சமாரிண்டா

சமாரிண்டா
மாநகரம்
City of Samarinda Kota Samarinda
இடது → வலது: சமாரிண்டா இசுலாமிய மையம், சமாரிண்டா பிரதிநிதிகள் சபை கட்டிடம், சமாரிண்டா அருங்காட்சியகம், கிழக்கு கலிமந்தான் பிரதிநிதிகள் மாளிகை, கிழக்கு கலிமந்தான் ஆளுநர் மாளிகை
கொடி சின்னம்
குறிக்கோளுரை: Samarinda Kota Tepian
சமாரிண்டா       சமாரிண்டா
ஆள்கூறுகள்: 0°30′00″S 117°08′16″E
நாடு	இந்தோனேசியா
பகுதி	கலிமந்தான்
மாநிலம்	கிழக்கு கலிமந்தான்
நிறுவல்	1668
பரப்பளவு
• நிலம்	691.53 km2 (267.00 sq mi)
• நீர்	26.47 km2 (10.22 sq mi)  3.65%
• பரப்பளவு தரவரிசை	7-ஆவது
உயர் புள்ளி	260 m (850 ft)
மக்கள்தொகை  (2024 மதிப்பீடு)
• மாநகரம்	8,68,499
• தரவரிசை	1-ஆவது (போர்னியோ)
• அடர்த்தி	1,163/km2 (3,010/sq mi)
• பெருநகர்	10,50,000
இனம்	சமாரிந்தான்
மக்கள் தொகை
• சமயம்	இசுலாம் 91.28% சீர்திருத்தத் திருச்சபை 5.08% கத்தோலிக்க திருச்சபை 2.60% பௌத்தம் 0.91% இந்து சமயம் 0.09% கன்பூசியம் 0.03% வேறு 0.01%
நேர வலயம்	இந்தோனேசிய நேரம் +8
அஞ்சல்	75000
தொலைபேசி	+62
காலநிலை	அயனம்
HDI (2022)	0.814 (மிக உயர்வு)

சமாரிண்டா (இந்தோனேசியம்: Samarinda; ஆங்கிலம்: City of Samarinda) என்பது இந்தோனேசியா, போர்னியோ, கிழக்கு கலிமந்தான், கிழக்கு கலிமந்தான் மாகாணத்தின் தலைநகரம் ஆகும். இந்த மாநகரம் மகாகாம் ஆற்றின் (Mahakam River) கரையில் 718 கிமீ2 (277 சதுர மைல்) நிலப்பரப்பில் அமைந்துள்ளது.

2022-ஆம் ஆண்டில் இந்தோனேசியாவின் வாழத் தகுதியான முதல் பத்து நகரங்களில் சமாரிண்டாவும் ஒன்று என தரவரிசைப் படுத்தப்பட்டுள்ள இந்த மாநகரம் கிழக்கு கலிமந்தான் மனித வளர்ச்சி (பொருளியல்) கணக்கெடுப்பில் முதலிடத்தில் உள்ளது. 2024-ஆம் ஆண்டு மக்கள் தொகை கணக்கெடுப்பின்படி 868,499 மக்கள்தொகையுடன், போர்னியோ தீவில் அதிக மக்கள் தொகை கொண்ட நகரமாக விளங்குகிறது.

கிழக்கு கலிமந்தானின் மிகப்பெரிய ஏற்றுமதியாளராகவும்; மற்றும் ஐந்தாவது பெரிய இறக்குமதியாளராகவும் விளங்கும் சமாரிண்டா மாநகரம், கிழக்கு கலிமந்தானில் அதிக எண்ணிக்கையிலான வங்கி தலைமையகங்களைக் கொண்ட நகரமாகவும் தடம் பதிக்கிறது

பொது

சமாரிண்டாவிற்கு அருகாமையில் இருக்கும் ஓர் இந்துக் கோயிலின் கல்வெட்டுப் பதிவுகளின் மூலமாக, ஐந்தாம் நூற்றாண்டில் இங்கு இந்தியர்கள் குடியேறி உள்ளனர் என்று அறியப்படுகிறது. ஆயினும் 1668-ஆம் ஆண்டில் தென்பகுதியில் இருந்து பூகிஸ் மக்கள் இங்கு குடியேறினர். காலப்போக்கில் இவர்கள் கோவா சுல்தானகம் எனும் (Sultanate of Gowa) இராச்சியத்தை உருவ்வாகினர்.

1846-இல் இடச்சுக்காரர்கள் இந்த நகரத்தைக் கைப்பற்றினர். 1959-இல் இந்தோனேசிய அதிபர் சுகார்னோ ஏற்படுத்திய ஒரு சட்டம் காரணமாக இந்த நகரத்தின் மக்கள் தொகை வேகமாக வளரத் தொடங்கியது.

1942-இல் சமாரிண்டா ஒரு சிறிய நகரமாக இருந்தது. அதன் அருகே பல சிறிய எண்ணெய் வயல்களும் இருந்தன. இரண்டாம் உலகப் போரில் இடச்சு கிழக்கிந்தியத் தீவுகளை சப்பானியர்கள் கைப்பற்றினர்.

சப்பானிய ஆக்கிரமிப்பு

முதன்மைக் கட்டுரை: இடச்சு கிழக்கிந்தியத் தீவுகளில் சப்பானிய ஆக்கிரமிப்பு

இரண்டாம் உலகப் போரின் போது, சப்பானியப் பேரரசு 1942-ஆம் ஆண்டு இடச்சு கிழக்கிந்தியத் தீவுகளை ஆக்கிரமித்ததன். அதில் ஒரு பகுதியாக சமாரிண்டா நகரத்தை தன் கட்டுப்பாட்டிற்குள் கொண்டு வந்தது.

1942-ஆம் ஆண்டு முதலாம் பாலிக்பாப்பான் போர் (1942) போரிலும் (Battle of Balikpapan), 1945-ஆம் ஆண்டு இரண்டாம் பாலிக்பாப்பான் போர் (1945) (Battle of Balikpapan), போரிலும் சமாரிண்டா நகரம் இரண்டாம் உலகப் போரின் நேச நாடுகளால் தாக்கப்பட்டது.

மக்கள்தொகை

2024-ஆம் ஆண்டின் நடுப்பகுதியில் சமாரிண்டா மாநகரத்தின் மக்கள்தொகை 868,499 ஆக இருந்தது. 2023-2024-இல் ஆண்டு வளர்ச்சி விகிதம் 0.77% ஆகும். சமாரிண்டாவின் பெரும்பான்மையான மக்கள் பூர்வீக இந்தோனேசியர்; மற்றும் சீன வம்சாவளியைச் சேர்ந்தவர்கள் ஆவார்கள்.

அரேபியர்கள் சிறுபான்மையினராக உள்ளனர்.. சமாரிண்டாவில் அமெரிக்கர்கள், கனடியர்கள், ஐரோப்பியர்கள், சப்பானியர்கள், பிலிப்பீன்சு மற்றும் கொரியர்கள் பணிபுரிகின்றனர்.

	தேசியம் / தோற்றம்	2019	2019%	2020
1	ஆசியா	473	47.2%	315
2	ஐரோப்பா	172	17.1%	5
3	ஆசியான்	168	16.7%	126
4	ஓசியானியா	163	16.3%	15
5	அமெரிக்க ஐக்கிய நாடுகள்	23	2.3%	19
6	ஆப்பிரிக்கா	4	0.4%	12
	மொத்தம்	1,003	100.0%
31 திசம்பர் 2020 நிலவரப்படி Source: Samarinda Statistics Department

மகாகாம் ஆற்றுப் பகுதி

மகாகாம் ஆறு; மற்றும் அதன் சுற்றுப்புறங்கள்

மேலும் காண்க

• கலிமந்தான்
• கிழக்கு கலிமந்தான்
• பாலிக்பாப்பான்

நூல்கள்

• L, Klemen (1999–2000). "Forgotten Campaign: The Dutch East Indies Campaign 1941-1942".

வெளி இணைப்புகள்

• GovSamarinda பரணிடப்பட்டது 15 மே 2010 at the வந்தவழி இயந்திரம் Samarinda Government portal