இருபீனைல் இருசல்பைடு

இருபீனைல் இருசல்பைடு
Diphenyl disulfide

பெயர்கள்
விருப்பத்தெரிவு ஐயூபிஏசி பெயர் 1,1'-டைசல்பேன்டைல்டைபென்சீன்
வேறு பெயர்கள் டைசல்பேனைல்டைபென்சீன் டைபீனைல் டைசல்பைடு பீனைல் டைசல்பைடு
இனங்காட்டிகள்
சிஏஎசு எண்	882-33-7 Y
ChEMBL	ChEMBL462861 Y
ChemSpider	12861 Y
InChI InChI=1S/C12H10S2/c1-3-7-11(8-4-1)13-14-12-9-5-2-6-10-12/h1-10H Y Key: GUUVPOWQJOLRAS-UHFFFAOYSA-N Y InChI=1/C12H10S2/c1-3-7-11(8-4-1)13-14-12-9-5-2-6-10-12/h1-10H Key: GUUVPOWQJOLRAS-UHFFFAOYAY
யேமல் -3D படிமங்கள்	Image
பப்கெம்	13436
வே.ந.வி.ப எண்	SS6825000
SMILES c1ccc(cc1)SSc2ccccc2
UNII	7P54H519IJ Y
பண்புகள்
மூலக்கூறு வாய்பாடு	C12H10S2
வாய்ப்பாட்டு எடை	218.33 g·mol−1
தோற்றம்	நிறமற்ற படிகங்கள்
உருகுநிலை	61 முதல் 62 °C (142 முதல் 144 °F; 334 முதல் 335 K)
நீரில் கரைதிறன்	கரையாது
பிற கரைப்பான்கள்-இல் கரைதிறன்	டை எத்தில் ஈதர், பென்சீன், கார்பன் டைசல்பைடு, மற்றும் டெட்ரா ஐதரோ பியூரான் போன்றவற்ரில் கரையும்
கட்டமைப்பு
இருமுனைத் திருப்புமை (Dipole moment)	0 D
தீங்குகள்
முதன்மையான தீநிகழ்தகவுகள்	தீப்பற்றி எரியும்
R-சொற்றொடர்கள்	R36/37/38
S-சொற்றொடர்கள்	S26
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும்.
Y verify (இது: Y/N?)
Infobox references

இருபீனைல் இருசல்பைடு (Diphenyl disulfide) (C₆H₅S)₂ என்ற மூலக்கூற்று வாய்ப்பாட்டால் விவரிக்கப்படும் கரிம வேதியியல் சேர்மமாகும். நிறமற்ற இப்படிகச் சேர்மம் பெரும்பாலும் Ph₂S₂ என்ற சுருக்கக் குறியீட்டால் அடையாளப்படுத்தப்படுகிறது. கரிமத்தொகுப்பு வினைகளில் பொதுவாகத் தோன்றும் பல கரிம இருசல்பைடுகளில் இதுவும் ஒன்றாகும். தயோபீனாலின் சிறிய மாசுபாடு இந்த சேர்மத்துடன் தொடர்புடைய உடன்படாத வாசனையை ஏற்படுத்துகிறது.

தயாரிப்பு

தயோபீனாலை ஆக்சிசனேற்றம் செய்து பொதுவாக இருபீனைல் இருசல்பைடு தயாரிக்கப்படுகிறது.

2 PhSH + I₂ → Ph₂S₂ + 2 HI

ஐதரசன் பெராக்சைடையும் ஆக்சிசனேற்றம் செய்யப் பயன்படுத்தி இச்சேர்மம் தயாரிக்கப்படுகிறது. ஆய்வகங்களிலும் Ph₂S₂ அரிதாக தயாரிக்கப்படுகிறது. ஏனெனில் தயாரிக்கப்படும் முன்னோடிச் சேர்மம் விரும்பத்தகாத மணத்தைப் பெற்றுள்ளது.

கட்டமைப்பு

பெரும்பாலான கரிம இருசல்பைடுகளைப் போலவே இருபீனைல் இருசல்பைடும் சமதளமல்லாத இருமுக கோணத்துடன் 85 பாகையை நெருங்குகிறது. இருபீனைல் இருசல்பைடு விரைவாக இடைமாற்றமடையும் ஆடியெதிர் உரு சுழல்வடிவமைப்பு கலவையாகக் காணப்படுகிறது.

இருபீனைல் இருசல்பைடின் ஆடியெதிர் மாற்றியம் மாதிரி

வினைகள்

கரிமத் தொகுப்பு வினைகளில் இருபீனைல் இருசல்பைடு PhS மூலமாகப் பயன்படுத்தப்படுகிறது. ஒரு பொதுவான ஈனோலேட்டு வினை வழியாக PhS பதிலீடு செய்யப்பட்ட கார்போனைல் சேர்மங்களை உருவாக்குவதைக் இது குறிக்கிறது.

RC(O)CHLiR’ + Ph₂S₂ → RC(O)CH(SPh)R’ + LiSPh

ஒடுக்கம்

இருசல்பைடுகளுக்கான அடையாள வினையாகக் கருதப்படும் ஒடுக்க வினையை Ph₂S₂ சேர்மமும் ஈடுபடுகிறது.

Ph₂S₂ + 2 M → 2 MSPh (M = Li, Na, K)

சோடியம் போரோ ஐதரைடு, சோடியம் மூவெத்தில்போரோ ஐதரைடு போன்ற ஐதரைடு வினையாக்கிகளும் ஒடுக்கிகளாகப் பயன்படுத்தப்படுகின்றன.

குளோரினேற்றம்

இருபீனைல் இருசல்பைடு குளோரினுடன் வினைபுரிந்து பீனைல்சல்பீனைல் குளோரைடு உருவாகிறது. தனித்துப் பிரிப்பது கடினம் என்பதால் இது தளத்திலேயே தயாரித்துக் கொள்ளப்படுகிறது.

வினையூக்கி

புற ஊதா ஒளியில் நிகழும் ஆல்கீன்களின் ஒருபக்க-மறுபக்க மாற்றிய வினையை வினையூக்கம் செய்கிறது.

ஆக்சிசனேற்றம்

மெத்தனாலில் உள்ள ஈய டெட்ரா அசிட்டேட்டுடன் இருபீனைல் இரு அசிட்டேட்டு ஆக்சிசனேற்றம் அடைந்து சல்பினைட்டு எசுத்தர் உருவாகிறது.