யுகியோ அட்டொயாமா
யுகியோ அடொயாமா Yukio Hatoyama 鳩山 由紀夫 | |
|---|---|
 | |
| 93வது சப்பானியப் பிரதமர் | |
| பதவியில் செப்டம்பர் 2009 | |
| ஆட்சியாளர் | அக்கிஹிட்டோ |
| Succeeding | டாரோ ஆசோ |
| 9வது ஒக்கைடோ மாவட்டத்தின் நாடாளுமன்ற உறுப்பினர் | |
பதவியில் உள்ளார் | |
| பதவியில் 1986 | |
| தனிப்பட்ட விவரங்கள் | |
| பிறப்பு | 11 பெப்ரவரி 1947 டோக்கியோ, ஜப்பான் |
| அரசியல் கட்சி | மக்களாட்சிக் கட்சி(1998–இன்று) |
| பிற அரசியல் தொடர்புகள் | லிபரல் மக்களாட்சிக் கட்சி (1993 இற்கு முன்னர்) புதிய கட்சி சக்கிகேக் (1993–1996) |
| துணைவர் | மியூக்கி அட்டொயாமா |
| முன்னாள் மாணவர் | டோக்கியோ பல்கலைக்கழகம் ஸ்டான்போர்ட் பல்கலைக்கழ்கம் |
| தொழில் | பொறியாளர் |
| இணையத்தளம் | http://www.hatoyama.gr.jp/ |
யுகியோ அட்டொயாமா (Yukio Hatoyama, 鳩山由紀夫, பிறப்பு: பெப்ரவரி 11, 1947) ஜப்பானிய அரசியல்வாதியும், ஜப்பானிய மக்களாட்சிக் கட்சியின் தலைவரும் ஆவார். ஆகஸ்ட் 2009 இல் இடம்பெற்ற நாடாளுமன்றத் தேர்தல்களில் இவரது எதிர்க்கட்சிக் கூட்டணி பெரும் வெற்றி பெற்றது. இதையடுத்து இவர் நாட்டின் பிரதமராகத் தேர்ந்தெடுக்கப்பட்டார்[1].
வாழ்க்கைக் குறிப்பு
[தொகு]
டோக்கியோவில் பிறந்த அட்டொயாமா சப்பானின் முன்னாள் பிரதமர் இச்சிரோ அட்டொயாமாவின் பேரனும், முன்னாள் வெளியுறவுத்துறை அமைச்சர் ஈச்சிரோ அட்டொயாமாவின் மகனும் ஆவார். இவரும் இவரது சகோதரர் கூனியோ அட்டொயாமாவும் அட்டொயாமா குடும்பத்தின் நான்காம் தலைமுறையைச் சேர்ந்த அரசியல்வாதிகளாவர். டோக்கியோ பல்கலைக்கழகத்தில் பட்டப்படிப்பையும் ஸ்டான்போர்ட் பல்கலைக்கழகத்தில் பொறொயியல் துறையில் முனைவர் பட்டத்தையும் பெற்றார்[2][3]. டோக்கியோ பல்கலைக்கழகத்தில் பணியாற்றியபின்னர் சென்சூ பல்கலைக்கழகத்தில் துணைப் பேராசிரியரானார்.
அரசியல்
[தொகு]ஒக்கைடோ 38வது மாவட்டத்திலிருந்து நாடாளுமன்றத்துக்கு 1986 ஆம் ஆண்டில் ஆளும் லிபரல் கட்சியில் இருந்து அட்டொயாமா தேர்ந்தெடுக்கப்பட்டார். 1993 இல் ஆளும் கட்சியில் இருந்து விலகி "புதிய கட்சி சாக்கிகேக்" என்ற பெயரில் புதிய கட்சியொன்றை ஆரம்பித்தார். அதன் பின்னர் புதிதாக ஆரம்பிக்காப்பட்ட ஜப்பான் மக்களாட்சிக் கட்சியில் இணைந்தார்.
அக்கட்சியின் தலைவராகத் தேர்ந்தெடுக்கப்பட்ட அட்டோயாமா 1999 முதல் 2002 வரை எதிர்க்கட்சித் தலைவராக இருந்தார். பின்னர் அக்கட்சியின் செயலாளர்-நாயகமாக இருந்த அட்டொயாமா[3], தலைவராக இருந்த ஒசாவா 2009, மே 11 இல் பதவி விலகியதை அடுத்து, மீண்டும் கட்சித் தலைவரானார்[4].
மேற்கோள்கள்
[தொகு]- ↑ Japan's Hatoyama sweeps to power, பிபிசி, ஆகஸ்ட் 31, 2009
- ↑ Japan's Hatoyama Sustains Family Political Tradition, Wall Street Journal, AUGUST 1, 2009
- ↑ 3.0 3.1 Yukio HATOYAMA
- ↑ Hatoyama Wins Election to Head Japan’s Biggest Opposition Party