சூரிய ஆற்றல்
கட்டற்ற கலைக்களஞ்சியமான விக்கிபீடியாவில் இருந்து.
சூரிய ஆற்றல் அல்லது சூரிய சக்தி (Solar energy) என்பது சூரியனில் இருந்து நேரடியாக பெறப்படும் ஆற்றல் அல்லது சக்தி ஆகும். இந்த ஆற்றலானது பூமியில் அதன் காலநிலை, வெப்பநிலை ஆகியவற்றை கொண்டு நடாத்தவும், அநேகமாக பூமியின் அனைத்து உயிரினங்களுக்கும் மிகவும் அத்தியாவசியமான ஒன்றாகும். சூரியனில் இருந்து வரும் வெப்பம், ஒளி, அவற்றோடு சூரியனில் தங்கியிருக்கும் வளங்களான காற்று, காற்றாற்றல் மற்றும் நீர்மின்னியல், உயிரியல் தொகுதி (biomass) ஆகியன மீள உருவாக்கக்கூடிய ஆற்றல்களுக்கு உதாரணங்களாகும்.
சூரிய வலு (solar power) என்பது சூரிய ஆற்றலுக்கு இணையான சொல்லென்றாலும் இது சூரிய ஒளியை மின்னொளியாக மாற்றும் ஆற்றலைக் குறிக்கப் பயன்படுத்தப்படுகிறது. சூரியக்கலங்கள் (solar cell) மூலம் சூரியனின் கதிர்கள் நேர் மின்சார ஆற்றலாக மாற்றம் பெறுகின்றன. இந்த மின்சாரத்தை மின்கலங்களில் சேமித்து சூரிய சக்தி கிடைக்காத போது உபயோகிக்கலாம். இன்று, தெருக்களில் இரவு நேரங்களில் வெளிச்சத்துக்காகவும், கிராமங்களில் நீர்ப்பாசன மோட்டார்களை இயக்குவதற்கும் சூரியக் கலங்கள் வெற்றிகரமாக உபயோகப்படுத்தப்படுகின்றன.
[தொகு] சூரிய ஆற்றல் ஒருங்கியம்
சூரிய ஆற்றலை பெற்று, மின்சாரமாக மாற்றி, சேமித்து பயன்படுத்த ஏதுவாக்கும் கருவி ஒருங்கமைப்பை சூரிய ஆற்றல்ல் ஒருங்கியம் எனலாம். அது பின்வரும் நான்கு பகுதிகளைக் கொண்டுள்ளது.
- சூரியக்கலங்கள்
- ஒருன்கிய கட்டுப்படுத்தி (Controller)
- மின்கலம்
- நேர்மாற்றி (Inverter)
