துறைமுகப்பட்டினம்

கடல் துறைமுகம், கிளாட் லாரேனின் 17 ஆம் நூற்றாண்டு சித்தரிப்பு, 1638

துறைமுகப்பட்டினம் (Port) என்பது கப்பல்கள் நிறுத்திவைக்கப்படவும் மக்கள் அல்லது சரக்குகளை துறைமுகத்திலிருந்து நிலத்திற்கு கொண்டுசெல்கின்ற ஒன்று அல்லது அதற்கு மேற்பட்ட துறைமுகங்களைக் கொண்டிருக்கும் கடற்கரை அல்லது கரையில் உள்ள இடவமைப்பாகும். துறைமுகப்பட்டினத்தின் இடவமைப்புகள் வர்த்தகரீதியான தேவைகளுக்கும், காற்று மற்றும் அலைகளிலிருந்து பாதுகாப்பு பெறுவதற்காகவும், நிலம் மற்றும் பயணிக்கக்கூடிய நீர்நிலைக்கான அணுகலை சுலபமாக்கும் வகையில் தேர்வு செய்யப்படுகின்றன. ஆழமான நீர்நிலையுள்ள துறைமுகப்பட்டினங்கள் அரிதானவையாக இருந்தாலும், அவை பெரிய கப்பல்களை மிகவும் சிக்கனமாகக் கையாளக்கூடியவையாக உள்ளன. வரலாறு நெடுகிலும் துறைமுகங்கள் எல்லாவகையான போக்குவரத்தையும் கையாண்டிருக்கின்றன என்பதால் உதவி மற்றும் சேமிப்பக வசதிகள் பரவலான அளவிற்கு மாறுபடுகின்றன. இவை பல மைல்களுக்கு நீட்டிக்கப்படக்கூடியவை என்பதோடு உள்ளூர் பொருளாதாரத்தையும் பெரிய அளவில் பாதிக்கின்றன.^[1]^[2] சில துறைமுகப்பட்டினங்கள் நேரடியான இராணுவப் பங்களிப்பிற்கென்றே முக்கியத்துவம் பெறுகின்றன.

பரவலாக்கம்[தொகு]

துறைமுகப்பட்டினங்கள் தனியார்களாலோ அல்லது பொதுத்துறை அமைப்புக்களாலோ வழங்கப்படக்கூடிய கப்பல்களில் சுமையேற்ற இறக்கம் செய்வதற்காக ஓங்கிகள் (சரக்கு கையாளுநர்கள்) மற்றும் மண்வாரிகள் போன்ற சரக்கு கையாளும் சாதனங்களைக் கொண்டவையாக இருக்கின்றன. அதன் அருகாமையிலேயே பதப்படுத்தும் ஆலைகளும், பிற பதப்படுத்தும் தொழிலமைப்புகளும் அமைந்திருக்கின்றன. சில துறைமுகப்பட்டினங்கள் கப்பல்களை மேற்கொண்டு நிலத்திற்கு நகர்த்த உதவும் கால்வாய்களையும் கொண்டிருக்கின்றன. தொடருந்துகள், கனரக வாகனங்கள் போன்ற உள்ளிணைப்புப் போக்குவரத்துகள் ஒரு துறைமுகப்பட்டினத்திற்கு அவசியமானதாகும். இதனால் பயணிகள் மற்றும் சரக்கு ஆகியவை துறைமுகப்பட்டினப் பகுதியையும் தாண்டி மேற்கொண்டு நிலத்திற்கு கொண்டுவரப்படும். பன்னாட்டுப் போக்குவரத்துடன் கூடிய துறைமுகப்பட்டினங்கள் சுங்கவரி வசதிகளையும் கொண்டிருக்கின்றன. துறைகளுக்கு அருகாமையில் கப்பலின் மேல்தளப் பகுதிகள் நெருங்கி வரும்போது பெரிய கப்பல்களை கையாள வழிகாட்டிப் படகுகளும், இழுவைப் படகுகளும் பயன்படுத்தப்படலாம்.

துறைமுகப்பட்டின வகைகள்[தொகு]

"துறைமுகப்பட்டினம்", "கடல்துறைமுகம்" ஆகிய இரண்டு பதங்களும் கடலில் செல்லும் கப்பல்களைக் கையாளும் வேறுபட்ட துறைமுகப்பட்டின வசதிகளுக்கென்று பயன்படுத்தப்படுகின்றன. ஆற்றுத் துறைமுகம் தோணிகள் மற்றும் பிற தட்டையான அடிப்பாகம் கொண்ட படகுகள் போன்றவை ஆற்றுப்போக்குவரத்திற்கென்று பயன்படுத்தப்படுகின்றன. ஏரி, ஆறு அல்லது கால்வாயில் உள்ள சில துறைமுகப்பட்டினங்கள் கடல் அல்லது பெருங்கடலுக்கான அணுகலைப் பெற்றிருக்கின்றன என்பதோடு இவை சிலபோது "உள்நில துறைமுகப்பட்டினங்கள்" என்றும் அழைக்கப்படுகின்றன.

மீன்பிடித் துறைமுகப்பட்டினம் என்பது நிலத்தில் இறங்குவதற்கும் மீன்களை விநியோகிப்பதற்குமான துறைமுகப்பட்டினம் அல்லது துறைமுக மையம் ஆகும். இது புத்துணர்வூட்டும் மையமாகவும் வழக்கமாக வர்த்தகத்திற்கென்று பயன்படுத்தப்படுவதாகவும் அமைகின்றது. மீன்பிடித் துறைமுகம் மட்டுமே கடல்சார் தயாரிப்புகளை சார்ந்திருக்கிற துறைமுகப்பட்டினம் ஆகும். மீன்பிடிப்பு குறைந்துபோய்விடும்போது மீன்பிடித் துறைமுகத்தை செலவு மிக்கதாக்கிவிடும். சமீபத்திய பத்தாண்டுகளில் உருவாக்கப்பட்டுள்ள மீன்பிடிப் பொருட்களை பாதுகாப்பதற்கான நெறிமுறைகள் மீன்பிடித் துறைமுகத்தின் பயனை வரம்பிற்குட்படுத்திவிடலாம், அநேகமாக மூடவும் வைத்துவிடலாம்.

ஒரு "வறண்ட துறைமுகப்பட்டினம்" என்பது வழக்கமாக ரயில் அல்லது சாலையால் கடல்துறையோடு இணைக்கப்பட்டிருக்கின்ற இடத்தில் கொள்கலன்களையோ அல்லது வழக்கமான பெரிய சரக்குகளை வைத்திருப்பதற்கோ பயன்படுத்தப்படும் இடத்தைக் குறிக்கிறது.

வெதுவெதுப்பான நீர்த் துறைமுகப்பட்டினம் என்பது குளிர்காலத்திலும் தண்ணீர் உறைந்துவிடாத இடமாகும். இவை வருடம் முழுவதிலும் பயன்பாட்டில் இருக்கின்றன என்பதால் வெதுவெதுப்பான தண்ணீர் துறைமுகப்பட்டினங்கள் பெருமளவிற்கு புவியமைப்பு அல்லது பொருளாதார ஆர்வமுள்ள இடங்களாக இருக்கின்றன. செயிண்ட் பீட்டர்ஸ்பர்க், டாலியன் மற்றும் வால்டஸ் ஆகியவை குறிப்பிடத்தகுந்த உதாரணங்கள்.

கடல்துறைமுகப்பட்டினம் என்பது மேலும் "கடற்பயண துறைமுகம்" அல்லது "சரக்கு துறைமுகம்" என்று வகைப்படுத்தப்படுகிறது. மேலும், "கடற்பயண துறைமுகப்பட்டினங்கள்" "வீட்டுத் துறைமுகப்பட்டினம்" அல்லது "அழைப்பு துறைமுகப்பட்டினம்" என்றும் அறியப்படுகின்றன. "சரக்கு துறைமுகப்பட்டினம்" மேற்கொண்டு "பெரிய" அல்லது "இடைநிலை பெரிய துறைமுகம்" அல்லது "கொள்கலன் துறைமுகம்" என்று வகைப்படுத்தப்படுகிறது.^[3]

பயணத் துறைமுகப்பட்டினம் என்பது பயணக்-கப்பல் பயணிகள் தங்களுடைய பயணத்தைத் தொடங்குவதற்கு கூடுகின்ற (அல்லது ஏறுகின்ற) மற்றும் தங்களுடைய பயணத்தின் முடிவில் இறங்கவும் செய்கின்ற (அல்லது நிலத்திற்கு செல்கின்ற) இடமாகும். இது பயணத்திற்காக பயணக் கப்பலின் பொருட்களை ஏற்றுகின்ற இடமாகவும் இருக்கிறது, அதாவது நன்னீர் மற்றும் எரிபொருளிலிருந்து பழங்கள், காய்கறிகள், ஷாம்பேன் மற்றும் பயணத்திற்கு தேவையான வேறு எந்த பொருட்களையும் ஏற்றிக்கொள்கின்ற இடமாக இருக்கிறது. "பயண வீட்டுத் துறைமுகப்பட்டினங்கள்" துறைமுகத்தில் பயணக் கப்பல் இருக்கின்ற நேரத்தில் மிகவும் பரபரப்பானதாக இருக்கிறது, ஏனென்றால் கப்பலிலிருந்து செல்லும் பயணிகள் தங்களுடைய பொருட்களை இறக்கவும், கப்பலில் ஏறுகின்ற பயணிகள் தங்களுடைய பொருட்களை கப்பலில் ஏற்றுவதுமாக இருப்பதோடு பொருள்களும் ஏற்றப்படுகின்றன. தற்போது உலகின் பயணக் கப்பல் தலைநகரம் ஃபுளோரிடாவில் உள்ள மயாமி துறைமுகமாக இருக்கிறது. இதற்கு அடுத்ததாக ஃபுளோரிடாவில் உள்ள எவர்கிளேட்ஸ் துறைமுகம் மற்றும் பியூர்டோ ரிகோவில் உள்ள சான் ஜுவான் துறைமுகம் ஆகியவை இருக்கின்றன.

அழைப்புத் துறைமுகம் என்பது ஊர் ஊராகப் போய்க்கொண்டிருக்கும் கப்பலுக்கான இடைநிலை நிறுத்தமாகும், இதில் அரை டஜன் துறைமுகங்கள் உள்ளடங்கியிருக்கலாம். இந்தத் துறைமுகங்களில், ஒரு சரக்குக் கப்பல் பொருட்களையோ அல்லது எரிபொருள்களையோ ஏற்றிக்கொள்ளலாம் என்பதோடு சரக்குகளை ஏற்றவும் இறக்கவும் செய்யலாம். ஆனால் இது ஒரு பயணக் கப்பலுக்கு பயணிகள் தங்களுடைய விடுமுறை தினத்தை அனுபவிப்பதற்கான முதன்மை நிறுத்தமாக இருக்கிறது.

சரக்கு துறைமுகப்பட்டினங்கள், பயணக் கப்பல் துறைமுகப்பட்டினங்களிலிருந்து முற்றிலும் மாறுபட்டவை. ஏனென்றால் இவை மிகவும் வேறுபட்ட இயக்கவியல் முறைகளில் சுமையேற்றப்படவும் இறக்கப்படவும் செய்கின்ற பல்வேறுபட்ட சரக்குக் கப்பல்களைக் கையாளுகின்றன. இந்தத் துறைமுகள் ஒரு குறிப்பிட்ட வகைப்பட்ட சரக்குக் கப்பலை கையாளலாம் அல்லது பலதரப்பட்ட சரக்குக் கப்பல்களைக் கையாளலாம், உதாரணத்திற்கு தானியங்கள், நீர்ம எரிபொருள்கள், நீர்ம ரசாயனங்கள், மரம், வாகனங்கள் இன்னபிற போன்றவை. இதுபோன்ற துறைமுகங்கள் "பெரியது" அல்லது "இடைநிலைத் துறைமுகங்கள்" எனப்படுகின்றன. கொள்கலனில் வைக்கப்பட்ட சரக்குகளை கையாளுகின்ற துறைமுகங்கள் கொள்கலன் துறைமுகங்கள் எனப்படுகின்றன. பெரும்பாலான சரக்குத் துறைமுகங்கள் எல்லாவகையான சரக்குகளையும் கையாளுகின்றன, ஆனால் சில மிகவும் குறிப்பிட்ட சரக்கை மட்டுமே கையாளுகின்றன. மேலும், தனிப்பட்ட சரக்குத் துறைமுகங்கள் வேறுபட்ட சரக்குகளை கையாளும் வேறுபட்ட செயல்பாட்டு சேருமிடங்களாக பிரிக்கப்பட்டிருக்கின்றன.

அனுமதி[தொகு]

துறைமுகப்பட்டினங்கள் சிலபோது பயனற்றுப் போய்விடுகின்றன.^[4] ரை, ஈஸ்ட் சஸக்ஸ் மத்திய காலப்பகுதியில் ஒரு முக்கியமான ஆங்கிலத் துறைமுகப்பட்டினமாக இருந்தது, ஆனால் கடற்கரைவரிசை மாறிவிட்டதோடு இப்போது இவை கடலிலிருந்து 3.2 கிலோமீட்டரில் இருக்கின்றன, அதேசமயத்தில் ரேவன்ஸ்பர்ன் மற்றும் டன்விச் ஆகியவை கடல் அரிப்பினால் காணாமல் போய்விட்டன. அத்துடன் இங்கிலாந்து, இலண்டனில் உள்ள தேம்ஸ் நதி ஒருகாலத்தில் முக்கியமான சர்வதேச துறைமுகப்பட்டினமாக இருந்தது, ஆனால் கொல்கலன்கள் மற்றும் பெரிய கப்பல்கள் போன்ற கடல்பயண முறைகள் மாறியதில் இது பயனற்றதாகிவிட்டது.

மேலும் காண்க[தொகு]

மேற்கோள்கள்[தொகு]

↑ Caves, R. W. (2004). Encyclopedia of the City. Routledge. பக். 528. பன்னாட்டுத் தரப்புத்தக எண்:9780415252256. https://archive.org/details/encyclopediacity00cave.
↑ John Gerring; Brendan Apfeld; Tore Wig; Andreas Forø Tollefsen (2022). The Deep Roots of Modern Democracy: Geography and the Diffusion of Political Institutions. Cambridge University Press. பக். 45. https://www.cambridge.org/core/books/abs/deep-roots-of-modern-democracy/maritime-geography/D05F8B35C9751FBF1FD158F33AA671E1.
↑ Different types of Ports.
↑ Asariotis, Regina; Benamara, Hassiba; Mohos-Naray, Viktoria (December 2017). Port Industry Survey on Climate Change Impacts and Adaptation (PDF) (Report). UN Conference on Trade and Development. Archived (PDF) from the original on 2020-11-25.

வெளியிணைப்புகள்[தொகு]

[1] Caves, R. W. (2004). Encyclopedia of the City. Routledge. பக். 528. பன்னாட்டுத் தரப்புத்தக எண்:9780415252256. https://archive.org/details/encyclopediacity00cave.

[2] John Gerring; Brendan Apfeld; Tore Wig; Andreas Forø Tollefsen (2022). The Deep Roots of Modern Democracy: Geography and the Diffusion of Political Institutions. Cambridge University Press. பக். 45. https://www.cambridge.org/core/books/abs/deep-roots-of-modern-democracy/maritime-geography/D05F8B35C9751FBF1FD158F33AA671E1.

[3] Different types of Ports.

[:1-4] Asariotis, Regina; Benamara, Hassiba; Mohos-Naray, Viktoria (December 2017). Port Industry Survey on Climate Change Impacts and Adaptation (PDF) (Report). UN Conference on Trade and Development. Archived (PDF) from the original on 2020-11-25.

[1]

[2]

[3]

[4]