பேண்தகு விவசாயம்

பேண்தகு வேளாண்மை (Sustainable agriculture) என்பது உயிரினங்களுக்கும், சூழலுக்கும் இடையிலான தொடர்பை விளக்கும் சூழலியல் கொள்கைகளின் அடிப்படையில் விவசாயத்தை வடிவமைத்து தொழிற்படல் ஆகும். இது ஒரு குறிப்பிட்ட இடத்தில், தாவர உற்பத்தி, விலங்கு உற்பத்தி ஆகியவற்றை ஒன்றிணைத்து உருவாகும் ஒரு திட்டமாக இருப்பதுடன், இந்த பேண்தகு விவசாயமானது, நீண்டகால நோக்கத்தில்,

• மனிதனின் உணவுத் தேவையை பூர்த்தி செய்யக் கூடியதாக இருத்தல் வேண்டும்.
• புதுப்பிக்கப்படாத மூலங்களை (non-renewable resources) மிகுந்த வினைத்திறனுடம் அதிகூடிய பயன்பாட்டுக்கு உட்படுத்த வல்லதாக இருக்க வேண்டும்.
• விவசாய தொழிற்பாடுகளை பொருளாதார ரீதியில் வாழும்தகுதியுடன் பேணிப் பாதுகாப்பதாய் இருக்க வேண்டும்.
• விவசாயிகளின் வாழ்க்கைத் தரத்தை உயர்த்துவதன் மூலம் மொத்த சமூகத்தின் வாழ்க்கைத் தரத்தையும் உயர்த்த வேண்டும்.