கொனார்க்
| கொனார்க் କୋଣାର୍କ कोणार्क Konārka, Konârak | |
|---|---|
| ஊர் | |
 கொனர்க் சூரியக் கோயில் | |
  கொனார்க் இந்தியாவின் ஒடிசா மாநிலத்தில் கொனார்க்கின் அமைவிடம்  கொனார்க் கொனார்க் (இந்தியா) | |
| ஆள்கூறுகள்: 19°53′27″N 86°06′01″E / 19.89083°N 86.10028°E | |
| நாடு |  இந்தியா |
| மாநிலம் | ஒடிசா |
| மாவட்டம் | புரி |
| ஏற்றம் | 2 m (7 ft) |
| மக்கள்தொகை (2001) | |
| • மொத்தம் | 15,015 |
| மொழிகள் | |
| • அலுவல் | ஒடியா |
| நேர வலயம் | இந்திய சீர் நேரம் (ஒசநே+5:30) |
| அஞ்சல் சுட்டு எண் | 752111 |
| வாகனப் பதிவு | OD-13 |
| இணையதளம் | http://konark.nic.in |
கொனார்க் (Konark) (ஒடியா: କୋଣାର୍କ), இந்திய மாநிலமான ஒடிசாவின் புரி மாவட்டத்தில் அமைந்த சிறு ஊர் ஆகும். உலகப் பாரம்பரியக் களங்களில் ஒன்றான கொனார்க் சூரியக் கோயில் [1] இவ்வூரில் அமைந்துள்ளது. இவ்வூரில் அழகு சிந்தும் சந்திரபாகா கடற்கரை உள்ளது.
அமைவிடம்[தொகு]
ஒடிசா மாநிலத் தலைநகரம் புவனேசுவரத்திலிருந்து 65 கிலோ மீட்டர் தொலைவிலும், புரி நகரத்திலிருந்து 35 தொலைவிலும், வங்காள விரிகுடா கடற்கரையில் அமைந்த ஊராகும். [2][3]
திருவிழா[தொகு]
இங்குள்ள சூரியக் கோயிலில் ஆண்டுதோறும் டிசம்பர் மாதத்தில் கொனார்க் நாட்டியத் திருவிழா நடைபெறுகிறது. [4]
பெயர்க் காரணம்[தொகு]
சமஸ்கிருத மொழியில் உள்ள கொனர்கா (கொனா + அர்கா) எனும் இரண்டு சொல்லில், கொனா என்பதற்கு கோணம் என்றும், அர்கா என்பதற்கு சூரியன் என்றும் பொருளாகும். [5]
கொனார்க் சூரியக் கோயில்[தொகு]
சூரியதேவனுக்கு அர்ப்பணிக்கப்பட்ட இக்கோவில், கி பி 13-ஆம் நூற்றாண்டில் கீழைக் கங்கர் வம்சத்தைச் சேர்ந்த முதலாம் நரசிம்ம தேவன் என்ற மன்னனால் கட்டப்பட்டது. இக்கோவில் சிவப்பு மணற்பாறைகளாலும் கருப்பு கிரானைட் கற்களாலும் கட்டப்பட்டது. இக்கோயில் கல்லில் செதுக்கப்பட்ட பிரம்மாண்ட தேர் வடிவத்தில் கட்டப்பட்டுள்ளது.[6]
மக்கள் தொகையில்[தொகு]
2011-ஆம் ஆண்டின் மக்கள் தொகை கணக்கெடுப்பின் படி, கொனார்க் நகரத்தின் மொத்த மக்கள் தொகை 16,779 ஆகும். அதில் ஆண்கள் 8,654 ஆகவும்; பெண்கள் 8,125 ஆகவும் உள்ளனர். ஆறு வயதிற்குட்பட்டோர் 1750 (10.43%) ஆக உள்ளனர். சராசரி எழுத்தறிவு 75.97% ஆக உள்ளது. அதில் ஆண்களின் 79.96% எழுத்தறிவு ஆகவும்; பெண்களின் எழுத்தறிவு 71.71%. ஆகவும் உள்ளது. பாலின விகிதம் 1000 ஆண்களுக்கு, 939 பெண்கள் வீதம் உள்ளனர். மொத்த மக்கள் தொகையில் இந்துக்கள் 96.05% ஆகவும்; இசுலாமியர்கள் 0.38% ஆகவும்; சீக்கியர்கள் 0.02% ஆகவும்; பௌத்தர்கள் 0.01% ஆகவும்; சமணர்கள் 0.01%ஆகவும், கிறித்தவர்கள் 3.25% ஆகவும்; சமயம் குறிப்பிடாதவர்கள் 0.28%ஆகவும் உள்ளனர். [7]
சுற்றுலாத் தலம்[தொகு]
இந்தியப் பண்பாட்டுச் சுற்றுலாத் தலமாக கொனர்க் சூரியக் கோயில் விளங்குகிறது. [8] அந்தி சாயும் வேளையில் கொனார்க் சூரியக் கோயிலில் ஒலி-ஒளி காட்சி காட்டப்படுகிறது.
மேற்கோள்கள்[தொகு]
- ↑ UNESCO (1984). "World Heritage List: Sun Temple, Konârak". Archived from the original on 3 April 2015.
- ↑ "Konark, Official Website (Approach)". Archived from the original on 2013-05-12. பார்க்கப்பட்ட நாள் 2017-05-30.
- ↑ http://www.konark.org/how-to-reach-konark.html
- ↑ "25th Konark Dance & Music festival" (PDF). Archived from the original (PDF) on 2016-03-04. பார்க்கப்பட்ட நாள் 2017-05-30.
- ↑ Konârka is a combination of two words, kona (corner) and arka (Sun). UNESCO 1984
- ↑ "Konark Sun Temple". Archived from the original on 2017-06-01. பார்க்கப்பட்ட நாள் 2017-05-30.
- ↑ Konark Population Census 2011
- ↑ http://www.konark.org/how-to-reach-konark.html
வெளி இணைப்புகள்[தொகு]
- Konark, World Heritage Site, UNESCO
- Konark (Official Site), Tourism Department, Government of Odisha
விக்கிச்செலவில் செலவு வழிகாட்டி: கொனார்க்
