இந்தியத் தாவரவியல் சங்கம்
இந்தியத் தாவரவியல் சங்கம் (Indian Botanical Society) என்பது இந்தியாவின் தாவரவியலாளர்களுக்கான தேசிய சங்கமாகும். இது 1920-ல் நிறுவப்பட்டது.
சங்கத்தின் செயல்பாடுகளில் விரிவுரைகள், ஆய்வுகூட்டங்கள், கள பயணங்கள், களத் திட்டங்கள் மற்றும் பல்வேறு பகுதிகளில் பணிபுரியும் தாவரவியலாளர்களிடையே தகவல் பரிமாற்றத்திற்கான வருடாந்திர சமூகக் கூட்டம் நடத்துவது உள்ளிட்டவை அடங்கும்.
தோற்றம்[தொகு]
1920ஆம் ஆண்டு சனவரியில் நாக்பூர் கூட்டத்தில் இந்திய அறிவியல் சங்கத்தின் தாவரவியல் பிரிவு நிறைவேற்றிய தீர்மானத்தின் அடிப்படையில் இந்தியத் தாவரவியல் சங்கம் தொடங்கப்பட்டது. இந்த தீர்மானத்தை நடைமுறைப்படுத்துவதற்காக அமைப்பு ரீதியான குழு ஒன்று உருவாக்கப்பட்டது. இந்தக் குழுவில் கொல்கத்தா பல்கலைக்கழக அறிவியல் கல்லூரியின் மறைந்த பி. புருல், கோயம்புத்தூர் வேளாண்மைக் கல்லூரியின் மறைந்த ராய் பகதூர் கே. ரங்காச்சாரியார், மறைந்த ராய் பகதூர் பேராசிரியர் ஷிவ் ராம் காஷ்யப், லாகூர் அரசு கல்லூரி, மறைந்த பேராசிரியர் பீர்பால் சாகனி, வாரணாசி பனாரசு இந்து பல்கலைக்கழகம், முனைவர் டபிள்யூ. பர்ன்சு, புனா வேளாண்மைக் கல்லூரி ஆகியோர் உறுப்பினர்களாகவும் அலகாபாத் எவிங் கிறிசுடியன் கல்லூரி பேராசிரியர் வின்பில்ட் டட்ஜியன் தலைவராகவும் செயல்பட்டனர்.
அக்டோபர் 1920-ல், இக்குழு இந்தியாவில் இருக்கும் தாவரவியலாளர்களுக்குக் கடிதம் ஒன்றை அனுப்பியது. இந்த புதிய சமூகத்தின் நியமன உறுப்பினராக அவர்களை அழைத்தது. சங்கத்தை நிறுவுவதற்கு 25 உறுப்பினர்கள் போதுமானதாக கருதப்படுவார்கள் என்றும், இந்த எண்ணிக்கையை எட்டியவுடன் நிர்வாகிகள் தேர்ந்தெடுக்கப்பட வேண்டும் என்றும் ஒப்புக்கொள்ளப்பட்டது. இந்த அழைப்பிற்கான பதில் உடனடியாகவும் இதயப்பூர்வமாகவும் இருந்ததால், சங்கத்தின் அலுவலகப் பொறுப்பாளர்களுக்கான தேர்தலும் நடைபெற்றது. திசம்பர் 6, 1920-ல் தேர்தல் முடிந்ததும், சங்கம் முறையாக ஒழுங்கமைக்கப்பட்டதாக அறிவிக்கப்பட்டது. மேலும் செயல் குழுவின் பணி நிறைவுற்றது.[1]
இந்தியத் தாவரவியல் சங்கம் நாட்டின் ஏதாவது ஒரு பல்கலைக்கழகத்தில் தன் வருடாந்திர அமர்வை நடத்துகிறது. இங்கு அறிவியலாளர்கள், தாவரவியலாளர்கள், தாவரவியல் துறையில் ஏற்பட்ட முன்னேற்றங்கள்/பாதகங்கள் குறித்து தங்கள் கருத்துக்களை முன்வைக்கின்றனர்.
வெளியீடுகள்[தொகு]
இந்தியத் தாவரவியல் ஆய்விதழ் (பின்னர் இந்தியத் தாவரவியல் சங்கத்தின் ஆய்விதழ்), பேராசிரியர் பைசனின் முன்முயற்சியின் கீழ் தொடங்கப்பட்டது.[2]
மேலும் பார்க்கவும்[தொகு]
மேற்கோள்கள்[தொகு]
- ↑ "About the IBS". Indian Botanical Society. Archived from the original on 25 August 2011. பார்க்கப்பட்ட நாள் 11 October 2011.
- ↑ Matthew, K.M., Frontline. Vol. 15(5) Pioneering Botanists (1998)
வெளி இணைப்புகள்[தொகு]
| பன்னாட்டு | |
|---|---|
| தேசிய | |
