வளி அரக்கக்கோள்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
வியாழன்
சனி

வளி அரக்கக்கோள் என்பது முதன்மையாக ஐதரசன், ஈலியம் கொண்டுள்ள பெரியக் கோளாகும். வியாழனும் சனியும் சூரிய குடும்பத்திலுள்ள வளி அரக்கக்கோள்களாகும். "வளி அரக்கக்கோள்" என்பது 1990கள் வரை "பெரும் கோள்கள்" என்ற வகைப்பாட்டிற்கு இணையாக கருதப்பட்டு வந்தது. ஆனால் 1990களில் யுரேனசும் நெப்டியூனும் தனிவகைகளாகப் பிரிக்கப்பட்டன; இவற்றின் உள்ளடக்கம் முதன்மையாக கனமான, ஆவியாகும் பொருட்களால் (பனி எனக் குறிப்பிடப்படுகின்றன) ஆகியிருப்பதால் இவை பனிக் கோள்கள் எனப்படுகின்றன.

வியாழனிலும் சனியிலும் பெரும்பாலும் ஐதரசன், ஈலியத்தால் நிறைந்துள்ளன; மிகுநிறையுள்ள தனிமங்கள் திண்மத்தின் 3இலிருந்து 13 விழுக்காடு வரை உள்ளன.[1] உருகியநிலையிலான பாறைக் கட்டமைப்பு கருவத்தை அடுத்து மாழைய ஐதரசன் நீர்மமும் இதனை வெளி அடுக்கில் நீரியம் சூழ்ந்தும் கட்டமைக்கப்பட்டுள்ளதாக கருதப்படுகின்றது. ஐதரசன் வளிமண்டலத்தின் வெளிப்புறப் பகுதியில் பல அடுக்குகளிலான நீராலும் அம்மோனியாவாலுமான மேகங்களைக் காணலாம். மாழைநிலை ஐதரசன் இக்கோள்களின் பெரும்பான்மை உள்ளடக்கமாக உள்ளது; மிகுந்த உயர்நிலை அழுத்தத்தால் ஐதரசன் மின்கடத்தியாக செயற்படுவதால் "மாழைய" ஐதரசன் என்று குறிப்பிடப்படுகின்றது. கருவத்தில் உள்ளதாகக் கருதப்படும் மிகுநிறை தனிமங்கள் மிகுந்த உயர் அழுத்தத்திலும் மிகுந்த உயர் வெப்பநிலையிலும் (20,000 K) உள்ளதால் அவற்றின் பண்புகள் சரியாக அறியப்படவில்லை.[1]

மேற்சான்றுகள்[தொகு]

  1. 1.0 1.1 The Interior of Jupiter, Guillot et al., in Jupiter: The Planet, Satellites and Magnetosphere, Bagenal et al., editors, Cambridge University Press, 2004
"https://ta.wikipedia.org/w/index.php?title=வளி_அரக்கக்கோள்&oldid=2283168" இருந்து மீள்விக்கப்பட்டது