தமிழ்த் தேனீ இரா. மோகன்
தமிழ்த் தேனீ முனைவர் இரா. மோகன் (1950 - 12, சூன், 2019) என்பவர் ஒரு பேராசிரியர், தமிழறிஞர், தமிழ் எழுத்தாளர், திறனாய்வாளர், சொற்பொழிவாளர், பட்டிமன்ற நடுவர் என பன்முகம் வாய்ந்தவர் ஆவார். இவர் பல்வேறு நூல்களின் தொகுப்பாசிரியராகவும், பதிப்பாசிரியராகவும் பணியாற்றியுள்ளார். பல மாணவர்களுக்கு ஆய்வியல் நிறைஞர், முனைவர் பட்ட ஆய்வுக்கு நெறியாளராக இருந்துள்ளார்.
தொழில்[தொகு]
இரா. மோகன் மதுரை காமராசர் பல்கலைகழகத்தில் ஒப்பிலக்கியத்துறை தலைவராக இருந்தார். சாகித்ய அகாதமியின் பொதுக்குழு உறுப்பினராகவும் பணியாற்றியுள்ளார். பல்கலைக்கழகத்திலிருந்து பணி ஓய்வுக்குப் பின் மதுரை காமராசர் பல்கலையின் மதிப்புறு பேராசிரியராக பணியாற்றி வந்தார்.[1]
இவர் பல பட்டிமன்றங்களில் பேச்சாளாராக கலந்துகொண்டுள்ளார். உலக தமிழ் மாநாடு, வட அமெரிக்கத் தமிழ்ச்சங்க மாநாடு உட்படப் பல மாநாடுகள் கருத்தரங்குகளில் சிறப்புரை ஆற்றியுள்ளார்.
பெற்ற விருதுகள்[தொகு]
- தமிழக அரசின் கி.ஆ.பெ.விஸ்வநாதம் விருது
- மூவேந்தர் இலக்கிய விருது தமிழ்ச்சுடர் விருது
- தமிழ்ப்பணிச் செம்மல்
இறப்பு[தொகு]
இவர் 2019 ஜுன் மாதம் தனது 69 வது வயதில் மதுரையில் இறந்தார்.[2]
நூல்கள் நாட்டுடமையாக்கம்[தொகு]
6, ஏப்ரல், 2023 அன்று தமிழக அரசால் இவரின் படைப்புகள் நாட்டுடைமை ஆக்கப்பட்டு, இவரின் மரபுரிமையாளர்களுக்கு பத்து இலட்சம் தொகை அறிவிக்கபட்டது.[3]
எழுதிய நூல்கள் சில[தொகு]
- ஒப்பியல் சிந்தனைகள்
- தொல்காப்பியம் பொருள்திகாரம்
- இலக்கியச்செல்வம்
- உரை மரபுகள்
- புதுக்கவிதைத் திறன்
- கணினி யுகத்திற்குத் திருவள்ளுவர்
- சங்க இலக்கிய சால்பு[4]
- குலோத்துங்கம் பண்ணையில் கொய்த கதிர்கள் (தொகுப்பாசிரியர்)
மேற்கோள்கள்[தொகு]
- ↑ A, Jayashree (2023-04-07). "பரிவுத்தொகை அறிவிக்கப்பட்ட 5 தமிழ் எழுத்தாளார்கள் யார்.. யார்? - அவர்களின் படைப்புகள் என்னென்ன? - முழுவிபரம்". Puthiyathalaimurai. பார்க்கப்பட்ட நாள் 2023-05-25.
- ↑ இலக்குவனார் திருவள்ளுவன், முனைவர் இரா.மோகன்பிரியா விடை பெற்றார்! 12 June 2019
- ↑ "Works of five Tamil scholars will be nationalised: Thangam". The New Indian Express. பார்க்கப்பட்ட நாள் 2023-05-25.
- ↑ "சங்க இலக்கிய சால்பு ! நூல் ஆசிரியர் : தமிழ்த் தேனீ முனைவர் இரா. மோகன் ! நூல் விமர்சனம் : கவிஞர் இரா. இரவி !". tamilthottam.forumta.net. பார்க்கப்பட்ட நாள் 2023-05-25.