிக விரைவில் ரெகார்ட் அண்ட் ரேடியோவின் கிறிஸ்டியன் அடல்ட் கண்டம்பொரரி பட்டியலில் புகழ் பெற்றது.[18] நிக் தனது தனி இசைத் திட்டப் பணியில் பணியாற்றிக் கொண்டிருக்கையிலேயே, ஜோ அவரது வழித் தடங்களைப் பின்பற்றி, பிராட்வேயில், லா பொஹெம் என்பவரின் பாஸ் லர்மான் என்னும் தயாரிப்பில் தோன்றினார். நிக்கைப் பொறுத்தவரை, இதுவே சகோதரர்கள் இருவரும் முதன் முதலாக இணைந்து பாடல்கள் எழுதத் துவங்கிய வருடமாகும்.[20]

2004ஆம் ஆண்டு செப்டம்பர் மாத வாக்கில், கொலம்பியா ரெகார்ட்ஸ் நிறுவனத்தின் ஒரு மேலதிகாரி நிக்கின் பாடலைப் பற்றி அறிந்து கொண்டார்.[17][18] விரைவிலேயே, நிக் ஐஎன்ஓ ரெகார்ட்ஸ் மற்றும் கொலம்பியா ரெகார்ட்ஸ் ஆகிய இரண்டு நிறுவனங்களுடனும் ஒப்பந்தம் செய்யப்பட்டு, "டியர் காட்"[21] என்னும் தனிப் பாடலை வெளியிட்டார். இரண்டாவது தனிப் பாடலாக, "ஜாய் டு தி வேர்ல்ட் (எ கிறிஸ்துமஸ் பிரேயர்)" பாடல் ஒரு புதிய தனியிசையாக ஒலிப்பதிவு செய்யப்பட்டு, நவம்பர் 16ஆம் தேதி வெளியிடப்பட்டது.[22] இந்தப் பாடலை அடுத்து டிசம்பர் மாதம் நிகோலஸ் ஜோனாஸ் என்னும் தலைப்பிலேயே ஒரு தனி இசைத் தொகுப்பு வெளியாவதாக இருந்தது; ஆனால் அந்த இசைத் தொகுப்பு ஒத்தி வைக்கப்பட்டு விட்டது;[23] எனினும், அது ஒரு சிறிய அளவில் வெளியானது.[24] இந்த இசைத் தொகுப்பிற்காக, நிக் தனது சகோதரர்கள் கெவின் மற்றும் ஜோவுடன் இணைந்து வேறு பல பாடல்களையும் இயற்றியுள்ளார்.[17] 2005ஆம் ஆண்டுத் தொடக்கத்தில், கொலம்பியா ரெகார்ட்ஸின் புதிய தலைவரான, ஸ்டீவ் கிரீன்பெர்க், நிக்கின் இசைப் பதிவுகளைக் கேட்டார். க்ரீன்பெர்க், நிக்கின் குரலை விரும்பினார்.[25] நிக்கைச் சந்தித்து, அவரும் அவர் சகோதரர்களும் எழுதிப் பாடிய "ப்ளீஸ் பீ மைன்" என்னும் பாடலைக் கேட்ட பின்னர், டேலைட்/ கொலம்பியா ரெகார்ட்ஸ் இந்த மூவரையும் ஒரு குழுவாக ஒப்பந்தம் செய்து கொள்ள முடிவு செய்தது.[17][26][27]

இட்ஸ் அபௌட் டைம் (2005-2006)[தொகு]

கொலம்பியாவுடனான ஒரு ஒப்பந்தம் கையெழுத்திடப்பட்டதற்குப் பின்னர், இந்தச் சகோதரர்கள் தங்கள் குழுவிற்கு "ஜோனாஸ் ப்ரதர்ஸ்" என்று பெயர் சூட்டுவதற்கு முன்பாக, "சன்ஸ் ஆஃப் ஜோனாஸ்" எனப் பெயரிடலாம் என்று கருதினர்.[28] 2005ஆம் ஆண்டு முழுவதும், ஜம்ப்5, கெல்லி கிளார்க்ஸன், ஜெஸ்ஸி மெக்கார்டினி, தி பேக்ஸ்ட்ரீட் பாய்ஸ், மற்றும் தி க்ளிக் ஃபைவ் உள்ளிட்ட பல கலைஞர்களுக்காக, ஜோனாஸ் சகோதரர்கள் பல சுற்றுலாக்களை மேற்கொண்டனர்.[8][29] அந்த ஆண்டின் பிற்பகுதியில் ஆலி அண்ட் ஏஜே மற்றும் தி சீட்டா கேர்ள்ஸ் ஆகியோருடன் இணைந்து போதை மருந்துகளுக்கு-எதிரான பயணம் ஒன்றையும் மேற்கொண்டனர்.[29][30] மேலும், 2006ஆம் ஆண்டின் தொடக்கத்தில் தி வெரோனிகாஸ் என்னும் குழுவிற்காக நிகழ்ச்சி நடத்தினர்.[17] இட்ஸ் அபௌட் டைம்|இட்ஸ் அபௌட் டைம் என்னும் தலைப்பிடப்பட்ட இசைத் தொகுப்பிற்காக, இந்தக் குழு ஆடம் ஷெல்ஸிங்கர் (ஃபௌன்டேன்ஸ் ஆஃப் வேய்ன்), மிக்கேல் மாங்கினி (ஜாஸ் ஸ்டோன்), டெஸ்மாண்ட் சைல்ட் (ஏரோஸ்மித், பான் ஜோவி), பில்லி மான் (டெஸ்டினிஸ் சைல்ட், ஜெஸ்ஸிகா ஸிம்ப்ஸன்) மற்றும் ஸ்டீவ் க்ரீன்பெர்க் ஆகிய பல எழுத்தாளர்களுடன் இணைந்து செயலாற்றியது.[30] இந்த இசைத் தொகுப்பு முதலில் 2006ஆம் ஆண்டு ஃபிப்ரவரி மாதத்தில் வெளியாகவிருந்தது; ஆயினும், பல முறை இது ஒத்தி வைக்கப்படலானது.[17][26][29][30] ஸோனி]]யில் (கொலம்பியாவின் தாய் நிறுவனம்) நிகழ்ந்த அதிகார மாற்றங்களும் மற்றும் அதன் மேலதிகாரிகள் இந்த இசைத் தொகுப்பு "மற்றொரு முதன்மைத் தனிப் பாடல்" கொண்டிருக்க வேண்டும் என்றும் விரும்பியதே இந்த தாமதத்திற்குக் காரணமாகும். இந்த இசைத் தொகுப்பிற்காக யூகே குழுவான பஸ்டட்]] என்னும் குழுவின் "இயர் 3000]]" மற்றும் "வாட் ஐ கோ டு ஸ்கூல் ஃபார்]]" என்ற இரண்டு சிறந்த பாடல்களையும் ஜோனாஸ் சகோதரர்கள் இணைத்தனர்.[25]

ஜோனாஸ் சகோதரர்களின் முதல் தனிப் பாடலான " மான்டி]]" 2005ஆம் ஆண்டு டிசம்பர் 27ஆம் தேதி வெளியிடப்பட்டது.[31] இதன் இசை ஒளிக்காட்சி எம்டிவி]]யின் டோட்டல் ரெக்வெஸ்ட் லைவ்]] என்னும் நிகழ்ச்சியில் 2006ஆம் ஆண்டு பிப்ரவரி 22ஆம் தேதி ஒளிபரப்பப்பட்டு[10] நான்காவது இடம் பெற்றது. அக்வாமெரைன்]] என்னும் ஒலித்தடத்தில் இடம் பெற்ற மற்றொரு பாடலான, "டைம் ஃபார் மீ டு ஃப்ளை]]", ஃபிப்ரவரி மாதத்தில் வெளியிடப்பட்டது.[32] மார்ச் மாதம், நிகோலஸ் ஜோனாஸ் என்பது கலைஞனின் பெயராகப் பட்டியலிடப்பட்டு, "மான்டி]]" நிக்கெலோடியன்]] என்னும் தொலைக்காட்சிப் படம் ஜோயே 101: ஸ்பிரிங் பிரேக்-அப்]] மற்றும் Zoey 101: Music Mix]] என்னும் ஒலித்தட இசைத் தொகுப்பில் தோன்றியது.[32] இந்தக் குழுவின் இசை கார்ட்டூன் நெட்வொர்க்]]கின் கார்ட்டூன் கார்ட்டூன் ஃப்ரைடேஸ் என்னும் நிகழ்ச்சியிலும் வெளியானது.[8][32] 2006ஆம் ஆண்டு ஏப்ரல் 4ஆம் தேதி வெளியிடப்பட்ட டிஸ்னிமேனியா 4]] என்னும் இசைத்தொகுப்பில் பைரேட்ஸ் ஆஃப் தி கரீபீயன்]] என்னும் திரைப்படத்தின் யோ ஹோ (எ பைரேட்ஸ் லைஃப் ஃபார் மீ)]] என்னும் பாடலையும் இந்தக் குழு இணைத்துக் கொண்டது.[33] 2006ஆம் ஆண்டு கோடைக் காலத்தில், ஜோனாஸ் சகோதரர்கள் ஆலி அண்ட் ஏஜே குழுவினருடன் சுற்றுப் பயணம் மேற்கொண்டனர்.[34] அமெரிக்கன் டிராகன் ஜேக் லாங்க்]] என்பதன் இரண்டாவது சுற்றுக்கு ஒரு மையக் கருத்துப் பாடலையும் ஜோனாஸ் சகோதரர்கள் உருவாக்கினர்; இது டிஸ்னி சேனல்]] தொலைக்காட்சியில் ஜூன் 2006லிருந்து செப்டம்பர் 2007 வரை ஒலிபரப்பப்பட்டது.[32][35]

இட்ஸ் அபௌட் டைம்|இட்ஸ் அபௌட் டைம் ]] என்ற இசைத் தொகுப்பு கடைசியில் 2006ஆம் ஆண்டு ஆகஸ்ட் மாதம் 8ஆம் தேதி வெளியிடப்பட்டது.[36] அந்த இசைத் தொகுப்பு ஒரு "சிறிய அளவிலான வெளியீடாக" 50,000 பிரதிகளே வெளியிடப்பட்டதால், ஈபே]] போன்ற ஏலம் விடும் வலைத் தளங்களில் $200–$300 யூஎஸ் டாலர் வரை அது ஏலம் விடப்படலாம் என்று அந்தக் குழுவின் மேலாளர் கருதினார். ஆயினும், அந்தக் குழுவை மேலும் உயர்த்துவதில் ஸோனி நிறுவனம் ஆர்வம் கொள்ளவில்லை என்பதால், ஜோனாஸ் சகோதரர்கள் தங்கள் முத்திரையை மாற்றிக் கொள்வதைப் பற்றி சிந்திக்கலாயினர். 2006ஆம் ஆண்டு அக்டோபர் 3ஆம் தேதி, நிக்கின் 2004 தனிப் பாடலான "ஜாய் டு தி வேர்ல்ட் (எ கிறிஸ்துமஸ் பிரேயர்)" ஜாய் டு தி வேர்ல்ட்: தி அல்டிமேட் கிறிஸ்துமஸ் கலெக்க்ஷன் என்பதாக மறு வெளியீடு செய்யப்பட்டது.[37] அக்டோபரில் தி லிட்டில் மெர்மெய்ட்]] என்பதிலிருந்து "புவர் அன்ஃபார்ச்சுனேட் சோல்ஸ்]]" என்னும் பாடலையும் ஜோனாஸ் சகோதரர்கள் சேர்த்துக் கொண்டனர். இந்தப் பாடலானது ஒரு இசை ஒளிக் காட்சியுடன் தி லிட்டில் மெர்மெய்ட் ஒலித் தட|தி லிட்டில் மெர்மெய்ட் ஒலித் தட]]த்தின் இரு-தட்டு சிறப்பு-பதிப்பில் வெளியிடப்பட்டது.[38] "இயர் 3000]]" என்பதே இட்ஸ் அபௌட் டைம் என்பதன் இரண்டாவது தனிப் பாடல் ஆகும். இந்தப் பாடல் ரேடியோ டிஸ்னி]]யில் மிகவும் புகழடைந்தது; மேலும் இதன் இசை ஒளிப்பதிவு 2007ஆம் ஆண்டு ஜனவரி மாதம் முதன் முதலாக டிஸ்னி சேனலில் தோன்றியது. இறுதியாக, 2007ஆம் ஆண்டுத் துவக்கத்தில் இந்தக் குழு கொலம்பியா ரெகார்ட்ஸ் நிறுவனத்தால் கைவிடப்பட்டது.

ஜோனாஸ் சகோதரர்கள் (2007-2008)[தொகு]

சிறிது காலம் எந்த நிறுவனத்தின் ஆதரவும் இல்லாமல் இருந்த பிறகு, 2007ஆம் ஆண்டு பிப்ரவரி மாதத்தில் ஹாலிவுட் ரெகார்ட்ஸ் நிறுவனத்துடனான ஒப்பந்தம் ஒன்றில் ஜோனாஸ் ப்ரதர்ஸ் கையெழுத்திட்டது.[39] ஏறக்குறைய அதே சமயத்தில், இந்தச் சகோதரர்கள், குழந்தைகளின் புட்டி விளம்பரங்களின் விளம்பரப் பாடல்களில் பாடித் தோன்றத் துவங்கினர்.[40] மார்ச் 24 அன்று, கூடுதலாக இரண்டு பாடல்கள் இரண்டு வெவ்வேறு இசைத் தொகுப்புகளில் வெளியிடப்பட்டன: இவை மீட் தி ராபின்சன்ஸ் ஒலித்தட|மீட் தி ராபின்சன்ஸ் ஒலித்தடத்திலிருந்து[41] பெறப்பட்ட "கிட்ஸ் ஆஃப் தி பியூச்சர்" என்னும் பாடலும் (கிம் வைல்டின் "கிட்ஸ் இன் அமெரிக்கா"வை அடிப்படையாகக் கொண்டது), மற்றும் டிஸ்னிமேனியா 5 விலிருந்து பெறப்பட்ட "ஐ வான்னா பீ லைக் யூ" என்னும் பாடலும் ஆகும்.[42]

2007ஆம் ஆண்டு ஏப்ரல் மாதம் 9ஆம் தேதி, ஜோனாஸ் சகோதரர்கள் முதன் முதலாக வெள்ளை மாளிகையில் தங்கள் நிகழ்ச்சியை நடத்தினர்; வெள்ளை மாளிகையின் ஈஸ்டர் எக் ரோல் ஆண்டு விழாவில் அவர்கள் தேசிய கீதத்தைப் பாடினர்.[43] தெற்குப் புல்வெளியில் நடந்த டீ பால் விளையாட்டில் பங்கேற்ற பெண்களைக் கௌரவிப்பதற்கான ஒரு நிகழ்ச்சிக்காக 2007ஆம் ஆண்டு ஜூன் மாதம் 27ஆம் தேதி புதன்கிழமை அன்று ஜோனாஸ் சகோதரர்கள் மீண்டும் வெள்ளை மாளிகைக்கு வருகை புரிந்தனர். அங்கு அவர்கள் தேசிய கீதம் பாடினர்; மற்றும், விளையாட்டு முடிவடைந்த பின்னர் திறந்தவெளியில் நடந்த வரவேற்பில் தங்களது பிரபலமான பாடல்களை இசைத்து மக்களை மகிழச் செய்தனர்.[44] ஜோனாஸ் ப்ரதர்ஸ் என்றே தலைப்பிடப்பட்ட இரண்டாவது இசைத் தொகுப்பு 2007ஆம் ஆண்டு ஆகஸ்ட் மாதம் வெளியிடப்பட்டது.[45] இந்த இசைத் தொகுப்பு வெளியான முதல் வாரத்திலேயே பில்போர்ட் ஹாட் 200 பட்டியலில் ஐந்தாவது இடத்தைப் பிடித்தது. இதே சமயத்தில் இசை ஒளிக்காட்சிகளுடன் கூடிய இரண்டு தனிப் பாடல்களும் வெளியிடப்பட்டன - அவை இதற்கு இரண்டு வாரங்களுக்கு முன்பு வெளியிடப்பட்ட "ஹோல்ட் ஆன்" என்னும் பாடலும், மற்றும் இசைத் தொகுப்பு வெளியீட்டின் 4 நாட்களுக்கு முன்பு வெளியிடப்பட்ட "எஸ்.ஓ.எஸ்" என்னும் பாடலும் ஆகும்.

அந்த வருடம் ஆகஸ்ட் மாதத்தில் ஜோனாஸ் சகோதரர்கள் பல முறை தொலைக்காட்சிகளில் தோன்றினர். ஆகஸ்ட் 17ஆம் தேதி, டிஸ்னி சேனலின் "மீ அண்ட் மிஸ்டர் ஜோனாஸ் அண்ட் மிஸ்டர் ஜோனாஸ் அண்ட் மிஸ்டர் ஜோனாஸ்" என்னும் தலைப்பு கொண்ட ஹான்னா மான்டானா நிகழ்ச்சியின் ஒரு அத்தியாயத்தில் நட்புக்காக நடித்தனர். இந்த நிகழ்ச்சியில் மைலி சைரஸ் என்பவருடன் "வீ காட் தி பார்ட்டி" என்னும் பாடலையும் அவர்கள் நிகழ்த்தினர்; இது ஹை ஸ்கூல் மியூசிக்கல் ஸ்கூல் 2 நிகழ்ச்சிக்கு அடுத்தபடியாக முதன்மையடைந்தது; மேலும் அன்றிரவு 10.7 மில்லியன் மக்களால் காணப்பட்டது.[46] ஆகஸ்ட் 24ஆம் தேதி, மிஸ் டீன் யுஎஸ்ஏ போட்டியில் ஜோனாஸ் சகோதரர்கள் இரண்டு பாடல்களைப் பாடினர்.[47] இதற்கு அடுத்த நாள், டிஸ்னி ஒளிபரப்பின் விளையாட்டுகளின் நிறைவு விழா ஜோனாஸ் சகோதரர்களின் இசை நிகழ்ச்சியுடன் ஒளிபரப்பப்பட்டது. 2007ஆம் ஆண்டு ஏப்ரல் மாதம் 27ஆம் தேதி ஃப்ளோரிடாவின் ஆர்லாண்டோவில் இந்த விளையாட்டுகள் பதிவு செய்யப்பட்டன.[48] ஆகஸ்ட் 26ஆம் தேதி, டீன் சாய்ஸ் விருதுகளில் மைலி சைரஸூடன் இணைந்து ஜோனாஸ் சகோதரர்கள் ஒரு விருதை வழங்கினர். 2007ஆம் ஆண்டு நவம்பர் 18ஆம் தேதி, அமெரிக்கன் மியூசிக் விருதுகளில் "எஸ்.ஓ.எஸ்" என்னும் பாடலை இசைத்தனர். நவம்பர் 22ஆம் தேதி நடந்த மேஸியின் நன்றியுரைத்தல் தின அணிவகுப்பின் 81வது ஆண்டு விழாவில் இந்தச் சகோதரர்கள் தோன்றினர். 2007ஆம் ஆண்டின் இறுதி நிகழ்ச்சியாக, இந்த மூன்று சகோதரர்களும் டிக் கிளார்க்கின் புத்தாண்டு கொண்டாட்ட த்தில் "ஹோல்ட் ஆன்" மற்றும் "எஸ்.ஓ.எஸ்." என்ற தனிப் பாடல்களைப் பாடினர். 2008ஆம் ஆண்டு ஜனவரி 31ஆம் தேதி, ஜோனாஸ் சகோதரர்கள் அரிஜோனாவின் டக்ஸன் நகரத்திலிருந்து லுக் மீ இன் தி ஐஸ் சுற்றுப் பயணம் மேற்கொண்டனர். அவர்களது மூன்றாவது இசைத் தொகுப்பான எ லிட்டில் பிட் லாங்கர் என்பதில் இடம் பெறவிருந்த புதிய பாடல்கள் பலவற்றை அவர்கள் இந்தச் சுற்றுப் பயணத்தில் பாடினர்.

எ லிட்டில் பிட் லாங்கர் (2008-2009)[தொகு]

2008ஆம் ஆண்டு ஃபிப்ரவரியில் ஜோனாஸ் சகோதரர்கள் நடத்தும் ஒரு இசை நிகழ்ச்சி

ஜோனாஸ் சகோதரர்களின் மூன்றாவது ஒலிப்பதிவுக்கூட இசைத் தொகுப்பான எ லிட்டில் பிட் லாங்கர் , அவர்களது இரண்டாவது தொகுப்பான ஜோனாஸ் சகோதரர்களை ப் போலவே 2008ஆம் ஆண்டு ஆகஸ்ட் 12ஆம் தேதி யுனைடெட் ஸ்டேட்ஸில் சிடிவியு+ தொழில்நுட்பத்துடன் வெளியிடப்பட்டது. 2008ஆம் ஆண்டு ஜூன் 24ஆம் தேதி, எ லிட்டில் பிட் லாங்கர் இசைத் தொகுப்பிலிருந்து, ஏறக்குறைய இரண்டு வாரத்துக்கு ஒன்று என்ற முறையில், நான்கு பாடல்களை வெளியிடப் போவதாக ஐட்யூன்ஸ் அறிவித்தது.[49] இதில் ஒவ்வொரு பாடலின் விலையும் அவை இடம்பெறும் இசைத் தொகுப்பின் மொத்த விலையில் உள்ளடங்கும். இந்த இசைத் தொகுப்பு முழுவதுமாக வெளியிடப்பட்ட பின்னர் ஐட்யூன்சிலிருந்து விலைக்கு வாங்கப்பட இயலும். வெளியிடப்பட்ட ஒவ்வொரு பாடலும் எண்ணியல் ஊடகக் கோப்பு ஒன்றையும் கொண்டிருந்தது. கால அட்டவணை: 2008 ஜூன் 24- "பர்னிங் அப்"; 2008 ஜூலை 15- "புஷ்ஷிங் மீ அவே"; 2008 ஜூலை 29- "டுநைட்"; மற்றும் 2008 ஆகஸ்ட் 5- "எ லிட்டில் பிட் லாங்கர்". இவை அனைத்தும், குறைந்தபட்சமாக மூன்று நாட்கள் வரையிலும் ஐட்யூன்ஸில் முதலிடம் பெற்றிருந்தன.

2008ஆம் ஆண்டு மார்ச் 22ஆம் தேதி லுக் மீ இன் தி ஐஸ் சுற்றுப் பயணம் முடிவடைந்த பின், பாய்ஸ் லைக் கேர்ள்ஸ் குழுவுடன் ஏவ்ரில் லேவிக் என்பவரின் பெஸ்ட் டாம்ன் சுற்றுப்பயணத்தை தாம் மேற்கொள்ளப் போவதாக ஜோனாஸ் சகோதரர்கள் அறிவித்தனர்; ஆனால் இந்தச் சுற்றுப் பயணத்தில், 2008ஆம் ஆண்டு மே மாத இறுதியில் இருந்து ஜூன் மாத இறுதி வரை ஐரோப்பாவில் நடக்கும் இரண்டாவது பாகத்தில் மட்டுமே பங்கு பெற முடியும் என்று கூறினர். ஜோனாஸ் சகோதரர்கள், கேம்ப் ராக் என்னும் திரைப்படம் உருவாக்கப்பட்டுக் கொண்டிருந்தபோது டிஸ்னி சேனலில் தங்களுடன் நடித்தவரும் நெருங்கிய தோழியுமான டெமி லோவடோவினால் உருவாக்கப்பட்டுக் கொண்டிருந்த டோன்ட் ஃபர்கெட் என்னும் அவரது இசைத் தொகுப்பிற்காக ஆறு பாடல்களை இணைந்து எழுதித் தயாரித்தனர்.[50] லோவடோ தனது பாடல்களில் சிலவற்றை டிஸ்னி நிறுவனத்திற்கு வழங்குவதற்காகச் சீரமைத்தார். "நான் (லோவடோ) தீவிரம் சற்றே அதிகமாகவும், அதே நேரத்தில் மனதைக் கவரும் தன்மை குறைவாக உள்ள பாடல்களையே எழுதுகிறேன் என்று நினைத்தேன்; இதனால் அதிகமான அளவு ஈர்க்கும் திறன் கொண்ட பாடல்களை எழுத எனக்கு உதவி தேவைப்பட்டது" என்று அவர் கூறினார்; மேலும், இந்த இசைத் தொகுப்பில் ரூனி இசைக் குழுவின் முதன்மைப் பாடகர் ராபர்ட் ஷ்வார்ட்ஸ்மேன் என்பவரும் நட்புக்காக நடித்திருக்கிறார் என்றும் அவர் கூறினார். "இந்த இடத்தில்தான் அவர்களின் உதவி தேவைப்பட்டது. இந்தப் பாடல்களில் நான் எனது இசைத் திறன் மற்றும் கவித் திறன் ஆகியவற்றைப் பெருமளவில் பயன்படுத்தியுள்ளேன். அவற்றை மனதைச் சுண்டி இழுக்கும் விதத்தில் அமைக்கவும் மெருகேற்றவும் அவர்கள் எனக்கு இதில் உதவி செய்தார்கள்."[51] "என் போன்றவர்கள் எழுதுவது ஒரு டிஸ்னி தொகுப்பில் இடம் பெறக் கூடியதல்ல. அது எனக்கு மிகவும் அதிகம்..."[52] இந்த இசைத் தொகுப்பு 2008ஆம் ஆண்டு செப்டம்பர் 23ஆம் தேதி வெளியிடப்பட்டது. லோவடோவின் இசைத் தொகுப்பைத் தயாரிக்கவும் இந்த சகோதரர்கள் உதவி செய்தார்கள்.

2008ஆம் ஆண்டு ஜூன் 17ஆம் தேதி கேம்ப் ராக் திரைப்படத்திற்கான ஒரு ஒலித்தடம் வெளியிடப்பட்டது. வெளியீடான முதல் வாரத்திலேயே அது 188,000 பிரதிகள் விற்பனையாகி பில் போர்ட் 200 பட்டியலில் மூன்றாவது இடத்தைப் பிடித்தது.[53] 2008ஆம் ஆண்டு கோடை காலத்தில், ஜோனாஸ் சகோதரர்கள் பர்னிங்க் அப் டூர் என்னும் வட அமெரிக்க சுற்றுப்பயணத்தை தொடங்கினர்; இதில் தங்கள் இசைத் தொகுப்புகளான எ லிட்டில் பிட் லாங்கர் மற்றும் கேம்ப் ராக்கின் ஒலித்தடம் ஆகியவற்றை நிகழ்த்தினர்; மேலும் தங்களது முந்தைய இசைத்தொகுப்புகளான இட்ஸ் அபௌட் டைம் மற்றும் ஜோனாஸ் ப்ரதர்ஸ் என்பதிலிருந்தும் பாடல்களைப் பாடினர். இந்த சுற்றுப் பயணம் 2008ஆம் ஆண்டு ஜூலை மாதம் 4ஆம் தேதி, ஆன்டேரியோவின் டொரொன்டோ நகரில் மோல்ஸன் பொது விளையாட்டரங்கம் என்னும் இடத்தில் தொடங்கியது. 2009ஆம் ஆண்டு பிப்ரவரி மாதம் 22ஆம் தேதி திரைப்படமாகத் திரையரங்குகளில் வெளியிடப்பட்ட ஒரு 3டி இசை நிகழ்ச்சிப் படத்திற்காக டிஸ்னியின் டிஜிட்டல் 3டி தயாரிப்புக் குழு ஒன்று, இந்த இசைக்குழு கலிஃபோர்னியாவின் அனெஹெய்மில் நிகழ்த்திய இரண்டு நிகழ்ச்சிகள், மற்றும் ஜூலை 14ஆம் தேதி[54], தனது சொந்தப் பெயரிடப்பட்ட இசைத் தொகுப்பான டெய்லர் ஸ்விஃப்டி ற்காக சில தனிப் பாடல்களை பாடியுள்ள டெய்லர் ஸ்விஃப்ட்[55] ஆகியோருடன் இணைந்து நிகழ்த்திய நிகழ்ச்சி ஆகியவற்றைப் படமாக்கியது.[56] ஜூலை 14ஆம் தேதி, (ஹாலிவுட் ரெகார்ட்ஸ் நிறுவனத்துடன் மூன்றாவதான) தங்களது நான்காவது ஒலிப்பதிவுக்கூட இசைத் தொகுப்பிற்காக, ஏற்கனவே நான்கு பாடல்களைத் தங்களது குழு எழுதி விட்டதாக நிக் ஜோனாஸ் மேடையில் அறிவித்தார்.[55]

ரோலிங் ஸ்டோன் பத்திரிகையின் ஜூலை 2008 பதிப்பில் இந்தக் குழுவின் படம் வெளியிடப்பட்டு, அந்தப் பத்திரிகையின் அட்டையை அலங்கரித்த இசைக் குழுக்களில் மிகவும் இளமையானது என்ற பெயரையும் அடைந்தது.[57] 2008ஆம் ஆண்டு ஆகஸ்ட் 22ஆம் தேதி, முன்னதாகவே அனுமதிச் சீட்டுகள் முழுவதும் விற்பனையாகிவிட்ட, பிளாஸம் மியூசிக் சென்டர் என்னுமிடத்தில் நடைபெறவிருந்த இசை நிகழ்ச்சிக்கு முன்னால் ஜோனாஸ் சகோதரர்கள் ஓஹியோவின் க்ளீவ்லேன்ட் என்னும் நகரின் உட்புறமாக அமைந்திருந்த ராக் அண்ட் ரோல் ஹால் ஆஃப் ஃபேம் என்னும் இசைக் காட்சியகத்திற்குச் சென்றனர். எ லிட்டில் பிட் லாங்கர் என்னும் இசைத் தொகுப்பின் அட்டைப் பட அலங்கரிப்பிற்காக தாங்கள் அணிந்து கொண்டிருந்த அங்கிகளையும் உடைகளையும் ராக் அண்ட் ரோல் ஹால் ஆஃப் ஃபேம் இசைக் காட்சியகத்தின் உதவித் தலைவரான ஜிம் ஹெங்கேவிடம் இவர்கள் அளித்தனர். இந்த அங்கிகள் ரைட் ஹியர், ரைட் நௌ! என்னும் பாடற்காட்சியில் பயன்படுத்தப்பட்ட பொருட்களின் கண்காட்சியில் அங்கமாக உள்ளன. இந்தக் கண்காட்சி மிகுந்த புகழ் வாய்ந்த இன்றைய கலைஞர்களையும் உள்ளடக்கியுள்ளது.[58] 2008 டிசம்பர் மாதம், ஜோனாஸ் சகோதரர்கள் 51வது கிராமி விருதுகளில் சிறந்த அறிமுகக் கலைஞர் விருதுக்காகப் பரிந்துரைக்கப்பட்டனர். ஆர் அண்ட் பி யின் தயாரிப்பாளர் டிம்பாலான்டின் புதிய இசைத் தொகுப்பான ஷாக் வேல்யூ விற்காக "டம்ப்" என்னும் பாடலில், அவருடன் இந்தச் சகோதரர்களும் இணைவார்கள் என்று சமீபத்தில் உறுதிபட அறியப்பட்டது.[59] ஜஸ்ட் ஜேர்ட்.காம் என்னும் வலை தளத்திற்கு அளித்த ஒரு பேட்டியில் ஜோனாஸ் சகோதரர்களுடன் தாம் இணைந்து செயல்படப் போவதாக க்ரிஸ் ப்ரௌன் தெரிவித்தார். "நான் அவர்களுடன் இணைந்து ஏதாவது செய்வதாக உள்ளேன். அவர்களின் இசைத் தொகுப்பில் நான் இருக்க வேண்டுமென்று அவர்கள் விரும்பினால் நான் இருப்பேன்; ஆனால் அவர்களுக்காக நான் ஒரு பாடல் தடம் எழுத வேண்டும் என்பதுதான் என் விருப்பம்" என்று பிரௌன் கூறினார். பிப்ரவரி 14ஆம் தேதி நடந்த சனிக்கிழமை இரவு நேரடி நிகழ்ச்சியில் ஜோனாஸ் சகோதரர்கள் இசை விருந்தினராகத் தோன்றினர். இதுவே எஸ்என்எல்லில் இவர்களது அறிமுகமாகும்.[60]

லைன்ஸ், வைன்ஸ் அண்ட் ட்ரையிங் டைம்ஸ் (2009-தற்போது வரை)[தொகு]

2009 வருடத்திய கிட்ஸ்' சாய்ஸ் விருதுகளின்போது ஜோனாஸ் சகோதரர்கள் அளிக்கும் நிகழ்ச்சி

தங்களது நான்காவது இசைத் தொகுப்பான லைன்ஸ், வைன்ஸ் அண்ட் ட்ரையிங் டைம்ஸ் என்பதைப் பதிவு செய்து முடித்த பிறகு இந்தச் சகோதரர்கள் 2009ஆம் ஆண்டின் தொடக்கத்தில் அதைப் பற்றிப் பேசத் துவங்கினர். 2008ஆம் ஆண்டின் மத்தியில் நடத்திய பர்னிங் அப் சுற்றுப்பயணம் மேற்கொண்ட கால கட்டத்திலிருந்தே இதற்கான பாடல்கள் எழுதுவதிலும் பதிவு செய்வதிலும் செயல்பட்டுக் கொண்டிருந்ததாகப் பல சந்தர்ப்பங்களில் அவர்கள் கூறியுள்ளனர்.[61] 2009ஆம் ஆண்டு மார்ச் மாதம் 11ஆம் தேதி தங்களது நான்காவது ஒலிப்பதிவுக்கூட இசைத் தொகுப்பான லைன்ஸ், வைன்ஸ் அண்ட் ட்ரையிங் டைம்ஸ் 2009ஆம் ஆண்டு ஜூன் மாதம் 15ஆம் தேதி வெளியிடப்படுமென்று ஜோனாஸ் ப்ரதர்ஸ் அறிவித்தது.[62]

இந்தத் தலைப்பைப் பற்றி ரோலிங்க் ஸ்டோன் பத்திரிகைக்குக் கொடுத்த பேட்டியில், "லைன்ஸ் (வரிகள்) என்பது சிலர் உங்களுக்கு வழங்குவது: வைன்ஸ் (திராட்சைக் கொடிகள்) என்பவை உங்கள் வாழ்க்கையில் இடையில் வருவன; ட்ரையிங் டைம்ஸ் (கடினமான காலங்கள்) என்பதை விளக்கத் தேவையில்லை." என்று நிக் கூறினார். "நாங்கள் தொடர்ந்து வளர்ச்சி அடைவதற்காக எங்களால் இயன்றவரை கற்றுக் கொள்ள முயல்கிறோம்." என்று நிக் ஜோனாஸ் பில்போர்டிடம் கூறினார். கெவின் மேலும் கூறினார்: "ஒரு வகையில் நாங்கள் அதே பழைய ஜோனாஸ் சகோதரர்கள்தாம்; ஆனால் நாங்கள் இசைக்கு மேன்மேலும் மெருகூட்டி, நம்மிடம் இருக்கும் ஒலிகளுக்கு மேலும் துல்லியம் சேர்க்கும் வண்ணம் பல வகையான இசைக் கருவிகளையும் பயன்படுத்தப் போகிறோம் என்பதே இந்த இசைத் தொகுப்பைப் பற்றிய பொதுவான செய்தி." இந்த இசைத் தொகுப்பில் உள்ள பாடல்களைப் பற்றி நிக் மேலும் கூறுகிறார்: இது, "பாடல்களாய் அமைந்துள்ள எங்களது குறிப்பேடு. நாங்கள் கடந்து வந்த காலங்கள், எங்களது அனுபவங்கள், அவற்றால் நாங்கள் பெற்ற ஊக்கம் ஆகிய அனைத்தையும் பற்றியதானது. நமக்கு ஏற்படும் அனுபவங்களை நேரடியாக வெளிப்படுத்தாது, உருவகங்கள் மூலமாகச் சொல்வதற்கு நாங்கள் முயன்று வருகிறோம்."[63]

2009ஆம் ஆண்டு மார்ச் மாதம் 11 அன்று, தாங்கள் 2009ஆம் ஆண்டின் மத்தியில் உலக சுற்றுப் பயணம் ஒன்றைத் துவங்க இருப்பதாகவும் இந்தக் குழு அறிவித்தது.[64] அமெரிக்காவில் தங்களது அறிமுக நிகழ்ச்சியில் இணைந்து கொண்ட வொண்டர் கேர்ள்ஸ் என்னும் புகழ் பெற்ற கொரியன் பெண்கள் குழுவுடன் இவர்கள் இணைந்தனர்.[65]

இதன் பின்னர், லைன்ஸ், வைன்ஸ் அண்ட் ட்ரையிங்க் டைம்ஸ் என்னும் இசைத் தொகுப்பை இந்தச் சகோதரர்கள் வெளியிட்டனர்; இதன் வெளியீட்டுக்கு ஒரு மாதம் முன்னர் பாரனாய்ட் மற்றும், 7 நாட்களுக்கு முன்னர் ஃப்ளை வித் மீ என்னும் இரண்டு தனி இசைத் தடங்களையும் வெளியிட்டனர். லைன்ஸ், வைன்ஸ் அண்ட் ட்ரையிங்க் டைம்ஸ் அவர்களது இரண்டாவது முதன்மை இசைத் தொகுப்பாக விளங்கியது.[66] முதல் இடத்தில் துவங்கிய அது, இரண்டாவது வாரத்தில் இரண்டாவது இடத்திற்கு இறங்கியது. ஹாலிவுட் ரெகார்ட்ஸ் நிறுவனத்துடன் தொடங்கிப் பதிவு செய்த ஹானர் சொஸைட்டி என்னும் இசை நிறுவனத்துடன் ஒப்பந்தத்தில் கையெழுத்திட்டதாக 2009ஆம் ஆண்டு ஜூலை 7 அன்று ஜோனாஸ் ப்ரதர்ஸ் அறிவித்தது.[67] இதற்கு ஒரு மாதம் கழித்து, ரேடியோ டிஸ்னியில் "செண்ட் இட் ஆன்" வெளியிடப்பட்டது. டிஸ்னியின் ஃப்ரெண்ட்ஸ் ஃபார் சேஞ்ச் என்னும் திட்டப் பணிக்காக இந்த வானொலித் தனிப்பாடல் டெமி லோவடோ, மைலி சைரஸ் மற்றும் செலனா கோம்ஸ் ஆகியோருடன் இணைந்து பாடப்பட்டது.[68] இந்தப் பாடலின் இசை ஒளிக்காட்சியின் முதல் வெளியீட்டை டிஸ்னி சேனல் 2009ஆம் ஆண்டு ஆகஸ்ட் மாதம் 14ஆம் தேதி வெளியிடும்.[69] ஜோனஸ் ப்ரதர்ஸ், 2009ஆம் ஆண்டு ஆகஸ்ட் மாதம் 9ஆம் தேதி அன்று, 2009 டீன் சாய்ஸ் விருதுகள் நிகழ்ச்சியை வழங்கி அதில் தனது நிகழ்ச்சியையும் அளித்தது.[70]

ஜோ (நிக் மற்றும் கெவின் இல்லாமல் தனியாக)அமெரிக்கன் ஐடல் நிகழ்ச்சியில் கௌரவ நீதிபதியாக பங்கேற்கவுள்ளார். Camp Rock 2: The Final Jamகனடா நாட்டின் ஆன்டோரியோவில் முழுவதுமாகப் படமாக்கப்பட்டுள்ளது.[71] இதன் தயாரிப்பு, 2009ஆம் ஆண்டு செப்டம்பர் 3ஆம் தேதி தொடங்கி 2009ஆம் ஆண்டு அக்டோபர் 16ஆம் தேதி முடிவடைந்தது.[72] 2010 வருடக் கோடையின்போது இது வெளியாகவுள்ளது.[73][74]

யூட்யூப் மூலமாக, ஹாலிவுட் ரெகார்ட்ஸ் ஜோனாஸ் ப்ரதர்ஸ் மற்றும் டெமி லோவடோவின் வால்-மார்ட் சிடி-டிவிடி சௌண்ட்செக்[75] நிக் (ஜோ மற்றும் கெவின் நீங்கலாக) தி நியூ பவர் ஜெனரேஷன் என்பதன் முன்னாள் உறுப்பினர்களுடன் நிக் ஜோனாஸ் அண்ட் தி அட்மினிஸ்டிரேஷன் என்பதில் பணியாற்றுவார் என அறிவித்தது.[76]

நடிப்பு[தொகு]

ஆரம்பகாலப் பணி[தொகு]

புகழ் பெற்ற டிஸ்னி சேனல் ஒரிஜினல் சீரீஸ் என்பதன் இரண்டாம் பருவத்தில் ஹான்னா மான்டேனா என்னும் தொடரின் "மீ அண்ட் மிஸ்டர். ஜோனாஸ் அண்ட் மிஸ்டர் ஜோனாஸ் அண்ட் மிஸ்டர் ஜோனாஸ்" என்னும் அத்தியாயத்தில் ஜோனாஸ் சகோதரர்கள் முதன் முதலில் நடிகராக அறிமுகமாயினர். இதற்குப் பின் வெகு விரைவிலேயே, மைலி சைரஸ் என்பவருடன் அவரது 3டி இசை நிகழ்ச்சி திரைப்படம் ஒன்றில் இணைந்து அவர்கள் செயல்பட்டனர்; Hannah Montana & Miley Cyrus: Best of Both Worlds Concert , அவர்களின் சுற்றுப்பயணத்தின்போது நிகழ்ந்த இது சைரஸின் துவக்க நிகழ்ச்சியாகவும் அமைந்தது. லுக் மீ இன் தி ஐஸ் சுற்றுப்பயணம் மேற்கொண்டிருந்தபோது, ஜோனாஸ் சகோதரர்கள் ஒரு டிஸ்னி சேனலுக்காக ஒரு சிறு-நிஜத் தொடரைப் படமாக்கினர்; Jonas Brothers: Living the Dream , இது 2008ஆம் ஆண்டு மே மாதம் 16ஆம் தேதி டிஸ்னி சேனலில் முதன் முதலாக வெளியீடானது. 2008ஆம் ஆண்டு செப்டம்பர் 5ஆம் தேதி ஒளிபரப்பப்பட்ட இந்த நிகழ்ச்சி சுற்றுப்பயணத்தின்போது அவர்களின் வாழ்க்கை முறையை வெளியிடுவதாக அமைந்திருந்தது. இந்த நிகழ்ச்சியில், இந்தக் குழு ஒத்திகை பார்ப்பது, பயணிப்பது, இசை நிகழ்ச்சிகள் நடத்துவது, படிப்பது, மற்றும் அவர்கள் குடும்பம் மற்றும் நண்பர்களுடனான தனிப்பட்ட வாழ்க்கை ஆகியவற்றின் காட்சித் துணுக்குகள் காட்டப்படுகின்றன. ஜோனாஸ் ப்ரதர்ஸ் குழு, டிஸ்னி சேனலின் சிறப்பு நிகழ்ச்சியாக, Studio DC: Almost Live , என்று பெயரிடப்பட்டு டிஸ்னி சேனலில் தி மப்பெட்ஸ் மற்றும் இதர நட்சத்திரங்களைக் கொண்டு ஒரு அரை மணி நேர சிறப்பு பல்சுவை நிகழ்ச்சியை நடத்தியது. இந்தக் கால கட்டத்தில், ஒலிம்பிக் தொடர்பான சிறப்புத் தொடர்கள் வழங்கப்பட்ட டிஸ்னி சேனல் கேம்ஸ் ஒளிபரப்பிலும் அதன் மூன்றாவது ஆண்டு நிகழ்ச்சியில் ஜோனாஸ் சகோதரர்கள் தோன்றினர்.

2008 — தற்போது வரை[தொகு]

2008ஆம் ஆண்டு, முன்னாள் உள்துறைச் செயலாளர் டிர்க் கெம்ப்தார்னுடன் ஜோனாஸ் சகோதரர்கள்.

இந்தக் குழு கேம்ப் ராக் என்னும் டிஸ்னி சேனல் ஒரிஜினல் மூவியில் திரை அறிமுகமானது. இதில் இந்தக் குழு "கனெக்ட் த்ரீ" என்னும் பாடலை இசைத்தது. "ஷேன் கிரே" என்னும் முதன்மைப் பாடகரின் கதாபாத்திரத்தில் முதன்மையான ஆண் கதாபாத்திரமாக ஜோ ஜோனாஸ் நடிக்கிறார்; நிக் ஜோனாஸ் "நேட்" என்னும் கிதார் கலைஞராகவும் மற்றும் கெவின் ஜோனாஸ் "ஜேசன்" என்னும் மற்றொரு கிதார் கலைஞராகவும் நடிக்கின்றனர். இந்தப் படம் ஜூன் 20 அன்று முதன் முதலாக, யுஎஸ்ஏ வில் டிஸ்னி சேனலிலும், கனடா நாட்டின் ஃபேமிலி தொலைக்காட்சியிலும் வெளியிடப்பட்டது. இது பல்வேறுபட்ட விமர்சனங்களைப் பெற்றது.[77][78] டிஸ்னியின் டிஜிட்டல் 3டி தயாரிப்புக் குழு ஒன்று 2008ஆம் ஆண்டு ஜூலை 13ஆம் தேதி கலிபோர்னியாவின் அனெஹெய்ம் மற்றும் ஜூலை 14ஆம் தேதி [54] நடந்த இந்த இரண்டு நிகழ்ச்சிகளையும் படமெடுத்தது; இது 2009ஆம் ஆண்டு பிப்ரவரி மாதம் 27ஆம் தேதி திரையரங்குகளில் ஒரு 3டி இசை நிகழ்ச்சிப் படமாக வெளியிடப்பட்டது.[79]

2009ஆம் ஆண்டு ஏப்ரல் மாதம், ஜோனாஸ் சகோதரர்கள் தங்களின் ஜோனாஸ் என்னும் பெயர் கொண்ட டிஸ்னி சேனல் ஒரிஜினல் சீரீஸ் நிகழ்ச்சியின் முதல் கட்டத்தைப் படமெடுத்து முடித்தனர்.[80] இந்தத் தொடர் (ஃபில் ஆஃப் தி பியூச்சர் மற்றும் ஃப்ரண்ட்ஸ் நிகழ்ச்சிகளின்) மைக்கேல் கர்டிஸ் மற்றும் ரோஜர் எஸ்.ஹெச்.ஸ்கல்மேன் (ஷ்ரெக்) ஆகியோரால் தயாரிக்கப்பட்டு ஜெரெமெய்யா எஸ்.செசிக் (நேஷனல் லாம்பூன்ஸ் கிறிஸ்துமஸ் வெகேஷன், தி ப்ராங்க்ஸ் இஸ் பர்னிங்க்) என்பவரால் இயக்கப்பட்டது. இந்த நிகழ்ச்சியின் தலைப்பு உண்மையில் "ஜூனியர் ஆபரேடிவ் நெட்வொர்கிங் ஆஸ் ஸ்பைஸ்" என்பதன் முதல் எழுத்துக்களைக் கொண்டு உருவாக்கப்பட்டது.[81] இத்திரைப்படத்தின் அசலான முன்னோட்டத் திட்டம், இளைஞர்களின் ஒரு ராக் இசைக் குழு (ஜோனாஸ் ப்ரதர்ஸ்) அரசால்-தேர்ந்தெடுக்கப்பட்ட உளவாளிகளாகவும் பணி புரிந்து ஒரு இரட்டை வாழ்க்கையை மேற்கொள்வதைப் பற்றிய கதையாக இருந்தது. எனினும், இந்த முன்னோட்டம் படமாக்கப்பட்ட பிறகு, இதன் கதைப் போக்கு மாற்றமடைந்தது; இது தற்போது, ஒரு சாதாரண வாழ்க்கை முறையுடன் ஒத்துச் செல்ல முற்படும் ராக் நட்சத்திரங்களான மூன்று சகோதரர்களைக் கொண்ட ஒரு இசைக் குழுவைப் பற்றியதாக அமைந்துள்ளது. இந்தத் தொடர், முதன் முதலாக 2009ஆம் ஆண்டு மே மாதம் 2 அன்று வெளியிடப்பட்டது.[82]

கேம்ப் ராக் கின் வெற்றியைத் தொடர்ந்து இதன் இணைத் தயாரிப்பு உருவாகிக் கொண்டிருக்கிறது. இந்த ஜோனாஸ் சகோதரர்கள் கனெக்ட் த்ரீ என்னும் குழுவாக மீண்டும் வருவார்கள் என்றும் அவர்களது இளைய சகோதரர் ஃப்ராங்கி ஜோனாஸ் என்பவரும் இதில் நடிப்பார் என்றும் எதிர்பார்க்கப்படுகிறது. அவர்கள் தற்பொழுது இதன் கதையை எழுதிக் கொண்டிருப்பதாகவும்,[83] 2009ஆம் ஆண்டின் வசந்தம் அல்லது வேனிற் காலத்தில் இதன் படப்பிடிப்பைத் தொடங்குவார்கள் என்றும் டிஸ்னி உறுதிபடுத்தியுள்ளது.[84] 2009ஆம் ஆண்டில் பெருந்திரை திரைப்படங்களிலும் ஜோனாஸ் சகோதரர்கள் செருப்ஸ்களின் குரல்களாக தங்கள் திரைப்பயணத்தைத் துவங்கினர்.Night at the Museum: Battle of the Smithsonian இவர்கள் அடுத்தபடியாக வால்டர் தி ஃபார்டிங்க் டாக் என்னும் தொடரில் தோன்றுகிறார்கள். இது, இதே பெயர் கொண்ட, வில்லியம் கோட்ஸ்விங்கில் மற்றும் க்ளென் முரே ஆகியோர் எழுதிய, மிக அதிக அளவில் விற்பனையாகும் புத்தகத் தொடரை தழுவியது. இது, இந்த நான்கு சகோதரர்களும் நடிக்கும் ஒரு குடும்பப் படமாக இருக்கும்.[85] 2009ஆம் ஆண்டு மே மாதம் 29ஆம் தேதி, Un-broke: What You Need to Know About Money என்னும் பெயர் கொண்ட ஏபிசி தொலைக்காட்சி சிறப்பு நிகழ்ச்சி ஒன்றில் ஜோனாஸ் சகோதரர்கள் ஈடுபட்டிருந்தனர்; இதில் பங்குச் சந்தையைப் புரிந்து கொள்வதன் முக்கியத்துவத்தைப் பற்றி பேசினர்.

மேலும், டிஸ்கவரி சேனல், இந்த மூவரின் குறுகிய-வடிவ உண்மைத் தொடர் நிகழ்ச்சியான "ஜோனாஸ் சகோதரர்கள்: லிவிங்க் தி ட்ரீம்" என்பதன் இரண்டாவது பருவத்தைத் தொடர முடிவு செய்துள்ளது.

அடுத்த வருடத்தின் தொடக்கத்தில் இதை வெளியிடுவதற்காக இதன் படப்பிடிப்பு ஏற்கனவே தொடங்கி விட்டது.[86]

சொந்த வாழ்க்கைகள்[தொகு]

தங்களது முழுமையான, "குடும்ப அமைப்பிற்கு இணக்கமான" பிம்பத்திற்காக[87] ஜோனாஸ் சகோதரர்கள் மிகவும் அறியப்பட்டுள்ளனர். இந்தச் சகோதரர்கள் அனைவரும் ஈவாஞ்சலிகல் கிறித்துவ அமைப்பில் தங்களை ஈடுபடுத்திக் கொண்டுள்ளனர். அவர்களுடைய தந்தை கடவுளின் திருச்சபை அமைப்பின் கிறித்துவ மதகுரு ஆவார். அவர்கள் தங்கள் தாயாரால் வீட்டிலேயே கல்வி கற்றுக் கொடுக்கப்பட்டனர். இதற்கும் மேலாக, திருமணத்திற்கு முன்னதான உடலுறவு என்பதிலிருந்து விலகியிருப்பதாக அவர்கள் உறுதி மொழி எடுத்துக் கொண்டு, இவர்கள் அனைவரும் தங்களது இடது கரத்தின் மோதிர விரலில் தூய்மை மோதிரம் அணிந்துள்ளனர். இந்த மோதிரம், "திருமணம் வரையிலும் நாங்கள் எங்கள் தூய்மையைக் காத்திருப்போம் என்று எங்களுக்கும், கர்த்தருக்கும் நாங்கள் செய்த சத்தியத்தின் சின்னம்" என்று ஜோ கூறியுள்ளார். "இங்கே இருக்கும் மற்றவர்களிடமிருந்து நாங்கள் எங்களை வேறுபடுத்திக் கொள்ளும் பல வழிகளில் இதுவும் ஒன்று" என நிக் கூறியுள்ளார்.[88] அவர்களது பெற்றோரான டெனிஸ் மற்றும் கெவின் சீனியர் ஆகியோர் இந்த மோதிரங்களை அவர்கள் அணிய விரும்புகிறார்களா என்று கேட்டது முதலாக அவர்கள் அவற்றை அணியத் தொடங்கினர்.[89] மேலும், அவர்கள், மது, புகையிலை மற்றும் இதர போதை மருந்துகள் ஆகியவற்றிலிருந்தும் விலகியிருப்பதாகக் கூறப்படுகிறது.[90]

2008 எம்டிவி ஒளிக்காட்சி இசை விருதுகள் நிகழ்ச்சியின்போது, இந்த தூய்மை மோதிரங்களைப் பற்றி ரஸ்ஸல் பிராண்ட் கேலி செய்தார்.[91] இந்த சகோதரர்களில் ஒருவரை அவரது கன்னித்தன்மையிலிருந்து[91] விடுவித்து விட்டதாக, பிராண்ட் ஒரு வெள்ளி மோதிரத்தை எடுத்துக் காட்டிக் கூறினார்: "மிக நல்ல காரியம் செய்தீர்கள், ஜோனாஸ் சகோதரர்களே. உடலுறவு கொள்வதில்லை என்று சொல்வதற்காக ஒவ்வொருவரும் விரலில் மோதிரம் அணிந்து கொள்கிறார்கள்; அதை அவர்கள் தம் ஆணுறுப்புகளில் அணிந்து கொண்டிருந்தால், நான் அதைப் பற்றி தீவிரமாக எண்ணக் கூடும்."[92] பிற்பாடு, பிராண்ட் விமர்சனத்துக்கு ஆளாகி தனது இந்தக் கருத்துக்காக வருத்தம் தெரிவித்தார். 2009 எம்டிவி ஒளிக்காட்சி இசை விருதுகள் நிகழ்ச்சியின்போது அவர் தாம் மன்னிப்பு கேட்டதை உறுதிப்படுத்தினார்.[92]

தி ரிங் என்ற சௌத்பார்க் தொலைக்காட்சி நிகழ்ச்சி ஒன்றிலும், ஜோனாஸ் சகோதரர்கள் தங்களது கருத்திற்காகக் கிண்டல் செய்யப்பட்டனர்.[93][94][95] ஜே-இஜட்டின் "ஆன் டு தி நெக்ஸ்ட் ஒன்" என்னும் பாட்டிலும் அவர்களைப் பற்றிக் கூறப்பட்டது.[96]

ஜோனாஸ் சகோதரர்கள். செரோக்கீ, ஐரிஷ் (தாய்வழித் தாத்தா), இத்தாலிய மற்றும் ஜெர்மானிய வம்சாவழியில் வந்தவர்கள்.[97][98]

சமுதாயத் தொண்டு[தொகு]

2008ஆம் ஆண்டு நவம்பர் 2 அன்று, அப்போதைய முதன்மைப் பெண்மணி லேடி லாரா புஷ்ஷுடன் ஜோனாஸ் சகோதரர்கள்.

2007ஆம் ஆண்டில் $12 மில்லியன் ஈட்டிய ஜோனாஸ் சகோதரர்கள், தங்கள் வருமானத்தில் பத்து சதவிகிதத்தை குழந்தைகளுக்கான மாற்றம் அறக் கட்டளை என்னும் நிறுவனத்திற்கு கொடையாக வழங்கியுள்ளனர்.[99][100] குழந்தைகளுக்கான மாற்றம் அறக் கட்டளை என்பதானது, ஜோனாஸ் சகோதரர்களால் துவங்கப்பட்டதாகும். இதில் கொடையாளர்கள் "வலைகளைத் தவிர வேறொன்றுமில்லை", "அமெரிக்க நீரிழிவு அறக்கட்டளை", "செயிண்ட் ஜூட் குழந்தைகள் ஆராய்ச்சி மருத்துவமனை", "குழந்தைகள் மருத்துவமனை லாஸ் ஏஞ்சல்ஸ்" மற்றும் "வேனிற்கால நட்சத்திரங்கள்: செயற்பாட்டுக் கலைகளுக்கான கூடாரம்" ஆகிய அறக்கட்டளைகள் மற்றும் இடங்களுக்குக் கொடை அளிப்பதாகும். இந்த இசைக் குழு கூறியது:

நம்பிக்கை, தீர்மானம் மற்றும் வெற்றி பெற வேண்டும் என்ற மனவுறுதி ஆகியவை கொண்டு பாதகமான சூழ்நிலைகளை எதிர் கொள்ள ஊக்குவிக்கும் நிரல்களுக்கு ஆதரவாக குழந்தைகளுக்கான மாற்றம் அறக்கட்டளை என்பதனை நாங்கள் துவங்கினோம். குழந்தைகளுக்கு உதவி செய்ய மிகவும் சிறந்தவர்கள் அவர்களது வயதிற்கு ஒப்பானவர்களே என்று நாங்கள் கருதுகிறோம் - அதிர்ஷ்டம் சற்றே குறைந்த குழந்தைகளுக்கு உதவும் பிற குழந்தைகள்.

நீரிழிவு நோய்க்கான ஒரு பிரதிநிதியாகப் பணியாற்றி, இளைஞர்கள் தங்களது நீரிழிவு நோயைச் சிறப்பாக மேலாண்மை செய்ய வேண்டும் என்ற கருத்தைப் பரப்புவதற்காக, 2008ஆம் ஆண்டு ஆகஸ்ட் ஆறு முதல், பேயர் நீரிழிவும் கவனிப்பு மையம் நிக் ஜோனாஸுடன் கூட்டு உருவாக்கிக் கொண்டுள்ளது; இதன் மையக் காரணம், தமது 13ஆம் வயதிலேயே நீரிழிவு நோய் கொண்டுள்ளதாக நிக் கண்டறியப்பட்டதுதான்.[101] நீரிழிவுபற்றிய ஆராய்ச்சி நிதிக்காக மேலும் பல முன்னேற்றப் பணிகளை மேற்கொள்வதாக யூ.எஸ்.செனட்டில் நிக் உறுதியளித்துள்ளார்.[102]

உறுப்பினர்கள்[தொகு]

தற்போதுள்ளவர்கள்[தொகு]

  • ஜோ ஜோனாஸ் – முதன்மை வாய்ப்பாடல்கள், தாள வாத்தியம், கிதார், கீ போர்ட்
  • கெவின் ஜோனாஸ் – முதன்மை கிதார், பின்னணி வாய்ப்பாடல்கள், பியானோ
  • நிக் ஜோனாஸ் – முதன்மை வாய்ப்பாடல்கள், லய கிதார், பியானோ, ட்ரம்ஸ்

பின்னணி இசைக் குழு[தொகு]

  • ஜான் டெய்லர் – கிதார்
  • கிரெக் கார்பௌஸ்கி – பாஸ் கிதார்
  • ஜாக் லாலெஸ் – ட்ரம்ஸ், தாள வாத்தியம்
  • ரையான் லியஸ்ட்மேன் – கீபோர்டுகள்

முந்தையவர்[தொகு]

  • அலெக்சாண்டர் நோயெஸ் – ட்ரம்ஸ்

இசைச் சரிதம்[தொகு]

  • 2006: இட்'ஸ் அபௌட் டைம்
  • 2007: ஜோனாஸ் ப்ரதர்ஸ்
  • 2008: எ லிட்டில் பிட் லாங்கர்
  • 2009: லைன்ஸ், வைன்ஸ் அண்ட் ட்ரையிங் டைம்ஸ்

திரைப்படப் பட்டியல்[தொகு]

ஆண்டு
தலைப்பு
ஜோ
நிக்
கெவின்
குறிப்புகள்
2007 ஹன்னா மோண்டனா தாமாகவே தாமாகவே தாமாகவே எபிசோடு: மீ அண்ட் மிஸ்டர் ஜோனாஸ் அண்ட் மிஸ்டர் ஜோனாஸ் அண்ட் மிஸ்டர் ஜோனாஸ்
2008 ஜோனாஸ் பிரதர்ஸ்: லிவிங் தி ட்ரீம் தாமாகவே தாமாகவே தாமாகவே முதன்மைப் பாத்திரம்
கேம்ப் ராக் ஷான் கிரே நேட் ஜேசன் டிஸ்னி சேனல் ஒரிஜினல் மூவி
2009 ஜோனாஸ் பிரதர்ஸ்: தி 3டி கான்சர்ட் எக்ஸ்பீரியன்ஸ் தாமாகவே தாமாகவே தாமாகவே முதன்மைப் பாத்திரம்
ஜோனாஸ் ஜோ லூகாஸ் நிக் லூகாஸ் கெவின் லூகாஸ் முதன்மைப் பாத்திரம்
நைட் அட் தி மியூசியம்:பேட்டில் ஆஃப் தி ஸ்மித்சோனியன் செரூப் செரூப் செரூப் டுவெண்டியத் சென்ச்சுரி பாக்ஸ்
2010 கேம்ப் ராக் 2: தி ஃபைனல் ஜாம் ஷான் கிரே நேட் ஜேசன் டிஸ்னி சேனல் ஒரிஜினல் மூவி

பிரசுரங்கள்[தொகு]

  • பர்னிங் அப்: ஜோனாஸ் சகோதரர்களுடன் ஒரு சுற்றுப் பயணம் (நவம்பர் 18, 2008)
    • பர்னிங் அப் சுற்றுப் பயணம் பற்றியவற்றை ஆவணமாக்கும், ஒரு திரைகளுக்குப் பின்னால் புத்தகம்

விருதுகள் மற்றும் பரிந்துரைகள்[தொகு]

குறிப்புகள்[தொகு]

  1. Monger, James Christopher. "( Jonas Brothers > Overview )". Allmusic. Rovi Corporation. பார்க்கப்பட்ட நாள் 2009-10-22.
  2. Wallenfeldt, Jeff. "Jonas Brothers (American band)". Encyclopædia Britannica. Encyclopædia Britannica, Inc. பார்க்கப்பட்ட நாள் 2009-11-01.
  3. Kot, Greg (August 24, 2008). "Jonas Brothers: Not just another boy band". Archived from the original on 2008-08-29. பார்க்கப்பட்ட நாள் 2009-03-09.
  4. Quenqua, Douglas (August 4, 2008). "A Rare CD by Today's Hot Boy Band: Bids Start at $160. Do I Hear $200?". பார்க்கப்பட்ட நாள் 2009-03-09.
  5. Gardner, Elysa (March 26, 2008). "Jonas Brothers are "each other's best friends"". பார்க்கப்பட்ட நாள் 2009-03-09.
  6. "Jonas Brothers the latest, hottest thing". Archived from the original on 2008-09-19. பார்க்கப்பட்ட நாள் 2009-03-09.
  7. ஜோனாஸ் சகோதரர்கள் சிரமங்களை உணரத் தலைப்படுகிறார்கள்.
  8. 8.0 8.1 8.2 Moss, Corey (April 6, 2006). "More Blink-182 Than Hanson, It's Time For The Jonas Brothers". MTV. பார்க்கப்பட்ட நாள் 2008-08-21.
  9. "Jonas Brothers Biography". CCM Magazine. Archived from the original on 2008-09-15. பார்க்கப்பட்ட நாள் 2008-08-21.
  10. 10.0 10.1 "Jonas Brothers". YouTube. MTV News.
  11. "Jonas Brothers". Ken Phillips Publicity Group. January 20, 2006. Archived from the original on 2008-09-05. பார்க்கப்பட்ட நாள் 2008-08-21.
  12. 12.0 12.1 Hadley, Suzanne. "Star Bright". Clubhouse Magazine. Archived from the original on 2008-06-05. பார்க்கப்பட்ட நாள் 2010-03-09.
  13. Gans, Andrew (August 4, 2002). "Beauty and the Beast Becomes 8th Longest-Running Show Aug. 4". Playbill.
  14. "Photo Call: Les Misérables: Leading Mann". Playbill. February 3, 2003. பார்க்கப்பட்ட நாள் 2008-08-22.
  15. "Playbill Biography: Nicholas Jonas". Playbill. பார்க்கப்பட்ட நாள் 2008-08-22.
  16. Gans, Andrew (September 20, 2003). "Playbill News: Meg Bussert Joins Paper Mill Sound of Music". Playbill. பார்க்கப்பட்ட நாள் 2008-08-22.
  17. 17.0 17.1 17.2 17.3 17.4 17.5 Askew, Claire. "Kansas City Star: Band interview: The Jonas Brothers, on the road, promoting their first CD". Ken Phillips Publicity Group. Archived from the original on 2008-09-05. பார்க்கப்பட்ட நாள் 2008-08-20.
  18. 18.0 18.1 18.2 Moser, John J. "Allentown Morning Call: The Jonas Brothers: hearththrobs of the Hanson kind". Ken Phillips Publicity Group. Archived from the original on 2011-10-02. பார்க்கப்பட்ட நாள் 2008-08-22.
  19. "Nicholas Jonas - Dear God". INOrecords. பார்க்கப்பட்ட நாள் 2008-08-22.
  20. Nick Jonas, Joe Jonas & Kevin Jonas. Interview with Nicole Anderson. Jonas Fan Van. Disney Channel. 2009. Retrieved on 2009-06-16.
  21. Jones, Kim. "INO Records Signs 12-Year Old Singer/Actor Nicholas Jonas". About.com. Archived from the original on 2012-01-27. பார்க்கப்பட்ட நாள் 2008-08-22.
  22. "Joy To The World (A Christmas Prayer) by Nicholas Jonas". Rhapsody. பார்க்கப்பட்ட நாள் 2008-08-22.
  23. Jones, Kim. "Jonas Brothers – It's About Time". About.com. Archived from the original on 2012-01-28. பார்க்கப்பட்ட நாள் 2008-08-22.
  24. "Nicholas Jonas". WalMart.com.
  25. 25.0 25.1 "Jonas Brothers deliver squeaky clean "punk" music".
  26. 26.0 26.1 Ferrucci, Patrick (February 16, 2006). "New Haven Register: Brothers In Arms". Ken Phillips Publicity Group. Archived from the original on 2008-09-05. பார்க்கப்பட்ட நாள் 2008-08-22.
  27. "BCSD – Nicholas Jonas". Boy Soloist. Archived from the original on 2017-07-07. பார்க்கப்பட்ட நாள் 2008-08-22.
  28. Kaufman, Gil (February 7, 2005). "The New Boy Bands". MTV. பார்க்கப்பட்ட நாள் 2008-08-22.
  29. 29.0 29.1 29.2 "Get Out the Red Bull...Here Come the Jonas Brothers". Ken Phillips Publicity Group. October 14, 2005. Archived from the original on 2008-09-05. பார்க்கப்பட்ட நாள் 2008-08-22.
  30. 30.0 30.1 30.2 Christiano, Mary Anne (November 16, 2005). "The Montclair Times: It's About Time the Jonas Brothers come to Montclair". Ken Phillips Publicity Group. Archived from the original on 2008-09-05. பார்க்கப்பட்ட நாள் 2008-08-22.
  31. "Mandy - Jonas Brothers". SonyMusicStore. Archived from the original on 2007-10-14. பார்க்கப்பட்ட நாள் 2010-03-09.
  32. 32.0 32.1 32.2 32.3 Black, Julie (January 2, 2007). "Fashion Show To Be Held In Rome". Greater Rome Times. Archived from the original on 2008-09-13. பார்க்கப்பட்ட நாள் 2008-08-22.
  33. "Disneymania, Vol. 4 > Overview". Allmusic]]. பார்க்கப்பட்ட நாள் 2008-08-29.
  34. Friss, Gwenn (June 18, 2006). "Aly & AJ pump up the volume". Cape Cod Times. Archived from the original on 2008-09-08. பார்க்கப்பட்ட நாள் 2008-08-29.
  35. "American Dragon: Jake Long episode guide". TV.com. பார்க்கப்பட்ட நாள் 2008-08-29.
  36. "Jonas Brothers – It's About Time". Billboard. Archived from the original on 2007-12-11. பார்க்கப்பட்ட நாள் 2008-08-21.
  37. "Joy To The World: The Ultimate Christmas Collection". WorshipMusic.com. பார்க்கப்பட்ட நாள் 2008-09-01.
  38. "Little Mermaid Soundtrack (Special Edition)". Amazon.com. பார்க்கப்பட்ட நாள் 2008-09-01.
  39. "PR Newswire: The Jonas Brothers Sign Record Deal With Disney's Hollywood Records". Archived from the original on 2007-02-13. பார்க்கப்பட்ட நாள் 2008-09-01.
  40. Kosidowski, Paul (July 7, 2008). "Jonas Brothers thrill tween audience at Summerfest". Journal Sentinel. பார்க்கப்பட்ட நாள் 2009-07-03.
  41. "Meet the Robinsons (soundtrack)". Amazon.com. பார்க்கப்பட்ட நாள் 2008-09-01.
  42. டிஸ்னிமேனியா,வால். 5
  43. "White House Easter Egg Roll 2007".
  44. "White House Tee Ball Game".
  45. "Jonas Brothers – Jonas Brothers". Billboard. Archived from the original on 2007-08-17. பார்க்கப்பட்ட நாள் 2008-08-21.
  46. "Millions Sold on HSM2". Multichannel News. Archived from the original on 2008-05-09. பார்க்கப்பட்ட நாள் 2010-03-09.
  47. "Miss Teen USA 2007".
  48. "Disney Channel Games 2007". Archived from the original on 2012-02-05. பார்க்கப்பட்ட நாள் 2010-03-09.
  49. "Jonas Brothers countdown to A Little Bit Longer". Archived from the original on 2019-03-01. பார்க்கப்பட்ட நாள் 2010-03-09.
  50. "Camp Rock sets the stage for newcomer Demi Lovato". Reuters. June 15, 2008. பார்க்கப்பட்ட நாள் 2008-09-02.
  51. "Camp Rock sets the stage for newcomer Demi Lovato". Reuters. June 15, 2008. பார்க்கப்பட்ட நாள் 2008-09-02.
  52. ""Camp Rock" sets the stage for newcomer Demi Lovato". Reuters.
  53. Hasty, Katie (June 25, 2008). "Coldplay Cruises To No. 1 On The Billboard 200". Billboard. பார்க்கப்பட்ட நாள் 2008-08-21.
  54. 54.0 54.1 "Ticketmaster". Archived from the original on 2018-01-14. பார்க்கப்பட்ட நாள் 2010-03-09.
  55. 55.0 55.1 "Jonas Brothers, Taylor Swift Performing for 3D Movie". YouTube.
  56. "Jonas Brothers return from their UK Trip".
  57. "The Clean Teen Machine". Rolling Stone. Archived from the original on 2008-07-25. பார்க்கப்பட்ட நாள் 2010-03-09.
  58. Vena, Jocelyn (August 22, 2008). "Jonas Brothers Donate Their Little Bit Longer Suits To Rock And Roll Hall Of Fame And Museum". MTV Newsroom. Archived from the original on 2012-05-27. பார்க்கப்பட்ட நாள் 2008-09-02.
  59. cherrybomb54 (December 27, 2008). "Jonas + Timbaland = Dumb". Sprinkle Pop. பார்க்கப்பட்ட நாள் 2009-07-03.{{cite web}}: CS1 maint: numeric names: authors list (link)
  60. "SNL's Valentine to You: Alec Baldwin and the Jonas Brothers". TVGuide. பார்க்கப்பட்ட நாள் 2009-02-06.
  61. "MTV Interview (Fourth Album Confirmed)". YouTube. MTV. பார்க்கப்பட்ட நாள் 2009-03-11.
  62. Graff, Gary (2009-03-18). "Jonas Brothers' Fourth Album Due June 15". Billboard. பார்க்கப்பட்ட நாள் 2009-04-18.
  63. Eliscu, Jenny (March 2009). "Jonas Brothers Lines, Vines and Trying Times". Rolling Stone Magazine. 
  64. "World Tour Dates Announced --- More to Come". MySpace. Jonas Brothers. பார்க்கப்பட்ட நாள் 2009-03-11.
  65. நியூஸ்டெஸ்க். ஜோனாஸ் சகோதரர்கள் சுற்றுப் பயணத் தொடக்க நிகழ்ச்சியில் வொண்டர் கேர்ல்ஸ் பட்டையைக் கிளப்புகிறார்கள். பரணிடப்பட்டது 2009-08-28 at the வந்தவழி இயந்திரம் எம்டிவி ஆசியா . ஜூலை 24, 2009. 2009ஆம் ஆண்டு ஆகஸ்டு 20 அன்று பெறப்பட்டது .
  66. "Artist Chart History". Billboard. பார்க்கப்பட்ட நாள் 2009-07-03.
  67. "Honor Society signs with Jonas Brothers' label". STREETBRAND. Archived from the original on 2014-11-29. பார்க்கப்பட்ட நாள் 2009-07-07.
  68. "Radio Disney - Planet Premiere". Radio Disney. பார்க்கப்பட்ட நாள் 2009-08-11.
  69. பத்திரிகை வெளியீடாக அதை அனுப்பு
  70. "What's on TV Monday night". Daily News. August 10, 2009. பார்க்கப்பட்ட நாள் August 10, 2009.
  71. ஹெச்டிடிபி://டபிள்யூடபிள்யூடபிள்யூ.செலிபஸ்.காம்/ஜோனாஸ்-சகோதரர்கள்-டொரோன்டோ-ஜி132611/[தொடர்பிழந்த இணைப்பு]
  72. ஹெச்டிடிபி://டுவிட்டர்.காம்/டிடிலோவேடா/ஸ்டேடஸ்/4921823344[தொடர்பிழந்த இணைப்பு]
  73. ஹெச்டிடிபி://டபிள்யூடபிள்யூடபிள்யூ.யூட்யூப்.காம்/வாச்?வி=6விஎக்ஸ்ஏஎன்கே_என்டிசி8[தொடர்பிழந்த இணைப்பு] கேம்ப் ராக் 2: தி ஃபைனல் ஜாம் டீஸர் ட்ரெய்லர்
  74. ஹெச்டிடிபி://டபிள்யூடபிள்யூடபிள்யூ.டிஸ்னிசேனல்மீடியாநெட்.காம்/டிஎன்ஆர்/2009/டிஓசி/சிஆர்கே2_ஃபைனல்ஜாம்.டாக்[தொடர்பிழந்த இணைப்பு]
  75. ஹெச்டிடிபி://டபிள்யூடபிள்யூடபிள்யூ.யூட்யூப்.காம்/வாச்?வி=டிஏஈoஎன்விகேஹெச்எஸ்ஜேகே&ஃபீச்சர்=சப்[தொடர்பிழந்த இணைப்பு]
  76. ஹெச்டிடிபி://டபிள்யூடபிள்யூடபிள்யூ.ஓஷன்அப்.காம்/2009/11/17/நிக்-ஜோனாஸ்-ஆன்-தி-அட்மினிஸ்ட்ரேஷன்-ஆல்பம்[தொடர்பிழந்த இணைப்பு]
  77. "Jonas Brothers sign first ever book deal with Disney Group". Business of Cinema.
  78. "The Jonas Brothers to Rock Out Their First Book". TVGuide.
  79. "Jonas Brothers 3-D Concert Flick Gets A Release Date". MTV.
  80. "Catching You Up". Jonas Brothers via Blogging. April 8, 2009. பார்க்கப்பட்ட நாள் 2009-05-26.
  81. "Jonas Bros show gets major changes". TV.com. Archived from the original on 2009-04-02. பார்க்கப்பட்ட நாள் 2010-03-09.
  82. "Disney Channel offers updates on "Hannah Montana", "Camp Rock", Jonas Brothers, Demi Lovato, "High School Musical", Disney Channel Games". Orlando Sentinel.
  83. "Disney Already Planning Sequel to Camp Rock".
  84. "Camp Rock sequel in the works". Hollywood Reporter. Archived from the original on 2008-06-26. பார்க்கப்பட்ட நாள் 2010-03-09.
  85. "Jonas Bros. whiff Fox's Farting Dog". Variety. பார்க்கப்பட்ட நாள் 2008-10-28.
  86. ஹெச்டிடிபி://ஜேபிமூவ்ஆன்ஃபான்சைட்.ப்ளாக்ஸ்பாட்.காம்/2009/11/டிஸ்னி-சேனல்-ஹேஸ்-ரென்யூட்-ஜோனாஸ்-ஜோனாஸ்.ஹெச்டிஎம்எல்[தொடர்பிழந்த இணைப்பு]
  87. Moore, Roger (2009-03-06). "They're family – and family-friendly". Orlando Sentinel. பார்க்கப்பட்ட நாள் 2009-03-25.
  88. "Jonas Brothers: We are all virgins". US Magazine. February 22, 2008. Archived from the original on 2009-08-25. பார்க்கப்பட்ட நாள் 2009-05-31.
  89. "The Boy Band Next Door". Newsweek.
  90. Zeidler, Sue (February 1, 2008). "Straight-laced Jonas Brothers defy rocker image". Reuters. 
  91. 91.0 91.1 Lewis, Jemima (September 14, 2008). "Jonas Brothers vs Russell Brand". த டெயிலி டெலிகிராப் (London). http://www.telegraph.co.uk/opinion/main.jhtml?xml=/opinion/2008/09/14/do1407.xml. பார்த்த நாள்: 2008-11-25. 
  92. 92.0 92.1 "Russell Brand apologises for Jonas Brothers gag". Now. September 9, 2008. http://www.nowmagazine.co.uk/celebrity-news/273091/russell-brand-apologises-for-jonas-brothers-gag/1/. பார்த்த நாள்: 2008-11-25. 
  93. Poniewozik, James (2009-03-12), "Is South Park the Most Moral Show on TV?", டைம், பார்க்கப்பட்ட நாள் 2009-03-12
  94. Fickett, Travis (2009-03-12), South Park: "The Ring" Review – The Jonas Bros. come to Colorado, ruin Kenny's would-be sex life, IGN, பார்க்கப்பட்ட நாள் 2009-03-12
  95. Flanagan, Ben (2009-05-01). "Ben Around: "South Park: on a roll". The Tuscaloosa News (Tuscaloosa, Alabama) இம் மூலத்தில் இருந்து 2011-06-06 அன்று. பரணிடப்பட்டது.. https://web.archive.org/web/20110606064708/http://www.tuscaloosanews.com/article/20090501/NEWS/904309962/1005?Title=BEN-AROUND-South-Park-on-a-roll. பார்த்த நாள்: 2009-05-03. 
  96. ஹெச்டிடிபி://டபிள்யூடபிள்யூடபிள்யூ.மெட்ரோலிரிக்ஸ்.காம்/ஆன்-டு-தி[தொடர்பிழந்த இணைப்பு] நெக்ஸ்ட்-ஒன்-லிரிக்ஸ்.ஜேய்ஜ்.ஹெச்டிஎம்எல்
  97. ஹெச்டிடிபி://டபிள்யூடபிள்யூடபிள்யூ.யூட்யூப்.காம்/வாச்?வி=க்யூஎம்6ஜேஎக்ஸிஜட்சிஎம்_ஒய்யு[தொடர்பிழந்த இணைப்பு]
  98. ஹெச்டிடிபி://டபிள்யூடபிள்யூடபிள்யூ.யூட்யூப்.காம்/வாச்?வி=எல்ஜிஒய்ஒ8ஜே-ஐஎஃப்8[தொடர்பிழந்த இணைப்பு]
  99. "Some teen stars are still well-scrubbed, others have gone wild". NY Daily News.
  100. "D-Vision". Change For The Children. பார்க்கப்பட்ட நாள் 2008-09-02.
  101. "Bayer diabetes care partners with Nick Jonas to encourage young people to proactively manage their diabetes". Change For The Children. August 6, 2008. பார்க்கப்பட்ட நாள் 2008-09-02.
  102. "Nick Jonas Meets Barack Obama, Lobbies For Diabetes Funding". Star Pulse. June 24, 2009. Archived from the original on 2016-03-05. பார்க்கப்பட்ட நாள் 2009-06-24.
"https://ta.wikipedia.org/w/index.php?title=ஜோனாஸ்_சகோதரர்கள்&oldid=3791715" இலிருந்து மீள்விக்கப்பட்டது