தடிமன்

தடிமன் Classification and external resources
பொதுவாகக் காணும் தடிமனை உருவாக்கும் ரைனோவைரசு
ICD-10	J00.0
ICD-9	460
DiseasesDB	31088
MedlinePlus	000678
eMedicine	aaem/118  med/2339
MeSH	D003139

தடிமன் அல்லது தடிமல் (common cold) என்பது தீவிரமாகத் தொற்றக்கூடிய ஒரு தீநுண்மத் தொற்றுநோய் ஆகும். இது மேல் மூச்சுத் தொகுதியைத் தாக்குகிறது. தொண்டைக் கமறல், மூக்கு வடிதல், தும்மல், இருமல் என்பன இதன் பொதுவான அறிகுறிகள் ஆகும். சில சமயங்களில் மேற்கண்ட அறிகுறிகள், கண் சிவத்தல், தசைநார் வலி, தலைவலி, பசியின்மை போன்றவற்றுடன் சேர்ந்து காணப்படும். பொதுவாக இதன் அறிகுறிகள் ஒரு கிழமையில் நீங்கிவிடுமாயினும் சில சமயங்களை இரண்டு கிழமைகள் வரை நீடிக்கவும் கூடும். இந் நோயின் அறிகுறிகள் குழந்தைகளிலும், சிறுவர்களிடத்தும் கூடுதலாகக் காணப்படும். சளி மற்றும் திரவங்களால் பாதுகாக்கப்படும் மூக்குத்துழை,தொண்டை,மற்றும் நுரையீரற்பாதை போன்றவற்றில் கிருமி மற்றும் வைரசு தாக்குதலால் ஏற்படுத்தப்படுவதாகும். மனிதர்களுக்கு அதிகம் ஏற்படகூடிய நோய்த்தாக்கம் இதுவாகும். அதிகளவில் குளிரினால் இது ஏற்படுவதாக நம்பப்படுகிறது. குளிரினால் உள்ளுறுப்புகளின் ஈரப்பதம் குறைக்கப்பட்டு/காயவைக்கப்பட்ட நிலையில் கிருமித்தாக்குதலுக்கான வாய்ப்புகள் அதிகமாகின்றன.மேலும் மூடிய அறைகளுக்குள் நீண்ட நேரம்(காற்றோட்டம்) இருத்தல். தடிமனால் தாக்கப்பட்டவரோடிருத்தல். சுத்தப்படுத்தபடாத கைகளால் கையாள்தல் போன்றவற்றால் இது தொற்றுகிறது