தொடர் கல்வி

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

சிறிதளவு கற்றவர்கள் மேலும் தொடர்ந்து கற்க எல்லா வாய்ப்புகளையும் தருகின்ற கல்வியே தொடர் கல்வியாகும்.

நாளுக்கு நாள் மாறிக்கொண்டிருக்கும் உலகில் ஒவ்வொரு ஐந்தாண்டுக் காலத்திலும் அறிவுப் பெருக்கம் என்பது இரண்டு மடங்காகின்றது. இந்த நிலையில் பள்ளிக்கூடங்களில் பெற்ற அறிவைக் கொண்டு முழுவாழ்க்கை யையும் வாழ இயலாத காரியம். எனவே பொது அறிவையும், தொழிற்கல்வியையும் புதுப்பித்துக்கொள்ள வேண்டிய கட்டாயத்தில் உள்ளோம்.

நாம் ஒவ்வொருவரும் பள்ளிக்கல்வியை தொடங்கி ஒரு குறிப்பிட்ட நிலையில் முடித்துக் கொள்கிறோம். பின்பு கல்வியைப் பெற (அ) அறிவைப் புதுப்பிக்க மீண்டும் பள்ளி செல்ல முடியாது. நாம் செய்யும் வேலைகளை விட்டுவிட்டு முழுநேரத்தையும் கல்வி பயில செலவிட முடியாத நிலைதான் நிலவுகிறது. அடிப்படை எழுத்தறிவு பெற்றவர்கள் மேலும் கல்வியறிவு பெறுவதற்கும் பெற்ற கல்வியோடு ஒரு குறிப்பிட்ட துறையில் மேலும் அறிவைப் பெறுவதற்கும் தொடர் கல்விமுறை சிறந்ததாகும்.

பொது அறிவு, தொழிலறிவு, பிறதொழிலறிவு, கல்வித்தரம், பயனுள்ள பொழுதுபோக்கு என ஒரு முழு வாழ்க்கை வாழ்வதற்கான முயற்சியே தொடர்கல்வியாகும். முறைசார்ந்த கல்வி பள்ளிகளில் தரப்படுகிறது. இதற்கு காலம், இடம், பாடம் என வரையறைகள் உண்டு. முறைசார் கல்வி ஒரு குறிப்பிட்ட எல்லையில் நிறைவு பெற்றுவிடும். ஆனால் தொடர் கல்விக்கு பாடம், கால அளவு, இடம் போன்ற வரையறைகள் கிடையாது.

தொடர் கல்வி என்பது வாழ்க்கைமுறை, தொழில், குடும்பம், ஓய்வு நேரத்தைப் பயன்படுத்துவது என முழுமையான வாழ்க்கைக்கு தேவையான அனைத்தையும் தருவதாகும். இது நாம் தினமும் படிக்கும் நாளிதழ், நாவல் முதல் இலக்கியங்கள் வரை உள்ளடக்கியதாகும். [1]

  1. கல்வி ஒப்பியல்.. சக்தி பதிப்பகம்,சிதம்பரம்.. 1994. 
"https://ta.wikipedia.org/w/index.php?title=தொடர்_கல்வி&oldid=1962916" இருந்து மீள்விக்கப்பட்டது