எண்பேராயம்
எண்பேராயம் என்பதனைத் தொல்காப்பியம் எட்டுவகை நுதலிய அவையம் எனக் குறிப்பிடுகிறது. இது வாகைத் திணையின் முப்பது துறைகளில் ஒன்று.[1]
தமிழ்நாட்டு மன்னர்கள் நல்லாட்சி புரிய உதவியாக இருந்தவர்களை ஐம்பெருங்குழு என்றும், எண்பேராயம் என்றும் பகுத்துக் காட்டுவது வழக்கம். மதுரைக்காஞ்சி என்னும் நூல் நாற்பெருங்குழு என்று ஒன்றினைக் குறிப்பிடுகிறது.
- கரணத்தின் திரள்கள்
- வாய்க்கடை காப்போர்
- நகரி மாக்கள்
- படைத்தலைவர்
- கிளைச்சுற்றம்
- யானை ஊர்வோர்
- குதிரை ஊர்வோர்
- காவிதியர்
ஆகியோர் அந்த ஆயத்தில் இடம்பெற்றிருந்ததாக நிகண்டுநூல் குறிப்பிடுகிறது.[2]
இவர்களை நாம் முறையே
- செயலாளர்கள்
- காப்பாளர்கள்
- ஊர்ப்பெருமக்கள்
- படைத்தலைவர்கள்
- அணுக்கத் தொண்டர்கள்
- யானை வீரர்கள்
- குதிரை வீரர்கள்
- உழவர் பெருமக்கள்
என உணர்ந்துகொள்ளலாம்.
சேரன் அரசவை[தொகு]
சேரன் செங்குட்டுவன் அவையில் ஐம்பெருங்குழுவும் எண்பேராயமும் இருந்ததாகச் சிலப்பதிகாரம் குறிப்பிடுகிறது.[3]
காண்க[தொகு]
அடிக்குறிப்புகள்[தொகு]
- ↑ தொல்காப்பியம் புறத்திணையியல் 17
- ↑ சூடாமணி நிகண்டு - 12 பல்பொருள் கூட்டத் தொகுபெயர்த் தொகுதி 64
- ↑ ஐம் பெருங்குழுவும், எண் பேர் ஆயமும், ... ‘மண் திணி ஞாலம் ஆள்வோன் வாழ்க!’ என, - சிலப்பதிகாரம் கால்கோள் காதை