வீரசிங்காதன புராணம்

வீரசிங்காதன புராணம் என்னும் பெயரில் இரண்டு நூல்கள் உள்ளன.

வீரசிங்காதனப் புராணம் என்னும் நூல் சிவப்பிரகாசருடைய தம்பி வேலைய சுவாமிகளாலும், பின்னர் கோட்டூர் உமைபாக தேவராலும் பாடப்பட்டது. வேலைய சுவாமிகள் 387 பாடல்கள் பாடினார். இவர் 1719-ல் காலமானார். பின்னர் உமைபாக தேவர் மேலும் 488 பாடல்கள் பாடி நூலை நிறைவுசெய்தார். தக்கயாகப் பரணி நூல் தோன்றிய முறைமை பற்றி இதில் கூறப்படும் கதை முழுவதும் கற்பனை.

மற்றொன்று உமாபதி சிவாசாரியர் எழுதினார் எனவும் தெரியவருகிறது. இது பற்றிய வேறு செய்தி ஏதும் கிடைக்கவில்லை.