திணைமாலை நூற்றைம்பது பழைய உரை
பண்டைத் தமிழர் எழுதிய நூல்கள் பெரும்பாலும் பாடல்களாகவே அமைந்திருந்தன. பண்டைய இயற்சொற்கள் பல அவற்றில் விரவி வந்தமையால் அவற்றைப் பொதுமக்கள் உணர்ந்துகொள்ளும் பொருட்டு நல்லறிஞர்கள் பலர் பாடல்களுக்கு உரை எழுதினர். அவற்றில் பழமையான உரைகள் 1200 – 1500 ஆம் ஆண்டுக்கால இடைவெளியில் தோன்றியவை.[1]
கணிமேதாவியார் என்னும் புலவரால் இயற்றப்பட்ட திணைமாலை நூற்றைம்பது நூலுக்குப் பழைய உரை ஒன்று உண்டு. உரை ஆசிரியர் பெயர் தெரியவில்லை.[2]
இந்த உரை முதல் 127 பாடல்களுக்கு மட்டுமே உள்ளது. அகத்திணைகளுக்குத் தெளிவான விளக்கத்துடன் பொழிப்புரையாக உள்ளது.
- இலக்கணக் குறிப்பு
- விளக்கம்
என்னும் உரைப்பாங்குகளும் உள்ளன
இந்த உரைநூலின் காலம் 13ஆம் நூற்றாண்டு.
கருவிநூல்
[தொகு]- மு. அருணாசலம், தமிழ் இலக்கிய வரலாறு, பதின்மூன்றாம் நூற்றாண்டு, 2005