அந்தணப்பேட்டை அண்ணாமலைநாதர் கோயில்
அந்தணப்பேட்டை அண்ணாமலைநாதர் கோயில் நாகப்பட்டினம் மாவட்டத்தில் உள்ள சிவன் கோயிலாகும்.
அமைவிடம்[தொகு]
இக்கோயில் நாகப்பட்டினம்-திருவாரூர் சாலையையொட்டி தென்மேற்கே 3 கிமீ தொலைவில் உள்ளது. அந்தணர்கள் பெரும்பாலும் குடியிருந்த பகுதிகளை அகரம் என்றழைக்கப்படும் நிலையில் அந்தணர்பேட்டை எனப் பெயர் பெற்றுள்ளது. [1]
இறைவன், இறைவி[தொகு]
தானே தோன்றியவராக உள்ள இறைவன் அண்ணாமலையார் என்றும் அண்ணாமலைநாதர் என்றும் அழைக்கப்படுகிறார். இறைவி உண்ணாமுலையம்மன் நான்கு கரங்களுடன் நின்ற கோலத்தில் உள்ளார். [1]
அமைப்பு[தொகு]
ராஜகோபுரத்தைக் கொண்டு அமைந்துள்ள இக்கோயிலின் வெளிச்சுற்றில் பரிவார தேவதைகள் காணப்படுகின்றனர். [1]