ஆக்சிசன் விரைவுவண்டி

ஆக்சிசன் விரைவுவண்டி
26 ஏப்ரல் 2021, மகாராட்டிராவின் கலம்போலியில் ஆக்சிசன் விரைவுவண்டி சேவை

ஆக்சிசன் விரைவுவண்டி (Oxygen Express) என்பது இந்திய இரயில்வே அமைச்சகமும் இந்திய இரயில்வேவும் இணைந்து இயக்கும் நீண்ட தூர/குறுகிய தூர இரயில் சேவை தொடர் வண்டியாகும். கோவிட்-19 தொற்றுநோயின் இரண்டாவது அலையின் போது இந்தியா மற்றும் வங்காளதேசத்தின் பல்வேறு பகுதிகளில் உள்ள பல்வேறு மருத்துவமனைகளுக்கு மருத்துவ தர ஆக்சிசனை வழங்கி ஆக்சிசன் விரைவுவண்டி கடுமையான பற்றாக்குறையை சமாளித்தது.

பின்னணி

ஆக்சிசன் விரைவு இரயில்கள் இரண்டு வடிவங்களில் இயக்கப்படுகின்றன; 16 மெட்ரிக் டன் திரவ மருத்துவ ஆக்சிசனை எடுத்துச் செல்லக்கூடிய கடுங்குளிரூட்டப்பட்ட பன்னாட்டு செந்தர நிறுவன கொள்கல தொட்டிகளைப் பயன்படுத்தி கொண்டு செல்வது முதல் முறையாகும். இரண்டாவது முறையானது, டாடா மோட்டார்சு 1618 போன்ற நிலையான கொள்கலத் தொட்டிகளை இந்திய இரயில்வே மற்றும் இந்திய இராணுவம் பயன்படுத்தும் உருட்டு ஏற்றம்/உருட்டு இறக்கம் முறையில் இரயிகளில் ஏற்றப்படும் முறையாகும்.

தொற்றுநோய் கால உச்சக்கட்டத்தின் போது, இவ்வண்டிகள் சமிக்ஞை இல்லாத, பசுமை வழித்தட வழிகளில் ஓடின. பல்வேறு எஃகு ஆலைகளில் இருந்து ஆக்சிசனை நாட்டின் பல்வேறு பகுதிகளுக்கும் கொண்டு சென்றன.

2021 ஆம் ஆன்டு சூலை மாதத்தில் டாடாநகர் சந்திப்பு ரயில் நிலையத்திலிருந்து வங்காளதேசத்தில் உள்ள பெனாபோல் எல்லை பகுதிக்கு 200 மெட்ரிக் டன் திரவ மருத்துவ ஆக்சிசன் கொண்டு செல்லப்பட்டது.

படக் காட்சியகம்

• 
  26 ஏப்ரல் 2021 அன்று மகாராட்டிராவில் கலம்போலியில் ரிலையன்சு அறக்கட்டளையின் கொள்கலத் தொட்டிகளை ஏற்றிச் செல்லும் ஆக்சிசன் விரைவு இரயில்
• 
  லிண்டே பிஎல்சியின் டாடா மோட்டார்சு 1618 சாலை கொள்கலத் தொட்டிகளில் உள்ள திரவ மருத்துவ ஆக்சிசன் விசாகப்பட்டினம் எஃகு ஆலையில் 22 ஏப்ரல் 2021 அன்று ஏற்றப்படுகிறது.
• 
  19 ஏப்ரல் 2021 அன்று விசாகப்பட்டினம் எஃகு ஆலைக்கு கலம்போலியில் இருந்து புறப்படும் வெற்று கொள்கலத் தொட்டிகள்
• 
  19 ஏப்ரல் 2021, மகாராட்டிராவின் கலம்போலியில் ஆக்சிசன் விரைவு இரயிலில் காலி தொட்டிகள்