திருப்பம் (இயற்பியல்)

இயற்பியலில் திருப்பம் (moment) எனும் பதம் வேறுபட்ட பல எண்ணக்கருக்களை விளக்கப் பயன்படுகின்றது. இயற்பியல் கணியம் ஒன்று நீள அலகு ஒன்றினால் பெருக்கப்படுவதைத் திருப்பம் என பொதுவில் குறிப்பிடலாம்.

விளக்கம்

அடிப்படையில், திருப்பம் என்பது புள்ளி ஒன்றுக்கான நீளத்திற்கும் அதன் மீது தாக்கும் பௌதீகக் கணியத்திற்குமிடையிலான பெருக்கமாகும். இந்தப் பௌதீகக் கணியம் விசை,வலு, அல்லது மின்னூட்டமாக இருக்கும்.

$\mu _{n}=r^{n}\,Q,$

இங்கு $Q$ புள்ளியின் மீது தாக்கும் விசை,வலு, அல்லது மின்னூட்டம்|மின்னூட்டமாக இருக்கும். ஒரு தனிப் புள்ளியில் கணியம் தாக்காத சந்தர்ப்பத்தில் தளத்தில் செலுத்தப்படும் கணியத்தின் தொகையீடு செய்யப்பட்ட பெறுமதி பயன்படும்.

$\mu _{n}=\int r^{n}\rho (r)\,dr$

இங்கு $\rho$ தாக்கும் கணியத்தின் பரம்பல்.

விசையின் திருப்பம்

விசையின் திருப்பம் எனப்படுவது விசை காரணமாக செகிழ்ச்சியுறாத பொருளொன்றில் ஏற்படும் திரும்பல் விளைவு ஆகும். கணித ரீதியில் ஒரு அச்சு பற்றி பொருளொன்றை திருப்ப முனைகின்ற விசையினதும் விசையின் தாக்கப் புள்ளியில் இருந்து திரும்பல் அச்சுக்கான செங்குத்துத் தூரத்துக்குமான பெருக்கம் திருப்பத்தைத் தரும்.