குருணாகல் மணிக்கூட்டுக் கோபுரம்
.JPG) குருணாகல் மணிக்கூட்டுக் கோபுரம் | |
| ஆள்கூறுகள் | 7°29′12.8″N 80°21′54.3″E / 7.486889°N 80.365083°E |
|---|---|
| இடம் | குருணாகல், இலங்கை |
| கட்டுமானப் பொருள் | கருங்கல், சீமைக்காரை, மரம் |
| முடிவுற்ற நாள் | 1922 |
| அர்ப்பணிப்பு | இது முதல் உலகப் போரில் பங்கேற்று இறந்த வடமேற்கு மாகாணத்தைச் சேர்ந்த வீரர்களின் நினைவாக 1922 ஆம் ஆண்டில் கட்டப்பட்டது.[1] |
குருணாகல் கடிகார கோபுரம் (Kurunegala Clock Tower) என்பது இலங்கையின் குருணாகல் நகரத்தில் அமைந்துள்ளது. இது முதல் உலகப் போரில் பங்கேற்று இறந்த வடமேற்கு மாகாணத்தைச் சேர்ந்த வீரர்களின் நினைவாக 1922 ஆம் ஆண்டில் கட்டப்பட்டது. [2] குருணாகல் நீதிமன்றம், மத்திய சந்தை, மத்திய பேருந்து நிலையம் ஆகியவை இக்கடிகார கோபுரத்திற்கு அருகில் உள்ளன.
வரலாறு[தொகு]
முதல் உலகப் போரில் (1914-1918) வடமேற்கு மாகாணத்தைச் சேர்ந்த 11 வீரர்கள் கொல்லப்பட்டனர். இதில் மூன்று இலங்கையர்களும் அடங்குவர். அவர்களை கௌரவிப்பதற்காக இக்கோபுரம் அமைக்கப்பட்டது. கோபுரத்தின் மீது ஒரு நினைவுத் தகடு பின்வருமாறு பொறிக்கப்பட்டுள்ளது:
- “இந்த மணிக்கூட்டுக் கோபுரம் வடமேற்கு மாகாணத்திலிருந்து கடமை என்ற அழைப்பின் பேரில் சென்று 1914-1918 உலகப் போரில் பேரரசிற்காக தங்கள் உயிரைக் கொடுத்தவர்களின் நினைவாக அமைக்கப்பட்டது.”
1945-க்குப் பிறகு, இரண்டாம் உலகப் போரில் (1939-1945) தங்கள் உயிரைத் தியாகம் செய்த வீரம் மிக்க அதிகாரிகளுக்கும் இந்தக் கோபுரம் அர்ப்பணிக்கப்பட்டது. [3]
அம்சங்கள்[தொகு]
கருங்கல், சீமைக்காரை, மரம் ஆகியவற்றைக் கொண்டு நாற்கர வடிவத்தில் இந்த கோபுரம் கட்டப்பட்டுள்ளது. முழு கோபுரமும், குறிப்பாக மேலே, ஒரு நாற்புற கோட்டைக்கு ஒத்ததாக தோன்றுகிறது. உள்ளே கான்கிரீட்டாலும், மரத்தாலும் செய்யப்பட்ட படிகள் உள்ளன. [4]
உசாத்துணை[தொகு]
- ↑ Dhananjani Silva (28 September 2014). "Kurunegala, a regal city". The Sunday Times (Sri Lanka). http://www.sundaytimes.lk/140928/funday-times/kurunegala-a-regal-city-119722.html. பார்த்த நாள்: 20 July 2015.
- ↑ "Unveiling the beauty of Athugalpura". http://ceylontoday.lk/95-76298-news-detail-unveiling-the-beauty-of-athugalpura.html.[தொடர்பிழந்த இணைப்பு]
- ↑ "Sri Lanka war monuments" (in Sinhala) இம் மூலத்தில் இருந்து 24 September 2015 அன்று. பரணிடப்பட்டது.. https://web.archive.org/web/20150924101921/http://www.silumina.lk/2013/11/24/_art.asp?fn=as1311247&p=1.
- ↑ "මහායානයයි - හීනයානයයි එකට පැටලුණු වංග දේශය" (in Sinhala) இம் மூலத்தில் இருந்து 27 அக்டோபர் 2012 அன்று. பரணிடப்பட்டது.. https://web.archive.org/web/20121027092007/http://www.mawbima.lk/48-4630-news-detail.html.