எட்வர்டு கலென் (ட்விலைட்)

கட்டற்ற கலைக்களஞ்சியமான விக்கிப்பீடியாவில் இருந்து.
எட்வர்ட்டு கலென்
டுவிலைட் தொடர் கதை மாந்தர்
ராபர்ட் பட்டின்சனின் டுவிலைட் திரைப்படத்தில் எட்வர்ட்டு கலென்
முதல் தோற்றம் டுவிலைட்
உருவாக்கியவர் Stephenie Meyer
வரைந்தவர்(கள்) ராபர்ட் பட்டின்சன்
தகவல்
பிற பெயர்Edward Anthony Masen (மனிதப் பெயர்)
வகைVampire
பால்ஆண்
வயது17 (உயிரியல்)
104 (டுவிலைட் (புதினம்), காலமுறை)
108 (டுவிலைட் (திரைப்படம்), காலமுறை)
தொழில்மாணவன்
குடும்பம்Edward Masen, Sr. (உயிரியல் தந்தை)
Elizabeth Masen (உயிரியல் தாய்)
Esme Cullen (வளர்ப்புத் தாய்)
Carlisle Cullen (வளர்ப்புத் தந்தை)
Alice Cullen and Rosalie Hale (adoptive sisters)
Jasper Hale and Emmett Cullen (adoptive brothers)
Charlie Swan (மனைவியின் தந்தை)
Renée Dwyer (மனைவியின் தாய்)
துணைவர்(கள்)பெல்லா சுவான்
பிள்ளைகள்ரெனெசுமீ கார்லி கலென்

எட்வர்டு கலென் (né எட்வர்டு அந்தோணி மசென் ) என்பது ஸ்டீபனி மெயரின் "ட்விலைட்" தொடரில் வரும் ஒரு கற்பனைப் பாத்திரம் ஆகும். ட்விலைட் , நியூ மூன் , எக்ளிப்ஸ் மற்றும் பிரேக்கிங் டான் ஆகிய புத்தகங்களில் இந்த நாயகன் இடம்பெறுகிறான், அத்துடன் "ட்விலைட்" திரைப்படத்திலும் இடம்பெறுகிறான், எட்வர்டின் பார்வையில் இருந்து ட்விலைட் சம்பவங்களை பின்னோக்கி நினைத்துப் பார்ப்பதாக வரும் இன்னும் முடிக்கப்படாத நாவலான மிட்நைட் சன் னிலும் வருகிறான். எட்வர்டு ஒரு ரத்தக் காட்டேரி, ட்விலைட் தொடர் கதையின் போக்கில், அவன் பெல்லா ஸ்வான் என்னும் மனித உலகின் இளம்பெண்ணின் மீது காதல் கொள்கிறான், அவளை மணந்து கொள்கிறான், ஒரு குழந்தையும் பெறுகிறான், அந்த பெண் பின்னாளில் தானும் ஒரு ரத்தக் காட்டேரியாக மாற முடிவு செய்கிறாள். 2008 ட்விலைட் திரைப்படத்தில், எட்வர்டு பாத்திரத்தை நடிகர் ராபர்ட் பாடின்சன் ஏற்று நடித்திருந்தார்.

கருத்து மற்றும் உருவாக்கம்[தொகு]

பாத்திர உருவாக்கத்திற்கு காரணமானவர்கள் கில்பர்ட் ப்ளைத், ஃபிட்ஸ்வில்லியம் டார்சி, மற்றும் எட்வர்டு ரோசஸ்டர் ஆகியோர் - அதிலும் குறிப்பாக கடைசியானவரைச் சொல்லலாம், இவர் எட்வர்டு கலென் போலவே தன்னையும் ஒரு "விபரீத ஜீவனாகவே" கருதிக் கொள்கிறார்.[1]

தோற்றங்கள்[தொகு]

ட்விலைட்[தொகு]

ட்விலைட் டில், எட்வர்டு பெல்லா ஸ்வானை சந்திக்கிறான், மனிதப் பெண் பெல்லாவின் சிந்தனைகள் அவனால் புரிந்து கொள்ள முடியாதவை, அவளின் ரத்த வாசனை அவனுக்கு மிகப்பெருமளவில் வசீகரிப்பதாக இருக்கிறது.[2] தனக்குள் அவளை நோக்கி ஏற்படும் ஈர்ப்புக்கு எதிராக அவன் போராடுகிறான், ஆனால் அவளது உயிரை பல்வேறு தருணங்களில் அவன் காப்பாற்ற நேர்ந்த பிறகு, அந்த ஈர்ப்புக்கு அடிமையாகி இறுதியில் அவள் மீது காதல் கொள்கிறான். தான் ஒரு ரத்தக் காட்டேரி என்பதையும், அவனது உடம்பு ஒரு பதினேழு வயது சிறுவனுடையது போல் தோற்றமளித்தாலும், உண்மையில் அவன் பிறந்தது ஜூன் 20, 1901 இல் என்பதையும் பெல்லாவிடம் அவன் ஒப்புக் கொள்கிறான். சிகாகோ, இலினியாஸில் இருந்த சமயத்தில் ஸ்பேனிஷ் தொற்றுநோய்க் காய்ச்சலில் தான் இறந்து போகாமல் தடுப்பதற்காக, தனது வளர்ப்பு தந்தையான கார்லைல் கலென் தன்னை 1918 ஆம் ஆண்டில் ஒரு ரத்தக் காட்டேரியாக மாற்றி விட்டதாக அவன் கூறுகிறான். பெரும்பாலான ரத்தக் காட்டேரிகள் கொண்டிராத ஒரு தர்ம சிந்தனையை அவனில் கார்லைல் விதைத்திருக்கிறார், அதாவது மனிதர்களை உணவாகக் கருதுவதை மறுப்பது அவனது வாழ்க்கை வழியின் மையமாக இருக்கும்.

ஆனாலும், தன்னுடன் தொடர்ந்து பழகுவது அவளது உயிருக்கே ஆபத்தாக முடியும் என்று எண்ணி தன்னுடன் இருப்பது குறித்து எட்வர்டு தொடர்ந்து பெல்லாவை எச்சரிக்கிறான். பெல்லாவின் காதலும் எட்வர்டின் மனக்கட்டுப்பாட்டின் மீதான அவளது நம்பிக்கையும் அவனது எச்சரிக்கைகளை அவள் அலட்சியப்படுத்தும்படி செய்துவிடுகின்றன, ரத்தக் காட்டேரியான ஜேம்ஸின் இலக்காகவும் பெல்லா ஆன பிறகும் கூட. "சைவ" காட்டேரிகளான (தமக்குள்ளிருக்கும் விலங்குகளுக்கு மட்டுமே உணவளிக்கும் கடமை கொண்டவர்கள்) கலென் குடும்பத்தார் போல் இல்லாமல், ஜேம்ஸ் தொடர்ந்து மனிதர்களை உணவாகக் கொள்கிறான், அத்துடன் பெல்லாவின் ரத்தத்தை குடிக்காமல் விடப் போவதில்லை என அலைகிறான். தனது குடும்பத்தாரின் உதவியுடன், ஜேம்ஸின் வேட்டைகளில் இருந்து பெல்லாவை எட்வர்டு காப்பாற்றி விடுகிறான், ஆனால் பெல்லாவின் பாதுகாப்பை தொடர்ந்து எப்படி உறுதிசெய்வது என்கிற கேள்வி தொடர்ந்து நிற்கிறது.[3]

நியூ மூன்[தொகு]

நியூ மூனில் , பெல்லா தனது விரலை வெட்டிக் கொள்ள, எட்வர்டின் சகோதரன் ஜாஸ்பர் ஏறக்குறைய அவளைத் தாக்கப் போய் விடுகிறான், இத்தகைய நிலை கண்டு பெல்லாவின் பாதுகாப்பு குறித்த எட்வர்டின் பயம் அதிகரிக்கிறது. அவளைப் பாதுகாக்கும் நோக்கத்தில், அவளை இனியும் தான் காதலிக்கவில்லை என்று அவளை நம்ப வைக்கும் அவன், தனது குடும்பத்துடன் அகன்று சென்று விடுகிறான், பெல்லா மனமுடைகிறாள். பெல்லா இல்லாமல் வாழ்வது மிகக் கடினமானது என்பதை எட்வர்டு உணர்கிறான், எத்தனை நெடிய காலத்திற்கு தன்னால் இத்தகைய அர்த்தமற்ற வாழ்க்கையை வாழ முடியும் என்று எண்ணி கடுமையான மனச்சோர்வுக்கு ஆளாகிறான். பெல்லா தற்கொலை செய்து கொண்டதாக தனது சகோதரி ரோசாலி கூறியதாக தவறாகப் புரிந்து கொள்ளும் அவன், வோல்டுரி என்னும் இத்தாலிய ரத்தக் காட்டேரி குழு ஒன்றிடம் தன்னை கொல்லும்படி கூறி அவர்களை வற்புத்துகிறான். அவனது சகோதரி அலைஸ் உடன் இத்தாலிக்கு விரையும் பெல்லா, வோல்டுரி எட்வர்டை கொல்வதற்கு முன்னதாக அவனைத் தடுத்து நிறுத்துகிறாள்.

அவன் ஏன் விலகிச் சென்றான் என்பதை பெல்லாவிடம் விளக்கிக் கூறும் எட்வர்டு, அவளிடம் மன்னிப்பு கோருகிறான். இறுதியில் அவள் அவனை முழுக்க மன்னித்து விடுகிறாள், அவர்கள் இருவருக்கும் இடையிலான உறவு அவன் பிரிவதற்கு முன்பிருந்த நிலையிலேயே தொடர்கிறது, ஒரே வித்தியாசம் இப்போது ஜேகப் பிளாக் என்கிற ஓநாய் மனிதனுடன் பெல்லாவுக்கு பிரிக்கமுடியாத உறவு வந்து சேர்ந்திருக்கிறது. தன்னை ஒரு ரத்தக்காட்டேரியாக மாற்றுவதற்கு எட்வர்டின் குடும்பத்தை பெல்லா வெற்றிகரமாய் சம்மதிக்க வைத்து விடுகிறாள். இப்படி நடந்து விடக் கூடாது என்று எட்வர்டு கடும் கோபம் கொள்கிறான், முதலில் அவள் அவனை மணந்து கொண்டால் அவனே அவளை மாற்றுவதாக பின்னர் அவன் சம்மதிக்கிறான்.[4]

எக்ளிப்ஸ்[தொகு]

எக்ளிப்ஸில் , பெல்லா தான் மனித உருவில் இருக்கும் சமயத்திலேயே தன்னுடன் எட்வர்டு உறவு கொள்ள ஒப்புக் கொண்டால் மட்டுமே அவனைத் திருமணம் செய்ய சம்மதிப்பதாகக் கூறுகிறாள். எட்வர்டு இறுதியாக தயங்கி ஒப்புக் கொள்கிறான், ஆனால் அவர்களின் திருமணம் முடிந்த பிறகு தான் அது நடக்க வேண்டும் என்று அவன் நிபந்தனை விதிக்கிறான். இதனிடையே தனது துணையான ஜேம்ஸின் சாவுக்கு பழிவாங்க அலையும் ரத்தக் காட்டேரியான விக்டோரியாவின் நடவடிக்கைகளுடன் கதை முன்செல்கிறது, பெல்லாவைத் தேடி வரும் விக்டோரியா புதிய காட்டேரிகளை உருவாக்கி ஒரு படையையும் உருவாக்கிக் கொண்டிருக்கிறாள். கலென் கூட்டத்திற்கும், எட்வர்டு பெல்லாவின் இதயத்தை நொறுக்கிய சமயத்தில் அவளுக்கு ஆறுதலளித்தவனான ஜேகப் பிளாக் மற்றும் சாம் உலே தலைமையிலான ஒரு பூர்வீக-அமெரிக்க ஓநாய் மனிதர் தொகுதிக்கும் இடையில் பொறாமையுடனான ஒரு உடன்படிக்கை செய்யப்படுகிறது. ஆனால், ஜேகப் தான் நினைத்ததை விடவும் தனக்கு மிக முக்கியமானவனாக இருப்பதாக பெல்லா நினைக்கும்போது இந்த உடன்படிக்கை அபாயத்தில் சிக்கிக் கொள்கிறது. இறுதியில், பெல்லா ஜேகப்புக்காக அக்கறை கொள்வதை ஏற்றுக் கொள்ளும் எட்வர்டு விக்டோரியாவை வெற்றிகரமாக அழிக்கிறான், எட்வர்டு தான் தனது வாழ்க்கையில் மிக முக்கியமான நபர் என்பதை பெல்லா ஒப்புக் கொள்கிறாள். பெல்லா தனது வாழ்க்கையின் பெரும் பகுதியை மற்றவர்களின் சந்தோசத்திற்கெனவே செலவிடுகிறாள் என்பதைப் புரிந்து கொள்ளும் எட்வர்டு, திருமணத்திற்கு முன்பே நாம் உறவு கொள்ள முயற்சிக்கலாம் என்று பெல்லாவிடம் கூறுகிறான். ஆனால் அவனது கூற்றை மறுக்கும் அவள், கல்யாணம், உறவு கொள்வது, பின் ஒரு காட்டேரியாக மாறுவது என சரியான வழியில் தான் அவள் ஒவ்வொன்றையும் செய்ய விரும்புகிறாள் என்று அவனிடம் கூறி விடுகிறாள்.[5]

பிரேக்கிங் டான்[தொகு]

பிரேக்கிங் டானில் எட்வர்டும் பெல்லாவும் திருமணம் செய்து கொள்கிறார்கள். அவர்களது தேனிலவிலேயே பெல்லா கர்ப்பமுறுகிறாள், பாதி மனிதனும் பாதி காட்டேரியுமான கருவின் துரிதப்பட்ட வளர்ச்சி பெல்லாவின் உடல்நிலையை மிக வேகமாய் பாதிக்கிறது. அவளது வாழ்க்கையை காப்பாற்ற அவளை கருத்தடை செய்து கொள்வதற்கு எட்வர்டு நிர்ப்பந்தம் செய்ய முயற்சிக்கிறான். ஆனால், கருவிலிருக்கும் குழந்தையுடன் ஒரு பிணைப்பை உணரும் பெல்லா குழந்தை பெறுவதில் உறுதியாக இருக்கிறாள். கருவின் சிந்தனைகளைக் கேட்ட பிறகும், அந்த குழந்தையும் பதிலுக்கு பெல்லாவை மிகவும் நேசிக்கிறது என்பதை அறிந்த பின்னும், எட்வர்டும் அந்த குழந்தையின் மீது மிகவும் விருப்பம் கொண்டவனாகிறான். அவசரச்சிகிச்சை சி-பிரிவில் குழந்தை பிறக்கும் சமயத்தில் பெல்லா மரணத்தை நெருங்குகிறாள், ஆனால் வெற்றிகரமாக தனது குழந்தையை பெற்றெடுக்கும் எட்வர்டு பின் பெல்லாவை ஒரு மரணமில்லா காட்டேரியாக மாற்றி, அவளது இதயத்தில் தனது நஞ்சைப் பாய்ச்சி அவளது காயங்களை ஆறச் செய்கிறான். பெல்லாவின் வலிமிகுந்த உருமாற்ற சமயத்தில், அவர்களது பெண் குழந்தை, ரெனெஸ்மி மீது ஜேகப் அடையாளமுத்திரை பதிக்கிறான்.

இரினா என்கிற ஒரு காட்டேரி ரெனெஸ்மியை காட்டேரி உலகத்தில் தடை செய்யப்பட்ட ஒரு படைப்பான மரணமில்லாத காட்டேரி குழந்தை என தவறாகப் புரிந்து கொள்ள, கலென்ஸ் கூட்டத்தை அழிக்க வோல்டுரி கூட்டம் வருகிறது. எட்வர்டு பெல்லா மற்றும் தங்கள் கூட்டாளிகளுடன் சேர்ந்து, ரெனெஸ்மி ஒரு மரணமில்லா குழந்தை அல்ல, அவளால் அவர்களின் வாழ்க்கைக்கு எந்த ஆபத்தும் இல்லை என்று வோல்டுரி கூட்டத்திற்கு நம்பிக்கையளிக்கிறான். வோல்டுரி கூட்டம் அகன்ற பிறகு, எட்வர்டும் பெல்லாவும் தங்களது மகளுடன் அமைதியாக வாழ்க்கையைக் கழிக்க சுதந்திரமாய் உணர்கிறார்கள்.[6]

பாத்திரப் படைப்பு[தொகு]

புத்தகத்திலும் பெல்லா மூலமும் எட்வர்டு ஒரு வசீகரமான, கண்ணியமான, மன உறுதிமிக்க, மற்றும் ரொம்பவும் பிடிவாதமான மனிதனாக சித்தரிக்கப்படுகிறான். பெல்லா மீது ரொம்பவும் எச்சரிக்கையுடனான அக்கறை செலுத்தும் அவன் அவளது பாதுகாப்பு, மனிதத் தன்மை மற்றும் நலன் தான் வேறெதனையும் விட முக்கியமெனக் கருதுகிறான். பல சமயங்களில் சூழ்நிலைகளை மிதமிஞ்சி கருதிக் கொள்வதால் அளவுக்கதிகமான எதிர்வினையாற்றும் குணம் அவனுக்கு வருகிறது, அதிலும் குறிப்பாக பெல்லாவின் பாதுகாப்பு அபாயத்திற்குட்படும் சூழ்நிலைகளில். 20 ஆம் நூற்றாண்டின் ஆரம்ப காலத்தில் தனது மனித வாழ்க்கையின் போதான சில காலம்கடந்த பேச்சுகளை அவன் தொடர்ந்து பாதுகாத்து வைத்திருக்கிறான். எட்வர்டு தன்னை ஒரு "விபரீத ஜீவனாக" காண்கிறான், பெல்லாவுடன் காதல் ஏற்பட்ட பிறகு, தானும் ஒரு ரத்தக்காட்டேரியாக இல்லாமல் சாதாரண மனிதனாக இருந்திருக்கக் கூடாதா என்று அவன் ஏங்குகிறான்.

உடல் தோற்றம்[தொகு]

ட்விலைட் தொடரில் வரும் அனைத்து காட்டேரிகளையும் போலவே, எட்வர்டும் அசாத்திய அழகுடன் இருப்பதாக பெல்லாவினால் வர்ணிக்கப்படுகிறான். தொடரின் பல இடங்களில், அவனை அவள் கிரேக்க கடவுளான அடோனிஸ் உடன் ஒப்பிடுகிறாள். அவனது தோல் "மார்பிள் போல"-வெளிர் நிறத்தில், பனிக் குளிருடன், சூரிய ஒளியில் பிரகாசிப்பதாக இருக்கிறது. அவனது முக அம்சங்கள் குறித்து விவரிக்கையில் மிகவும் சிறந்த அம்சங்களுடன், சாய்ந்து உயர்ந்த கன்ன எலும்புகள், வலிமையான தாடை, ஒரு நேரான மூக்கு, மற்றும் முழுமையான உதடுகள் என்று அவள் கூறுகிறாள். எப்போதும் சுருட்டைச்சிக்கலுடன் இருக்கும் அவனது தலைமுடி, மனித வாழ்க்கையில் அவனைப் பெற்றெடுத்த தாயிடம் இருந்து வந்திருந்த அசாதாரண வெண்கல நிற பிரகாசத்தை தக்க வைத்துக் கொண்டிருக்கிறது. ஒரு சமயத்தில் பச்சை வண்ணத்தில் இருந்த அவனது கண்கள் இப்போது புஷ்பராக மஞ்சளுடன் இருப்பதாக வர்ணிக்கப்படுகிறது. ரொம்ப காலம் உணவில்லாமல் இருக்கையில் அத்தோற்றம் மாறுகிறது: அவனது கண்கள் அடர்த்தியாகி ஏறக்குறைய கறுப்பு வண்ணம் பெறுகின்றன, அத்துடன் அவனது கண்களுக்கு கீழே கருஞ்சிவப்பு வீக்கங்கள் தோன்றுகின்றன. எட்வர்டு 6'2" உயரமிருக்கிறான், ஒல்லிய ஆனால் திடமான உடம்பை பெற்றிருக்கிறான்.

காட்டேரித்தன பழக்கங்கள்; திறன்கள்; ஆசைகள்[தொகு]

ட்விலைட் தொடரில் வரும் அனைத்து காட்டேரிகளையும் போல, எட்வர்டும் மனித சக்திக்கு அப்பாற்பட்ட வலிமை, வேகம், தாங்கும் திறன், மற்றும் சுறுசுறுப்பைக் கொண்டிருக்கிறான், அத்துடன் மனிதனைக் கடந்த அழகும் பெற்றிருப்பதாக வர்ணிக்கப்படுகிறான். அவனது வாசனையும் குரலும் பெல்லாவுக்கு மிகப்பெருமளவில் மயக்குவதாக அமைகின்றன, முழுக்கவும் தற்செயலாக அவன் அவ்வப்போது அவளை எளிதில் ஆதிக்கம் செய்யத்தக்க ஒரு திகைப்புக்குள் ஆட்படச் செய்கிற அளவுக்கு. மற்ற காட்டேரிகள் போலவே தனக்கும் சுவாசிக்க அவசியமில்லை என்றாலும் பழக்கமாகி விட்டதாலும் தன்னைச் சுற்றியிருக்கும் சூழ்நிலையை வாசனை பிடிக்க அது உதவியாயிருக்கிறது என்பதாலும் தான் சுவாசித்து வருவதாக ட்விலைட் டில் எட்வர்டு விளக்கிக் கூறுகிறான். அவனால் வழக்கமான உணவுவகைகளை ஜீரணிக்க முடியாது, ஒரு சாதாரண மனிதன் குப்பையை சாப்பிட நேர்ந்தால் எப்படி இருக்குமோ அப்படித் தான் தான் வழக்கமான உணவுகளை நோக்கி ஈர்க்கப்பட்டால் இருக்கும் என்று ஒப்பிட்டுக் கூறுகிறான். அதேபோல், மற்ற எல்லா காட்டேரிகளையும் போலவே, எட்வர்டினால் தூங்க முடியாது.

சக காட்டேரிகள் கொண்டிருக்கும் வழக்கமான குணாம்சங்களுடன் சேர்த்து, தனக்கென சில திறன்களையும் எட்வர்டு கொண்டிருக்கிறான். கலென்ஸ் கூட்டத்தில் அவன் தான் அதிவிரைவானவன், அவர்களில் எவரையும் அவனால் ஓடி ஜெயிக்க முடியும். அவனுடைய மனித வாழ்க்கையில் கூடு விட்டு கூடு பாயும் திறனையும் அவன் பெற்றிருந்ததன் விளைவாக அவனிடமிருந்து சில மைல் தூரத்தில் இருக்கும் எவரின் மனதிலும் ஊடுருவி அதனைப் படிக்க எட்வர்டால் முடியும், ஆனால் இந்த விதிக்கு ஒரே விதிவிலக்கு பெல்லா, இதன் காரணம் பெல்லா ஒரு வெகு அந்தரங்கமான மனதைக் கொண்டிருந்ததாக மெயர் தெரிவிக்கிறார்.[7] கொஞ்சம் பாரம்பரிய மனோநிலையையும் 20 ஆம் நூற்றாண்டின் ஆரம்ப காலத்தில் தனது மனித வாழ்க்கை சமயத்தில் தனது பேச்சு மாதிரிகளின் சில வடிவங்களையும் எட்வர்டு தன்னுடன் கொண்டிருக்கிறான்.

எட்வர்டு இசைத் திறமையும் கொண்டவன், அவனால் ஒரு திறம்பட்ட கலைஞனாய் பியானா வாசிக்க முடியும். மரபு இசை, ஜாஸ், பிராகிரசிவ் மெடல், அல்டர்னேடிவ் ராக், மற்றும் பங்க் ராக் உள்பட பல்வேறு இசைகளையும் அவன் ரசிப்பான், ஆனால் நாட்டு இசை மட்டும் அவனுக்கு பிடிக்காது. பிரதான வகையை விட இன்டி ராக் அவனுக்கு பிடிக்கும், அத்துடன் ராக் மற்றும் மரபு இசையை சமமாக ரசிப்பான்.[8] அறுபதுகளை விடவும் ஐம்பதுகளின் இசையை ரொம்பப் பிடிக்கும், எழுபதுகளின் இசை மீது வெறுப்பு, எண்பதுகளின் இசை "சகித்துக் கொள்ளும் ரகம்" என்று ட்விலைட் டில் அவன் குறிப்பிடுகிறான்.

எட்வர்டின் பொழுதுபோக்குகளில் ஒன்று கார்கள் சேகரிப்பது.[8] அவனிடம் ஒரு வால்வோ S60 R கார் உள்ளது, அத்துடன் ஒரு ஆஸ்டான் மார்ட்டின் வி12 வான்குஸ் காரை "சிறப்பு விசேஷங்கள் சமயத்திற்கான" காராக வைத்திருக்கிறான். தனது சகோதரி அலைஸுக்காகவும் ஒரு போர்ஸ் 911 டர்போவை எக்ளிப்ஸில் பரிசாக அளித்தான். பெல்லாவுடன் சேர்ந்து சுற்றுவதற்காக ஒரு மோட்டார்சைக்கிளும் அவன் வாங்கினான், ஆனால் அது அவள் ஜேகப் உடன் பகிர்ந்து கொள்ள விரும்பும் பொழுதுபோக்காக இருக்கிறது என்பதை உணர்ந்தபின் ஜாஸ்பருக்கு அந்த பைக்கைக் கொடுத்து விடுகிறான்.

திரைப்பட சித்தரிப்பு[தொகு]

நடிப்பு[தொகு]

2008 ஆம் ஆண்டின் "ட்விலைட்" திரைப்படத்திற்கு எட்வர்டு பாத்திரத்திற்கு நடிகர் தேர்வு செய்யப்படுவது குறித்து கருத்து தெரிவித்த மெயர், எட்வர்டு பாத்திரம் "நடிப்புலகிற்கு கொண்டு வருவதற்கு மிக சிரமமானது என்பதில் சந்தேகமில்லை, அவன் நான் மிகவும் உணர்வுபூர்வமாய் முடிவு செய்திருக்கும் ஒரு நபரும் கூட. எட்வர்டு கலெனை நெருக்கமான அளவிற்கு திரையில் கொண்டு வருவதற்கு நான் பார்த்திருப்பதில் நான் மிகச் சரியானவராகக் கருதும் ஒரே நபர்.....(டிரம்சத்தம்).... ஹென்றி கெவில் தான்" என்று கூறினார்.[9] ஜூலை 2007 இல் இந்த படம் திரைக்கு தயாரிக்க சம்மிட் என்டர்டெயின்மென்டால் தேர்வு செய்யப்பட்ட போது, "எனது மிகச் சரியான எட்வர்டை இழப்பது என்பது எனக்கு மிகவும் ஏமாற்றமளிக்கும் விஷயமாக இருக்கிறது"[10] என்று மெயர் தெரிவித்தார், ஏனென்றால் கெவில்லுக்கு அப்போதே 24 வயது ஆகி விட்டிருந்தது, எனவே பாத்திரத்தில் யதார்த்தமாய் பொருந்தும் வயதை அவர் ஏற்கனவே கடந்து விட்டிருந்தார். எட்வர்டு பாத்திரத்திற்கு தனது வாசகர்கள் தேர்வு செய்திருக்கும் நடிகர்களில் முதலிடத்தில் இருக்கும் நான்கு பிரபலங்கள் ஹேடன் கிறிஸ்டென்சன், ராபர்ட் பாட்டின்சன், ஓர்லான்டோ ப்ளூம் மற்றும் கெரார்டு வே ஆகியோர் என மெயர் தனது இணையதளத்தில் தெரிவித்தார்.[9] ஹாரி பாட்டர் திரைப்படங்களில் செட்ரிக் டிகாரி பாத்திரமாக அறியப்பட்டிருந்த பாட்டின்சன் இந்த வேடத்தில் நடிக்க தேர்வு செய்யப்பட்டிருப்பதாக டிசம்பர்11, 2007 இல் அறிவிக்கப்பட்டது.[11] சம்மிட் என்டர்டெயின்மென்ட் நிறுவனத்தின் தயாரிப்பு தலைவரான எரிக் ஃபெயிக் கூறினார்: "வாசகர்களின் நெஞ்சினில் நீங்காமல் வாழ்ந்து வரும் ஒரு பாத்திரத்திற்கான சரியான நடிகரை தேர்வு செய்வது என்பது எப்போதுமே ஒரு சவால் தான் ஆனால் இந்த பொறுப்பை முக்கியமானதாக நாங்கள் எடுத்துக் கொண்டுள்ளோம், ட்விலைட் டின் பெல்லாவுக்கான மிகச் சரியான எட்வர்டை ராப் பாட்டின்சன்னில் கண்டுபிடித்திருக்கிறோம் என்று நாங்கள் நம்புகிறோம்."[11] மெயர் கூறினார், "சம்மிட் நிறுவனத்தின் எட்வர்டு பாத்திரத்திற்கான தேர்வு என்னை மகிழ்ச்சியின் உச்சத்தில் நிறுத்தியுள்ளது. வெகு சில நடிகர்கள் மட்டுமே அழகாகவும் தோன்றுகிற ஆபத்தாகவும் தோன்றுகிற தோற்றத்தைக் கொண்டிருப்பார்கள், அதிலும் வெகு சிலரைத் தான் என் மூளையில் நான் எட்வர்டாக கற்பனை செய்து பார்க்க முடியும். ராபர்ட் பாட்டின்சன் அற்புதமாய் பொருத்தமளிப்பார்."[12]

நடிகர் தேர்வு குறித்து கூறிய ட்விலைட் இயக்குநரான கேதரின் ஹார்டுவிக், "எட்வர்டு குறித்து ஒவ்வொருவரும் அந்த அளவுக்கு ஒரு லட்சியக் கற்பனை கொண்டிருக்கிறார்கள். அவர்கள் எல்லாம் வெறியோடான ஆர்வத்துடன் இருக்கிறார்கள் [யாரை நான் அந்த பாத்திரத்திற்கு தேர்வு செய்யப் போகிறேன் என்பது குறித்து]. கிழவிகள் கூறுவது போல, "உனக்கு கிடைக்க வேண்டியது கிடைத்து விடும்."[13] பாட்டின்சன் புகைப்படம் ஒன்றை பார்த்தபோது தனக்கு ஆரம்பத்தில் அவ்வளவு உற்சாகமின்றி இருந்தது என்று கூறிய அவர், ஆனால் நடிகர் தேர்வு ஒத்திகையில் சக நட்சத்திரமான கிறிஸ்டன் ஸ்டீவர்டுடனான ஒரு காதல் கட்சியில் பாட்டின்சன் நடித்துக் காட்டியதைப் பார்த்த பின் பின்வருமாறு கூறினார்: "அது மின்சாரம் பாய்ச்சியது போல் இருந்தது. அறை மறைந்து போய், வானம் திறந்து கொண்டது, எனக்கு 'இது நன்றாக அமையப் போகிறது' என்பதான உணர்வு இருந்தது."[13][13] பாட்டின்சன் ஒப்புக் கொண்டிருந்தார்; "நான் உள்ளே போனபோது இந்த பகுதியை எப்படி நடிக்க வேண்டுமென்ற யோசனையெல்லாம் எனக்கு இல்லை, தேர்வு ஒத்திகையின் போது அது எனக்கு ஒரு நல்ல விஷயமாகப் போனது. அதன்பிறகு, அது கட்டாயம் வேண்டும் என்கிற உணர்வு எனக்கு வந்து விட்டது, ஆனாலும் உண்மையில் அது என்ன என்பது குறித்து எனக்கு தெரிந்திருக்கவில்லை. அந்த புத்தகங்களில் எதனையும் நான் படித்தது கிடையாது. அதிலிருந்து எனக்கு, 'இந்த வேலை எனக்கு வேண்டும்' என்றானது. அதற்கு முக்கிய காரணம் கிறிஸ்டன் தான்."[14] அந்த பாத்திரத்தை தான் ஏற்பதற்கு ரசிகர்களிடமிருந்து எழுந்த எதிர்ப்பு குறித்து 2008 ஆரம்பவாக்கில் என்டர்டெயின்மென்ட் வீக்லி யிடம் பேசிய பாட்டின்சன், "'தயவுசெய்து வேறு யாரேனும் நடிக்கட்டும்' என்பதான கருத்துக்களை பார்த்த பின் அவற்றை [ரசிகர்களுக்கான இணையதளங்கள் மற்றும் வலைப்பதிவுகள்] வாசிப்பதையே நான் நிறுத்தி விட்டேன்".[13][13] ஈவினிங் ஸ்டாண்டர்டு க்கு அளித்த பேட்டியில், "இந்த புத்தகங்களுக்கு ஏராளமான ரசிகர்கள் உள்ளனர், நான் எட்வர்டு பாத்திரத்தில் நடிக்க முடியாது ஏனென்றால் நான் டிகோரி என்பதாக கூறும் கோபமான ரசிகர்களிடம் இருந்து வந்த கடிதங்கள் ஏற்கனவே பைநிறைய உள்ளன. அவர்கள் நினைப்பது தவறு என்பதை நான் நிரூபிப்பேன் என்று நான் நம்புகிறேன்" என்று அவர் கூறினார்.[15]

உருவாக்கம்[தொகு]

ஏப்ரல் 2008 இல் செட்டுக்கு பார்வையிட்ட பின் மெயர் கருத்து தெரிவித்த போது, "மூச்சு சுவாசம் உச்சவேகமடையச் செல்லக் கூடும்" என்கிற அளவுக்கு பாட்டின்சன் மற்றும் ஸ்டீவர்ட் இடையே நல்ல கெமிஸ்ட்ரி உருவாகியிருப்பதாக தெரிவித்தார்.[16] மெயர் தனக்கு மிட்நைட் சன் னின் ஒரு முன்கூட்டிய பிரதியை பரிசாக அளித்திருப்பதாக பாட்டின்சன் தெரிவித்தார் - இது எட்வர்டின் பார்வையில் இருந்து ட்விலைட் சம்பவங்களை அசைபோடுவது போல் அமைந்த நாவலாகும்.[17] அவர் விளக்கினார்: "இந்த பாத்திரத்தில் [நடிப்பதில்] எனக்குப் பிடித்த அம்சம் இது தான், ஏனென்றால் இந்த ஆசாமி அந்த அளவுக்கு உயிர் வாழ்ந்தவனில்லை, எனவே நீங்கள் விரும்புவதை அங்கே உருவாக்க முடியும். பிறகு, எட்வர்டின் பார்வையிலிருந்தான இன்னொரு புத்தகம் இருப்பதாக நான் அறிந்த போது, எங்களது இருவரது பார்வையும் ஒன்றாகவே இருந்தது! [என்பதை படித்தறிந்தேன், அது அவ்வாறாக ஆனது]"[17] பாத்திரத்துக்கு தன்னை தயாரித்துக் கொள்ளும் சமயத்தில் எட்வர்டு என்கிற பெயரிலேயே பத்திரிகை கட்டுரைகளை பாட்டின்சன் எழுதினார், அத்துடன் "தனது தனிமையை உணர விரும்புவதாக" விளக்கிக் கூறி தனது நண்பர்கள் மற்றும் குடும்பத்தினரிடம் இருந்து தன்னை தூரப்படுத்திக் கொண்டார்.[13] உடல்ரீதியாக அவர் கூறும்போது, "எனக்கு ஆறு மடிப்பு வேண்டுமென்றார்கள். ஆனால் அது உண்மையில் நடக்கவில்லை".[13] கதையில் ஒரு காட்சியில் ஒரு பிறவி பியானோ திறமை பெற்றவனான எட்வர்டு பெல்லாவுக்காக ஒரு தாலாட்டு அமைக்க வேண்டும். இந்த காட்சிக்கான இசைத் தொகுப்புக்கு ஒரு தேர்வை சமர்ப்பிக்க பாட்டின்சனுக்கும் ஒரு வாய்ப்பு வழங்கப்பட்டது, ஹார்டுவிக் தெரிவித்தார்: "ராபின் பாடலாக அது இருந்தால் உண்மையிலேயே சிறப்பாக இருக்கும் என்று கருதியதால், ஒரு பாடல் எழுதுங்கள், தேர்வாகுமா என்று பார்ப்போம் என்று அவரிடம் கூறினேன். எட்வர்டு போலவே அவர் ஒரு அற்புதமான இசைக்கலைஞர், ஒரு படைப்பாக்க திறன் பெற்ற ஆத்மா. மிக சுவாரஸ்யமான விஷயங்களை மிக மொத்தமாய் படிக்கிறார், மிக சுவாரஸ்யமான படங்களைப் பார்க்கிறார், ரொம்பவும் சுயபரிசோதனை செய்து கொள்வார் பின் தனது இருத்தல் சுயத்திற்குள் சென்று விடுவார்".[18] மெயரும் இதனை ஒப்புக் கொண்டார்: "ராபர்ட் ஒரு தாலாட்டு எழுத முடியுமானால், அது நிச்சயமாக படத்தின் மர்மத்திற்கு மேலும் அழகூட்டுவதாய் அமையும், இல்லையா?"[18] பாட்டின்சன் அமைத்த இரண்டு தொகுப்புகள் இறுதிப் படத்தில் இடம்பெற்றன, இறுதியில் தேர்வு பெற்ற தாலாட்டானது கார்டர் பர்வெல் தொகுத்ததாகும்.[19]

பாட்டின்சன் புகைப்படத்தை முதலில் பார்த்து ஆரம்பத்தில் உற்சாகமிழந்ததாகக் கூறிய ஹார்டுவிக், ஏப்ரல் 2008 இல், நிலைமாறி உற்சாகமானார்; "அவர் குறித்த சிறந்த விஷயம் என்னவென்றால் அவர் உண்மையாகவே இன்னொரு உலகத்தைச் சேர்ந்தவரைப் போல உணர்வது தான். அதாவது, அவர் ஒரு சாதாரண மனிதரின் தோற்றம் கொண்டிருப்பது போல் தெரியவே இல்லை. அத்துடன் புத்தகத்தை வாசிக்கும் போது நீங்கள் நினைப்பீர்கள், "இந்த உலகத்தில் யார் இந்த விவரிப்புக்கெல்லாம் பொருந்தும் மனிதராக கிடைக்க முடியும்? என்று. ஆனால் அப்படி ஒரு மனிதன் இருந்திருப்பதாகத் தான் நான் நினைக்கிறேன். புத்தகத்தில் விவரித்திருப்பதை படம்பிடித்தது போல அதே மாதிரியான வடித்த முகத்தை அந்த நடிகர் கொண்டிருக்கிறார். செதுக்கிய கன்னங்கள், வெட்டியெடுத்த தாடை மற்றும் ஒவ்வொன்றையும் படிக்கும் போது, அற்புதம், இந்தப் பெண் இதனை ராபை நினைத்து தான் எழுதி இருக்கிறாரோ? என்று நினைக்கத் தோன்றுகிறது"[20] இந்த பாத்திரத்தில் எவ்வாறு உணர்கிறார் என்பது குறித்து விரிவான நேர்காணல் ஒன்றில் பேசிய பாட்டின்சன், தனது எட்வர்டு பாத்திரத்தில் ரெபல் வித்அவுட் எ காஸ் சாயல் கலந்திருப்பதை ஒப்புக் கொண்டு, இவ்வாறு மதிப்பிட்டார்: "இதில் சுவாரஸ்யமான விஷயமாக நான் கண்டது என்னவென்றால், அவன் தான் அடிப்படையில் கதையின் நாயகன் ஆனால் அதனை அவன் ஆவேசமுடன் மறுக்கிறான், என்பதுதான் என்று நான் நினைக்கிறேன். சாகச காரியங்கள் பலவற்றை அவன் செய்யும் ஒவ்வொரு சமயத்திலும் கூட அவன் தன்னை மிகவும் அபத்தமான சுயநலத்துடனான தீய சக்தி என்றே கருதிக் கொள்கிறான். [..] பெல்லாவின் காதலை அவன் ஏற்றுக் கொள்ள மறுக்கிறான், என்றாலும் அது அவனுக்கு அத்தியாவசியமாய் ஆகியிருப்பதை அவனால் தடுக்க முடியவில்லை, அடிப்படை கதைமையம் ஏறக்குறைய இதையொட்டி இருக்கிறது."[21] படப்பிடிப்புக்கு பிந்தைய தயாரிப்பு வேலைகள் நடந்து கொண்டிருந்த சமயத்தில் ஜூலை 2008 இல் காமிக்கானில் தோன்றிய பாட்டின்சன் ட்விலைட் அனுபவத்தை பின்வருமாறு கூறினார்: "விநோத அனுபவம். உங்களுக்குத் தெரியும் அடிப்படையில் இது அந்த புத்தகம் தான் என்பது. இந்த புத்தகத்திற்கு எக்கச்சக்கமான விடாப்பிடி, விடாப்பிடியான விசுவாச ரசிகர்கள் இருக்கிறார்கள். மக்கள் ஒரு நடிகராகப் பார்ப்பதைக் காட்டிலும் நேரடியாக அந்த பாத்திரத்துடன் பொருந்திப் போய் விடுகிறார்கள் என்பதால் இது கொஞ்சம் வித்தியாசமானதாகத் தான் இருக்கிறது."[22] ட்விலைட் தொடர் வரிசையின் அடுத்த படங்களாக எடுக்கப்படக் கூடிய நியூ மூன் மற்றும் எக்ளிப்ஸ் ஆகிய படங்களுக்கு நடிக்கவும் பாட்டின்சன் ஒப்பந்தம் செய்யப்பட்டுள்ளார்..[23]

தனது அமெரிக்க உச்சரிப்பை எவ்வாறு செய்ய வேண்டும் என்பதற்கு தான் ஒருபோதும் முறையான பயிற்சி எதுவும் எடுத்துக் கொள்ளவில்லை என்று ஒரு நேர்காணலில் பாட்டின்சன் தெரிவித்தார்; "... அமெரிக்க திரைப்படங்களைப் பார்த்து தான் நான் வளர்ந்தேன்... அமெரிக்க திரைப்படங்களில் இருந்து தான் எப்படி நடிக்க வேண்டும், அல்லது அது சம்பந்தமான விஷயம் எதனையும் நான் ஓரளவுக்குக் கற்றுக் கொண்டேன்."[24]

வரவேற்பு[தொகு]

எம்டிவி மூவிஸ் லாரி கரோல் எட்வர்டும் பெல்லாவும் "ஒரு ஒட்டுமொத்த தலைமுறைக்கு அடையாளமாகத்தக்க காதல் கதை"[25] என்று கருதினார், கிர்கஸோ ட்விலைட் டின் எட்வர்டு பாத்திரப்படைப்பு "அளவுக்கதிக பைரன்வகையானதாக (உணர்ச்சிப்பூர்வத்துடன்)" இருப்பதாகக் குறிப்பிட்டார்.[26] ஹாலிவுட்டின் 10 மிகவும் சக்திவாய்ந்த காட்டேரிகளுக்கான ஃபோர்ப்ஸ் பட்டியலில் எட்வர்டு கலெனுக்கு 5 வது இடம் கிடைத்தது.[27]

ட்விலைட் தொடர் வெளியானது முதல், எட்வர்டு பாத்திரம் உலகமெங்கும் மில்லியன்கணக்கான அர்ப்பணிப்புடனான ரசிகர்களிடையே, பெரும்பாலும் பெண் ரசிகர்களிடையே, ஒருவகை தனிக் கலாச்சாரத்தையே உருவாக்கியுள்ளது.[28] ஆயினும், இந்த பாத்திரம் வாசகர்களிடையே அளவுகடந்த அளவில் நல்ல வரவேற்பைப் பெற்று "இளம் பெண்களின் வெறிவிருப்பம்"[29] என்று அழைக்கப்பட்ட போதிலும், இந்த பாத்திரத்தின் மீதான விமர்சனங்களும், குறிப்பாக செக்சிஸம் குற்றச்சாட்டுகள், எழுந்துள்ளன. நேஷனல் ரிவ்யூ ஆன்லைனின் கினா ஆர். டல்ஃபோன்சா எட்வர்டின் பாத்திரம் மனோஸ்திரமில்லாததாகவும் ஒரு "வேட்டையாடுபவராகவும்" இருக்கிறதாக விமர்சித்தார், பெல்லா தூங்கும்போது அவளைக் கண்காணிப்பது, அவளது பேச்சுகளை ஒட்டுக்கேட்பது, அவள் யாரை நட்பு கொள்ள வேண்டும் என்பதில் உத்தரவிடுவது, அவளது தந்தையை ஏமாற்ற அவளை ஊக்கப்படுத்துவது ஆகிய நடத்தை உதாரணங்களை எடுத்துக் கூறி இந்த காரணங்களால் எட்வர்டு "நவீன கற்பனைப் படைப்பின் அடிமைப்படுத்தும் குணத்திற்கான சிறந்த நபர்களில் ஒருவர்" என்று தான் நம்புவதாக அவர் தெரிவித்தார்.[30]

குறிப்புதவிகள்[தொகு]

  1. ↑ Purdon, Fiona (19 July 2008). "Stephenie Meyer's chaste vampires lure young readers". The Courier-Mail இம் மூலத்தில் இருந்து 2008-07-23 அன்று. பரணிடப்பட்டது.. https://web.archive.org/web/20080723045926/http://www.news.com.au/couriermail/story/0,23739,24028149-5003424,00.html. பார்த்த நாள்: 2008-07-20. 
  2. ↑ Stephenie Meyer. "1" (PDF). Midnight Sun. Twilight series இம் மூலத்தில் இருந்து 2009-10-26 அன்று. பரணிடப்பட்டது.. https://web.archive.org/web/20091026172038/http://www.stepheniemeyer.com/pdf/midnightsun_chapter1.pdf. பார்த்த நாள்: 2008-09-02. 
  3. ↑ Stephenie Meyer (5 October 2005). Twilight. Twilight. Park Avenue, New York: Little, Brown. பக். 498. பன்னாட்டுத் தரப்புத்தக எண்:978-0-316-01584-4. https://archive.org/details/twilight00meye_0. 
  4. ↑ Stephenie Meyer (2006). New Moon. Twilight series. Park Avenue, New York: Little, Brown. பக். 563. பன்னாட்டுத் தரப்புத்தக எண்:978-0-316-16019-3. https://archive.org/details/isbn_B003HFCGL6. 
  5. ↑ Stephenie Meyer (2007). Eclipse. Twilight series. Park Avenue, New York: Little, Brown. பக். 629. பன்னாட்டுத் தரப்புத்தக எண்:978-0-316-16020-9. 
  6. ↑ Stephenie Meyer (2008). Breaking Dawn. Twilight series. Park Avenue, New York: Little, Brown. பக். 756. பன்னாட்டுத் தரப்புத்தக எண்:978-0-316-06792-8. https://archive.org/details/breakingdawn00meye. 
  7. ↑ ட்விலைட் அகராதி | தனிநபர் தொடர்பு #10
  8. ↑ 8.0 8.1 ட்விலைட் அகராதி | தனிநபர் தொடர்பு #1
  9. ↑ 9.0 9.1 Stephenie Meyer. "Twilight the Movie". Stephenie Meyer.com. http://www.stepheniemeyer.com/movie_archives.html. பார்த்த நாள்: 2008-09-02. 
  10. ↑ Stephenie Meyer (7 July 2007). "Twilight the Movie ***July 7, 2007 Update***". Stephenie Meyer.com. http://www.stepheniemeyer.com/movie_archives.html. பார்த்த நாள்: 2008-09-02. 
  11. ↑ 11.0 11.1 "Actor Robert Pattinson Joins the Cast of Twilight For Summit Entertainment". Summit Entertainment.com. 11 December 2007. http://www.summit-ent.com/news.php?news_id=63. பார்த்த நாள்: 2008-09-02. 
  12. ↑ Stephenie Meyer (11 December 2007). "Actor Robert Pattinson joins cast of Twilight for Summit Entertainment". Stephenie Meyer.com. http://www.stepheniemeyer.com/twilight_movie.html. பார்த்த நாள்: 2008-09-02. 
  13. ↑ 13.0 13.1 13.2 13.3 13.4 13.5 13.6 Nicole Sperling (10 July 2008). "'Twilight': Inside the First Stephenie Meyer Movie". Entertainment Weekly. http://www.ew.com/ew/article/0,,20211840,00.html. பார்த்த நாள்: 2008-09-02. 
  14. ↑ "Vampires Get Romantic in ‘Twilight’". MSN.com. 22 April 2008 இம் மூலத்தில் இருந்து 2008-12-17 அன்று. பரணிடப்பட்டது.. https://web.archive.org/web/20081217114625/http://movies.msn.com/movies/hitlist/04-22-08/?silentchk=1&. பார்த்த நாள்: 2008-09-02. 
  15. ↑ Emily Bearn (25 February 2008). "A Surreal Career" (Reprint) இம் மூலத்தில் இருந்து 2008-09-06 அன்று. பரணிடப்பட்டது.. https://web.archive.org/web/20080906202008/http://www.robert-pattinson.co.uk/press/2008/02/evening-standard-a-surreal-career/. பார்த்த நாள்: 2008-09-02. 
  16. ↑ Stephenie Meyer (16 April 2008). "Twilight the Movie". Stephenie Meyer.com. http://www.stepheniemeyer.com/twilight_movie.html. பார்த்த நாள்: 2008-09-02. 
  17. ↑ 17.0 17.1 Larry Carroll (15 April 2008). "‘Twilight’ Set Visit Confirms Edward And Bella’s Chemistry, Offers A ‘Midnight Sun’ Preview". MTV.com. http://www.mtv.com/movies/news/articles/1585516/20080414/story.jhtml. பார்த்த நாள்: 2008-09-02. 
  18. ↑ 18.0 18.1 Larry Carroll (22 April 2008). "Robert Pattinson Composing ‘Bella’s Lullaby’ For ‘Twilight’ Movie". MTV.com. http://moviesblog.mtv.com/2008/04/22/robert-pattinson-composing-bellas-lullaby-for-twilight-movie/. பார்த்த நாள்: 2008-09-02. 
  19. ↑ Larry Carroll (29 August 2009). "'Twilight' reshoots: Why is Catherine Hardwicke filming again?". Entertainment Weekly இம் மூலத்தில் இருந்து 2008-09-02 அன்று. பரணிடப்பட்டது.. https://web.archive.org/web/20080902052705/http://hollywoodinsider.ew.com/2008/08/twilight-re-sho.html?iid=top25-20080830-%27Twilight%27+reshoots%3A+Why+is+Catherine+Hardwicke+filming+again%3F. பார்த்த நாள்: 2008-09-02. 
  20. ↑ Cindy White (25 April 2008). "Exclusive Set Visit: Twilight". IGN.com இம் மூலத்தில் இருந்து 2008-07-27 அன்று. பரணிடப்பட்டது.. https://web.archive.org/web/20080727015344/http://uk.movies.ign.com/articles/869/869500p1.html. பார்த்த நாள்: 2008-09-02. 
  21. ↑ Jared Pacheco (28 April 2008). "INT: Robert Pattinson". Arrow in the Head. http://www.joblo.com/arrow/index.php?id=11913. பார்த்த நாள்: 2008-09-02. 
  22. ↑ Fred Tope (26 August 2008). "Robert Pattinson on Twilight". CanMag இம் மூலத்தில் இருந்து 2010-02-12 அன்று. பரணிடப்பட்டது.. https://web.archive.org/web/20100212164420/http://www.canmag.com/nw/12108-twilight-robert-pattinson. பார்த்த நாள்: 2008-09-02. 
  23. ↑ Larry Carroll (13 May 2008). "Exclusive: ‘Twilight’ Filmmakers Hope To Shoot Sequels Simultaneously". MTV.com. http://moviesblog.mtv.com/2008/05/13/exclusive-twilight-filmmakers-hope-to-shoot-sequels-simultaneously/. பார்த்த நாள்: 2008-09-02. 
  24. ↑ none (none). "Robert Pattinson on his American Accent". Youtube.com. http://www.youtube.com/watch?v=z9MTkwOUl18. பார்த்த நாள்: 2008-12-16. 
  25. ↑ Larry Carroll (22 April 2008). "'Twilight' Stars Robert Pattinson, Kristen Stewart Turn Up The Heat To Prepare For Love Story". MTV.com. http://www.mtv.com/movies/news/articles/1585986/20080421/story.jhtml. பார்த்த நாள்: 2008-09-02. 
  26. ↑ "Kirkus Review at B&N.com". B&N.com இம் மூலத்தில் இருந்து 2009-01-21 அன்று. பரணிடப்பட்டது.. https://web.archive.org/web/20090121112244/http://search.barnesandnoble.com/Twilight/Stephenie-Meyer/e/9780316160179. பார்த்த நாள்: 2009-01-21. 
  27. ↑ Lauren Streib. "Hollywood's 10 Most Powerful Vampires". Forbes. http://www.forbes.com/2009/08/03/true-blood-vampires-business-entertainment-vampires_slide_6.html. பார்த்த நாள்: 2009-08-16. 
  28. ↑ Steven D. Greydanus. "Twilight Appeal: The cult of Edward Cullen and vampire love in Stephenie Meyer's novels and the new film". Decent Films Guide. http://www.decentfilms.com/sections/articles/twilight.html. பார்த்த நாள்: 2009-01-21. 
  29. ↑ Martha Brockenbrough. "Does 'Twilight' Suck the Brains Out of Teens?". MSN Movies இம் மூலத்தில் இருந்து 2012-03-26 அன்று. பரணிடப்பட்டது.. https://www.webcitation.org/66SkV7YSr?url=http://movies.msn.com/movies/pmg/twilight/?GT1=28101. பார்த்த நாள்: 2009-01-21. 
  30. ↑ Gina R. Dalfonzo (2008-08-22). "In Love with Death". National Review Online இம் மூலத்தில் இருந்து 2012-03-26 அன்று. பரணிடப்பட்டது.. https://www.webcitation.org/66SkW98vC?url=http://www.nationalreview.com/articles/225358/love-death/gina-r-dalfonzo. பார்த்த நாள்: 2009-01-21. 

புற இணைப்புகள்[தொகு]

"https://ta.wikipedia.org/w/index.php?title=எட்வர்டு_கலென்_(ட்விலைட்)&oldid=3627148" இருந்து மீள்விக்கப்பட்டது