ராயல் டச்சு ஷெல்

ராயல் டச்சு ஷெல் (Royal Dutch Shell) என்பது ஒரு பன்னாட்டு எண்ணெய் மற்றும் எரிவளி நிறுவனமாகும். இது நெதர்லாந்தின் ஹேகு நகரில் தலைமையிடத்தைக் கொண்ட ஒரு மாபெரும் எண்ணெய் நிறுவனம். பொதுவாக ஷெல் என்னும் சுருக்கப் பெயரிலேயே அறியப்படும்.

1907ஆம் ஆண்டு நெதர்லாந்தைச் சேர்ந்த ராயல் டச்சு பெட்ரோலியம் கம்பெனியும், பிரித்தானிய ஷெல் நிறுவனமும் இணைந்து ராயல் டச்சு ஷெல் குழுமத்தை உருவாக்கியது. அப்போது உலக அளவில் பெரிய நிறுவனமாக இருந்த ஜான் டி. ராக்கபெல்லரின் ஸ்டேண்டர்டு ஆயில் நிறுவனத்தோடு போட்டியிட இவ்விணைப்பினை மேற்கொண்டன. இணைந்த நிறுவனத்தின் 60% உரிமையை டச்சுப் பகுதியும், மீதி 40% உரிமையை பிரித்தானிய பகுதியும் எடுத்துக் கொண்டன.