வெசூவியஸ் மலை
இக்கட்டுரை அல்லது கட்டுரைப்பகுதி விசுவியசு மலை கட்டுரையுடன் ஒன்றிணைக்கப் பரிந்துரைக்கப்படுகிறது. (கலந்துரையாடவும்) |
வெசூவியஸ் மலை | |
---|---|
Monte Vesuvio (இத்தாலிய மொழி) | |
கி. மு.79ல் அழிவுற்ற பாம்ப்பியை நகரத்திலிருந்து வெசூவியஸ் மலையின் தோற்றம். | |
நிலவியல் | |
பாறையின் வயது | 1944க்கு முன் 25,000 ஆண்டுகள் |
மலையின் வகை | Somma-stratovolcano |
Volcanic arc/belt | Campanian volcanic arc |
கடைசி வெடிப்பு | மார்ச் 17–23, 1944 |
ஏறுதல் | |
எளிய அணுகு வழி | நடந்து செல்லல் |
வெசூவியஸ் மலை[தொகு]
உலகிலுள்ள ‘எரிமலை’களுள் குறிப்பிடத்தக்கது வெசூவியஸ் மலை (Mount Vesuvius).
அமைவிடம்[தொகு]
இந்த எரிமலை இத்தாலியில் நேப்பிள்ஸ் விரிகுடாவின் கரையில் அமைந்துள்ளது.
அமைப்பு[தொகு]
வெசூவியஸ் எரிமலையின் கூம்பிலிருந்து கரும்புகை வெளிப்பட்டுப் பரவிச் செல்வதைச் சாதாரணமாக எப்போதும் பார்க்கலாம். வெசூவியஸ் எரிமலையின் உயரம் சுமார் 1.170 மீட்டர். ஆனால், ஒவ்வொரு முறையும் எரிமலை வெடிக்கும்போதும் எரிமலைக் குழம்பு, சாம்பல் முதலியன மேலும் மேலும் படிந்து இறுகுவதால் இதன் உயரம் வேறுபடும். இந்த எரிமலை முற்காலத்தில் நேப்பிள்ஸ் விரிகுடாவில் ஒரு தீவு போல அமைந்திருந்தது. எரிமலையிலிருந்து வெளிப்ட்ட குழம்பும் சாம்பலும் இதனை விரிகுடாவின் கரையுடன் இணைத்துவிட்டன.
ஆபத்து[தொகு]
எரிமலை வெடிக்கும்போது இதன் அருகிலுள்ள பகுதிகளுக்கு அழிவு ஏற்படுவதுண்டு. சுமார் 1900 ஆண்டுகளுக்கு முன்பு இம்மலை வெடித்தபோது புகழ் பெற்ற நகரங்களான பாம்ப்பியை (Pompeii), ஹெர்க்குலேனியம் (Herculaneum), ஸ்ட்டேபியீ (Stabiae) முதலியன புதையுண்டு அழிந்தன. அதன் பிறகு இம்மலை அடிக்கடி வெடித்திருக்கிறது. அதன் காரணமாக ஆயிரக்கணக்கான மக்கள் உயிரிழந்திருக்கின்றனர். பல ஊர்கள் அழிந்து விட்டன. இந்த எரிமலை இறுதியாக 1944-ம் ஆண்டில் பொங்கியபோது சான் செபாஸ்ட்டியானோ (San Sebastiano) என்ற ஊர் அழிந்தது.[1] இவ்வித ஆபத்து இருந்தாலுங்கூட, இம்மலையின் அடிவாரத்தில் மக்கள் வாழ்ந்து வருகின்றனர்.
பயன்[தொகு]
எரிமலையின் குழம்பு படிந்த மண் மிகச் செழிப்பாக மாறுகிறது. எனவே இப்பகுதியில் மது தயாரிக்கப் பயன்படும் திராட்சையைப் பெருமளவில் பயிரிடுகின்றனர்.
பார்வையிடுதல்[தொகு]
எரிமலையின் சிகரத்திற்கு அருகே மக்கள் சென்று பார்ப்பதற்காக மலையின் மீது ரெயில்பாதை அமைந்துள்ளனர்.
வெளி இணைப்புகள்[தொகு]
- http://pleiades.stoa.org/places/433189/Vesuvius-M
- http://news.bbc.co.uk/2/hi/europe/6247573.stm
- http://www.geotimes.org/apr05/NN_Vesuvius.html
- http://www.westnet.com/~dobran/index.html
மேற்கோள்கள்[தொகு]
- "குழந்தைகள் கலைக் களஞ்சியம்",1993, சென்னை:தமிழ் வளர்ச்சிக் கழகம்.
- ↑ Stevens, Robert.(1944).Mt Vesuvius erupts near Naples, Italy in 1944[The Travel Film Archive].Naples:Castle Films, YouTube.