சுபா (எழுத்தாளர்கள்)

சுபா என்பது தமிழ் எழுத்தாளர்கள் டி.சுரேஷ், ஏ.என். பாலகிருஷ்ணன் ஆகிய இருவரும் சேர்ந்து எழுதும் புனைப் பெயராகும். இவர்கள் இருவரும் தமிழ்த் துப்பறியும் புதினங்கள், திரைக்கதை, சிறுகதைகள் போன்றவற்றை எழுதி வருகின்றனர்.

எழுத்துப்பணி

இவ்விரு நண்பர்களும் கல்லூரியில் படிக்கும் காலத்திலிருந்து கதைகளைச் சேர்ந்து எழுதியுள்ளனர். மேலும் 1979-லிருந்து அவற்றை வெளியிட்டு வருகின்றனர். இவர்களிருவரும் குறைந்தபட்சம் 450 குறு நாவல்களையும், 400 சிறு கதைகளையும், திரைப்படங்கள் மற்றும் தொலைக்காட்சி தொடர்களுக்குத் திரைக்கதைகளையும் எழுதியுள்ளனர். கனா கண்டேன், அயன் ஆகிய திரைப்படங்கள் சுபாவின் நாவல்களைத் தழுவி அமைந்துள்ளவை. மேலும் இவற்றின் திரைக்கதை சுபா, கே. வி. ஆனந்த் ஆகியோரால் எழுதப்பட்டது. கோ திரைப்படத்தின் திரைக்கதையும் சுபா, கே. வி. ஆனந்த் ஆகியோரால் எழுதப்பட்டது. தமிழ் மற்றும் தெலுங்கில் வெளிவந்த 180 திரைப்படத்தின் திரைக்கதை சுபா, ஜெயேந்திரா ஆகியோரால் எழுதப்பட்டது.

இவர்களின் பெரும்பாலான புதினங்களில் ஈகிள் ஐ டிடக்டிவ் ஏஜென்சியின் நரேந்திரன், வைஜயந்தி ஆகிய கதாபாத்திரங்கள் முதன்மைப்படுத்தப்பட்டிருக்கும். மேலும் ஜான் சுந்தர், செல்வா, முருகேசன் ஆகியவையும் இவர்கள் உருவாக்கிய முக்கியக் கதாபாத்திரங்கள் ஆவர்.

திரைப்படப் பட்டியல்

ஆண்டு	திரைப்படம்	எழுத்தாளர்	குறிப்புகள்
1998	நாம் இருவர் நமக்கு இருவர்	வசனம்
2005	கனா கண்டேன்	வசனம்
2005	சாணக்கியா	வசனம்
2006	ரெண்டு	திரைக்கதை
2008	இன்பா	வசனம்
2009	அயன்	ஆம்
2011	கோ	ஆம்	கௌரவத் தோற்றம்
	வேலாயுதம்	வசனம்
	180	ஆம்
2012	மாற்றான்	ஆம்
2013	ஆரம்பம்	ஆம்
2015	ஐ	வசனம்
	அனேகன்	ஆம்
	யட்சன்	ஆம்
	தனி ஒருவன்	ஆம்
2017	கவண்	ஆம்
	வேலைக்காரன்	ஆம்
2018	நா நுவே	ஆம்	தெலுங்குத் திரைப்படம்
2019	ஆக்‌ஷன்	ஆம்