மஞ்சள் கண் புதர்ச்சிறகன்

மஞ்சள் கண் புதர்ச்சிறகன்
உயிரியல் வகைப்பாடு
திணை:	விலங்கு
தொகுதி:	கணுக்காலிகள்
வகுப்பு:	பூச்சி
வரிசை:	லெப்பிடாப்பிடிரா
குடும்பம்:	நிம்பாலிடே
பேரினம்:	மைலேலெசிசு
இனம்:	மை. பட்னியா
இருசொற் பெயரீடு
	மைலேலெசிசு பட்னியா; (மூரே, 1857)

மஞ்சள் கண் புதர்ச்சிறகன் (Gladeye Bush Brown)(மைலேலெசிசு பட்னியா) என்பது இலங்கை மற்றும் இந்தியாவில் மேற்குத்தொடர்ச்சி மலையில் காணப்படும் பட்டாம்பூச்சி சிற்றினம் ஆகும். இதனை மூங்கில் வளர்ந்துள்ள இடங்களில் பறப்பதைக் காணலாம். சிறப்பாகப் பறக்கும் திறனற்ற இவை, தரையை ஒட்டிப் பறக்கும் இயல்புடையன.^[2]^[3]

வாழ்விடம்[தொகு]

இந்தியாவின் மேற்குத்தொடர்ச்சி மலை மற்றும் இலங்கையின் ஓரிடவாழ்வியாகக் (endemic) காணப்படுகிறது.

களத்தில் இனமறிதல்[தொகு]

வெளிறிய பழுப்பு நிற இறகுகளின் நடுப்பகுதியில் வெள்ளைக் கோடும் இறுதியில் வெள்ளைக் கோடும் காணப்படும். இதற்கு இடைப்பட்ட பகுதியில் வெளிறிய மஞ்சள் நிற வளையமும் அதனுள் கருப்பு நிற வளையமும் காணப்படும். சிறுசிறு மஞ்சள்புள்ளிகளும் தென்படும்.^[4] ஆண், பெண் ஒத்த உருவுடையவை.^[5] இதனுடைய இறக்கை நீட்டம் 42 முதல் 54 மி.மீ. நீளமுடையது.

தென்னிந்திய சிற்றினமான மை. ப. ஜூனோனியா இலங்கையிலிருந்து பரிந்துரைக்கப்படும் போட்டிக்கு ஒத்ததாக உள்ளது.^[6] ஆனால் மேல்புறம் மந்தமான பழுப்பு நிறத்தில் உள்ளது. தூய வெள்ளை நிறத்தில் சூழப்பட்ட முன் இறக்கையின் மைய கண் உரு வண்ணத் திட்டு காணப்படும். தட்டுப் புள்ளிகள் இல்லை. அடிப்பகுதியில் மை. ப. பாதினியாவில் உள்ளதைப் போன்ற அடையாளங்கள் காணப்படும். ஆனால் முற்றிலும் மந்தமான மற்றும் பழுப்பு நிறத்தில் உள்ளது. ஆணின் பின் இறக்கையின் பின்புறத்தில் ஒரு பெரிய பிரகாசமான கண் புள்ளி காணப்படும்.^[7]