கலியுககாலம் (திரைப்படம்)
கலியுககாலம் 1975 இல் ரி. அர்ஜுனா என்ற தமிழ் இயக்குனரால் இயக்கித் தயாரிக்கப்பட்ட கலியுக காலே என்ற சிங்களத் திரைப்படத்தின் சமகாலத்தில் தமிழில் மொழிமாற்றம் செய்யப்பட்ட இலங்கைத் திரைப்படமாகும்.
சிங்கள நடிகர்களான டோனி ரணசிங்க, நீட்டா பெர்னாண்டோ, ஆங்கில வானொலி அறிவிப்பாளர் விஜெய் கொரியா ஆகியோர் பிரதான பாத்திரங்களில் நடித்த இத்திரைப்படத்தின் தமிழ் வசனங்களை கே. எம். வாசகர் எழுதினார்.
ஜோக்கிம் பெர்னாண்டோ, விஜயாள் பீற்றர், சுப்புலட்சுமி காசிநாதன், ரி. ராஜகோபால், கே. எஸ். பாலச்சந்திரன், எஸ். ராம்தாஸ், எஸ். செல்வசேகரன் முதலிய பிரபல இலங்கை வானொலிக் கலைஞர்கள் குரல் கொடுத்தார்கள்.
தமிழ்த்திரைப்படத்தின் பாடல்களுக்கு இசையமைத்தவர், தற்போது டென்மார்க்கில் வாழும் சண் என்ற இசையமைப்பாளராவார்.
குறிப்பு[தொகு]
- சுஜாதா அத்தனாயக்க பாடி, இத்திரைப்படத்தில் இடம்பெற்ற அன்புள்ளம் ஒன்று சேர்ந்த நல்ல நாள் என்ற பாடல் அக்காலத்தில் வானொலியில் அடிக்கடி ஒலிபரப்பான பிரபலமான பாடலாகும்
- ஈழத்துப்பாடகர் அமுதன் அண்ணாமலையும், பிரபல பாடகர் எம்.பி.பரமேஸும் தங்கள் முதல் திரைப்பாடல்களை இந்த்தப்படத்திலேயே பாடியுள்ளார்கள்.
- சிங்களத் திரைப்படம் வெளிவருவதற்கு முன்னரே தமிழ்ப்படம் வெளிவந்துவிட்டது.