நெல்லை ஆ. கணபதி

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

நெல்லை ஆ. கணபதி (பிறப்பு: 3 டிசம்பர் 1935 - இறப்பு: 27 மே 2019) சிறுவர்க்கான கதைகள், நாடக நூல்கள் பல எழுதியவர். இவர் ஐம்பதுக்கும் மேற்பட்ட நூல்கள் எழுதியுள்ளார்.

பிறப்பும் இளமையும்[தொகு]

திருநெல்வேலி மாவட்டத்தில் உள்ள கரந்தானேரி எனும் சிற்றூரில் 03-12-1935 இல் பிறந்தார். பெற்றோர் ஆண்டபெருமாள்- கோமதி அம்மாள்.தமிழில் முதுகலைத் தமிழ் பயின்ற இவர்,'வித்துவான்' பட்டம் பெற்றுள்ளார். இவர் அரசு மேல்நிலைப்பள்ளியில் தமிழாசிரியராகப் பணியாற்றி உள்ளார்; அதற்காக நல்லாசிரியர் விருது பெற்றுள்ளார். தனது இலக்கியப்பணிக்காக ஏவிஎம் அறக்கட்டளையின் சிறந்த எழுத்தாளருக்கான விருதுபெற்றுள்ளார். இவர் மனைவி சுப்புலெட்சுமி; இவருக்குப் பெண்மக்கள் இருவரும் மகன் ஒருவரும் உள்ளனர். அப்பெண்மக்களுள் ஒருவர் நெடுங்கதை எழுத்தாளரும் தொலைக்காட்சி நிலைய இயக்குநருமான ஆண்டாள் பிரியதர்ஷினி ஆவார்.[1]இவரது குடும்பமே தமிழ் இலக்கியத்தில் ஈடுபாடுகொண்ட குடும்பமாகும்.

படைப்புகள்[தொகு]

கவிதை, கட்டுரை, கதை, திரைப்பட இசைப்பாடல்கள் எனப் பன்முக படைப்பாற்றல் மிக்கவர். 20க்கு மேற்பட்ட இலக்கிய நூல்களையும் 30க்கும் மேற்பட்ட குழந்தையிலக்கிய நூல்களையும் எழுதியுள்ளார்.

கவிதைகள்[தொகு]

  • சென்னைத் தமிழ்
  • அங்கயற்கண்ணி
  • ஆனைவிடு தூது
  • நாட்டுப்பற்று
  • இலக்கிய வழிகாட்டி

கட்டுரைகள்[தொகு]

  • திட்டினாலும் தித்திக்கும்
  • டாக்டர் ராதாகிருஷ்ணன்
  • கம்பர் விருந்து
  • இந்திரா காந்தி
  • நேரு மாமா

கதைகள்[தொகு]

  • அம்மா கையில் மந்திரக்கோல்
  • ஒரு கதையின் கதை
  • நம்பிக்கை வேண்டும்
  • பாடு பாடு பண்பாடு பாடு
  • தலையணை மந்திரம்

நாடக நூல்[தொகு]

  • அப்பா அம்மா செல்லப்பிள்ளை

பட்டங்கள்[தொகு]

இவர் 1963 இல்,' தமிழகம்' எனும் திங்களிதழ் நடத்திய கவிதைப் போட்டியில் பங்கு பெற்று முதல் பரிசுப் பெற்றுள்ளார். 1990 இல் அண்ணாநகர் தமிழ்சங்கம் நிகழ்ச்சியில் கலந்து கொண்டு, மரபு கவிதை எனும் தலைப்பில் உரையாற்றினார்.

மறைவு[தொகு]

நெல்லை ஆ கணபதி 2019 மே 27ஆம் நாள் திங்கட்கிழமை சென்னை அண்ணாநகர் திருமங்கலம் பகுதியிலுள்ள தனது வீட்டில் காலமானார். [1]

உசாத்துணை[தொகு]

  • ப.முத்துக்குமாரசுவாமி, ' இருபதாம் நூற்றாண்டின் 100 தமிழ்க்கவிஞர்கள்' பழனியப்பா பிரதர்ஸ் -2004.

சான்றடைவு[தொகு]

"https://ta.wikipedia.org/w/index.php?title=நெல்லை_ஆ._கணபதி&oldid=2742939" இருந்து மீள்விக்கப்பட்டது