கன்னியாஸ்திரி அபயா கொலை வழக்கு

அருட்சகோதரி
சுய தரவுகள்
பிறப்பு	வீணா தாமஸ் 1973 (1973) கோட்டயம் மாவட்டம் கேரளா, இந்தியா
இறப்பு	27 மார்ச்சு 1992(1992-03-27) (அகவை 18–19) கோட்டயம், கேரளா, இந்தியா
இறப்பிற்கான காரணம்	கொலை
சமயம்	கத்தோலிக்க கிறித்தவர்
குடியுரிமை	இந்தியர்
Occupation	கிறித்தவப் பெண் துறவி

கன்னியாஸ்திரி அபயா கொலை வழக்கு என்பது கேரளா மாநிலத்தில் 27 மார்ச் 1992ல் நிகழ்ந்த கன்னியாஸ்திரி அபயாவின் கொலை குறித்த வழக்காகும். தொடக்கத்தில் தற்கொலை என முடிவு செய்து காவல்துறை இந்த வழக்கை முடித்தார்கள். ஆனால் உடனிருந்த கன்னியாஸ்திரிகளின் போராட்டத்தால், இவ்வழக்கு சிபிஐக்கு மாற்றப்பட்டது. அதன் பின்பு அபயா பாதிரியார்கள் இருவரால் வன்புணர்வு செய்யப்பட்டு கொலை செய்யப்பட்டது தெரியவந்தது.

சம்பவம்

கேரளாவின் கோட்டயம் நகரில் 19 வயதான கன்னியாஸ்திரி அபயா 27 மார்ச் 1992 அன்று பள்ளியின் கிணற்றில் இறந்துகிடந்தது கண்டுபிடிக்கப்பட்டது. உள்ளூர் காவல்துறை இந்த மரணத்தினை தற்கொலை என்று வழக்கினை முடித்தாலும், கன்னியாஸ்திரியுடன் படித்தவர்கள் போராட்டத்தினால் வழக்கினை சி.பி.ஐ ஏற்றது.

மார்ச் 1993ல் சிபியை அதிகாரியான தாமஸ் வர்கீஸ் இந்த வழக்கினை கையாண்டார். அவர் 30 டிசம்பர் 1993ல் தனது வேலையை இராஜனாமா செய்தார். பின்பு 19 ஜனவரி 1994 ல் செய்தியாளர்களைத் திரட்டி அபயா வழக்கில் அவர் தற்கொலை செய்து கொள்ளவில்லை, அது கொலை என தான் கண்டறிந்ததாகவும், ஆனால் தன்னைவிட உயர் அதிகாரிகள் இவ்வழக்கினை தற்கொலை என முடிக்க நிர்பந்தித்தால் அதனை ஏற்காமல் விருப்ப ஓய்வு பெற்றதாக தெரிவித்தார்.

இதனை வழக்காக பதிவு செய்த உயரதிகாரியான தியாகராஜன் அவ்வழக்கிலிருந்து நீக்கப்பட்டார். 2008 ல் அபயாவுடன் தங்கியிருந்த ஸெபி என்ற கன்னியாஸ்திரியின் துணையுடன் தாமஸ் எம்.கொட்டூர், ஜோஸ் போத்ரிக்காயல் என்ற இரு பாதிரியார்கள் அபயாவை கற்பழித்து கொன்றதும், கிணற்றில் அவரது உடலை போட்டு தற்கொலை என நிறுவியதும் நீதிமன்றத்தில் நிறுவப்பட்டது. கன்னியாஸ்திரியையும், இரு பாதிரியார்களையும் கைது செய்தனர்.

சகோதரி அபயா கொலை வழக்கில் தீர்ப்பும், தண்டனையும்

2020 திசம்பர் 22 அன்று, 28 ஆண்டுகளாக நடந்து வந்த கேரள கன்னியாஸ்திரீ அபயா கொலை வழக்கில், கொலையை நேரில் பார்த்த அடக்க ராஜு எனும் திருடனின் சாட்சியத்தால், பாதிரியார் தாமஸ் கொட்டூர், கன்னியாஸ்திரீ ஸ்டெபி ஆகியோர் குற்ற்வாளிகள் என்று முடிவு செய்தது. 2020 திசம்பர் 23 அன்று, சிபிஐ நீதிமன்றம் இருவருக்கும் ஆயுள் தண்டனையும், பாதிரியார் தாமஸ் கொட்டூருக்கு ரூ. 6.50 லட்சமும் கன்னியாஸ்திரீ ஸ்டெபிக்கு ரூ. 5.50 லட்சமும் அபராதம் விதிக்கப்பட்டது.

இதனையும் காண்க

• கத்தோலிக்கத் தேவாலயப் பாலியல் துன்புறுத்தல் வழக்குகள்
• பிராங்கோ மூலக்கல்

வெளி இணைப்புகள்

• திருடன் சொன்ன சாட்சியால் பாதிரியாருக்கு கிடைத்தது சிறை!
• Abhaya case: Society indebted to 3 Chief Judicial Magistrates பரணிடப்பட்டது 2020-12-22 at the வந்தவழி இயந்திரம்
• How the case of Kerala Catholic nun Sister Abhaya turned from suicide to murder in 28 yrs
• இளம் கன்னியாஸ்திரி அபயா வழக்கு! - காணொலி (தமிழில்)