காரமயமாக்கிகள்

காரமயமாக்கல் முகவர்கள் (Alkalinizing agents) என்பவை அமிலத்தன்மையைக் குறைத்து காரத்தன்மையை அதிகரிக்கும் வேதிப் பொருள்களாகும். அமிலக்காரக் குறியீடு எனப்படும் ஐதரசன் அயனிச்செறிவு குறைபாடு காரணமாகத் தோன்றும் நோய்களை நிர்வகிக்க இவை பயன்படுகின்றன. உதாரணமாக, சிறுநீரக செயலிழப்பு காரணமாகத் தோன்றும் அமிலத்தேக்க நோய்க்கு சிகிச்சையளிக்க இவற்றை பயன்படுத்தலாம்.

வாய்வழியாக அல்லது குடல்வழியல்லாத அல்லூண் வழி சிகிச்சை அளித்தலில் காரமயமாக்கும் முகவர் பயன்படுத்தப்படுகிறது, சோடியம் பைகார்பனேட்டு உப்பு பொதுவாக விரும்பப்படும் ஒரு காரமயமாக்கல் முகவராகும். பொட்டாசியம் சிட்ரேட்டு, கால்சியம் கார்பனேட்டு, சோடியம் லாக்டேட்டு, கால்சியம் அசிட்டேட்டு போன்ற உப்புகளும் காரமயமாக்கல் முகவர்களாகப் பயன்படுகின்றன.