நிக்காட்டீன்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
நிக்காட்டீன்
நிக்காட்டீன்

நிக்காட்டீன் அல்லது நிக்கோட்டீன் எனப்படுவது, சில தாவர வகைகளில், சிறப்பாகப் புகையிலையிலும், சிறிய அளவில் தக்காளி, உருளைக்கிழங்கு, கத்தரி, பச்சை மிளகு போன்றவற்றிலும் காணப்படுகின்றது. இதனை, கோகேயின் (cocaine) என்னும் பொருளுடன் சேர்ந்து கொக்கோ தாவரத்தின் இலைகளிலும் காணலாம். புகையிலையின் உலர் நிறையில் 0.6 - 3.0% நிக்காட்டீன் உள்ளது. இது புகையிலைச் செடியின் வேரில் உருவாக்கப்பட்டு இலையில் சேமிக்கப்படுகிறது. இது ஒரு தாவர உண்ணி எதிர்ப்பு வேதிப்பொருள் ஆகும். இதனால் முன்னர் நிக்காட்டீன் பூச்சிக்கொல்லிகளில் பயன்படுத்தப்பட்டது. இதனையொத்த இமிடாகுளோப்பிரிட் (imidacloprid) இன்னும் பரவலாகப் பயன்பாட்டில் உள்ளது.

குறைவான செறிவில், இப்பொருள் பாலூட்டிகளில் ஒரு தூண்டியாகச் செயல்படுவதுடன், புகைத்தலில் தங்கியிருத்தலை உருவாக்குவதற்கான முக்கிய காரணிகளுள் ஒன்றாகவும் இது விளங்குகின்றது. அமெரிக்க இதயக் கழகத்தின் கூற்றுப்படி, நிக்காட்டீன் பழக்கம் நிறுத்துவதற்கு மிகக் கடினமானதொரு பழக்கம் ஆகும். புகையிலைக்கு அடிமையாதலைத் தீர்மானிக்கும் மருந்தியல் மற்றும் நடத்தை இயல்புகள், ஹெரோயின், கொக்கேயின் போன்ற போதைப் பொருள்களுக்கு அடிமையாவதைத் தீமானிக்கும் இயல்புகளை ஒத்தது.

"http://ta.wikipedia.org/w/index.php?title=நிக்காட்டீன்&oldid=1540188" இருந்து மீள்விக்கப்பட்டது