எஸ். வி. இரமணன்
| எஸ். வி. இரமணன் | |
|---|---|
| தேசியம் |  இந்தியா |
| குடியுரிமை | இந்தியர் |
| பணி | திரைப்பட இயக்குநர், தயாரிப்பாளர், இசையமைப்பாளர் |
| அறியப்படுவது | திரைப்பட இசையமைப்பாளர் |
| சமயம் | இந்து |
| பெற்றோர் | கே. சுப்பிரமணியம்-மீனாட்சி (சிற்றனை எஸ். டி. சுப்புலட்சுமி) |
| உறவினர்கள் | பத்மா சுப்ரமணியம் (சகோதரி) |
எஸ். வி. ரமணன், தமிழ்த் திரைப்பட இசையமைப்பாளர், இயக்குநர், தயாரிப்பாளர் ஆவார். இவர் பிரபல தமிழ் திரைப்பட இயக்குநரும், தயாரிப்பாளருமான கே. சுப்பிரமணியம்-மீனாட்சி தம்பதியரின் மகனும், பரத நாட்டியக் கலைஞர் பத்மா சுப்பிரமணியத்தின் உடன் பிறந்தவரும் ஆவார். இவரது சிற்றனை திரைப்பட நாயகி எஸ். டி. சுப்புலட்சுமி ஆவார். இசையமைப்பாளர் அனிருத் இரமணனின் பேரன் ஆவார்/[1]
மேடை நாடகங்களில் நடித்து வந்த எஸ். வி. இரமணன் தூர்தர்ஷன் தொலைக்காட்சியில் ஒளிபரப்பான பல நாடகங்களையும், ஆவணப்படங்களையும் இயக்கியுள்ளார். அனைத்திந்திய வானொலியில் ஒலிபரப்பான விளம்பர படங்களுக்கு பின்னணி குரல் கொடுத்துள்ளார். 1983-ல் ஒய். ஜி. மகேந்திரன், சுஹாசினி நடிப்பில் வெளியான உருவங்கள் மாறலாம் எனும் திரைப்படத்தை இயக்கி, இசை அமைத்துள்ளார். 1966-ல் ஜெயகாந்தன் திரைக்கதை, இயக்கத்தில் வெளியான யாருக்காக அழுதான் திரைப்படத்திற்கு இசையமைத்திருந்தார்.[2][3]
மறைவு[தொகு]
சென்னை இராஜா அண்ணாமலைபுரத்தில் உள்ள வீட்டில், இரமணன் தமது 87-வது அகவையில் உடல்நலக் குறைவால் மறைந்தார்.[4]