அன்னபார்

முன்பக்க தோற்றவடிவம்

பின்பக்க தோற்றவடிவம்

ஒரு ரோஸ்மவுண்ட் அன்னபார் (ஆங்: Annubar) (அ) “சராசரி பீட்டோ குழாய்” எனப்படும் முதன்மை உறுப்பானது ஒர் குழாயின் வழியே செல்லும் பாய்மங்களின் (வாயு, நீராவி மற்றும் திரவங்கள்) ஒட்டத்தினை அளவிடப் பயன்படும் ஒற்றைப்புள்ளி பீட்டோ குழாயினைப் போன்ற பல்வேறு புள்ளிகளின் சராசரியை கணக்கீடும் ஒர் பீட்டோ குழாய் ஆகும். ஒற்றைப்புள்ளி பீட்டோ குழாயினை விட பல்வேறு புள்ளிகளின் சராசரியை அளவீடும் அன்னபார் துல்லியமானதாகும்.

பீட்டோகுழாய் என்பது ஒரு குழாயின் வழியே பாயும் திரவத்தின் நிலையான அழுத்தம் மற்றும் பாய்ம அழுத்தம் இவற்றிற்கிடையேயுள்ள வித்தியாசத்தினை அளவீடுகிறது. இந்த அழுத்தங்களுக்கிடையுள்ள வித்தியாசத்திலிருந்து பெர்னூலி கொள்கை மற்றும் குழாயின் உள்விட்டம் ஆகியவற்றினைப் பயன்படுத்தி ஒட்டத்தின் கன அளவு கணக்கீடப்படுகிறது .

ஒரு “அன்னபார்” மற்றும் பராம்பரிய “பீட்டோ குழாய்” இடையேயள்ள மிகப்பெரிய வித்தியாசம் ஆனது குழாயின் பல்வேறு பகுதிகளிலிருந்து மாதிரிகளை அன்னபார் எடுக்கிறது. இந்த வழியில் அன்னபார், குழாயின் குறுக்குவெட்டு முழுவதிலிருந்தும் பாயும் மாறுபாடுகளுக்கான அழுத்தங்களின் வித்தியாசத்தின் கணக்குகளை எடுத்துக்கொள்கின்றன. பீட்டோ குழாய் ஆனது குழாயின் பாய்மங்களின் திசைவேகத்தின் சராசரி வேகத்திற்கு அருகில் இருக்கும் ஒரு புள்ளியில் இதேபோன்ற அளவீட்டைக் கொடுக்கும்.

அன்னபாரின் டி-வடிவ குறுக்குவெட்டு அமைப்பு ஆனது மற்ற 'சராசரி பீட்டோ குழாயினை' விட அதிக உறுதியாகவும் குறைந்த சிக்னல் இடையூறு உடையதாக உள்ளது.

அன்னபார் என்பது எமர்சன் நிறுவனத்தினரால் பதிவு செய்யப்பட்ட வர்த்தக பெயர் ஆகும்.

ஒரு “அன்னபார் சராசரி பீட்டோ குழாய்” ஆனது நிறுவ குறைந்த செலவே ஆகும், மேலும் இதிலிருந்து ஏற்படும் அழுத்தங்களின் வீழ்ச்சி என்பதும் புறக்கணிக்கத்தக்கது ஆனால் இது அழுக்கான அல்லது ஒட்டும் தன்மை கொண்ட திரவங்களின் ஒட்டத்தினை அளவீட பொருத்தமற்றதாகும். இது பல்வேறு புள்ளிகளின் சராசரி கொண்டு அளவீடுவதால் பெரிய குழாய்களில் பாய்மங்களின் ஓட்டத்தினை துல்லியமாக அளவிட உதவுகிறது.