ஜூடித் துலுகா
ஜூடித் துலுகா | |
|---|---|
 சுமின்வா 2023-இல் சப்பானிலிருந்து அரிசியினை நன்கொடையாகப் பெறுகிறார் | |
| காங்கோ மக்களாட்சிக் குடியரசின் பிரதமர் | |
பதவியில் உள்ளார் | |
| பதவியில் 1 ஏப்ரல் 2024 | |
| குடியரசுத் தலைவர் | பெலிக்சு சிசெகெடி |
| முன்னையவர் | சாமா லுகொண்டே |
| தனிப்பட்ட விவரங்கள் | |
| பிறப்பு | 19 அக்டோபர் 1967 காங்கோ குடியரசு |
| அரசியல் கட்சி | மக்களாட்சி மற்றும் சமூக முன்னேற்றத்திற்கான ஒன்றியம் (காங்கோ ஜனநாயக குடியரசு) |
| துணைவர் | துலுகா |
| முன்னாள் கல்லூரி | பிரசெல்சு பிரி பல்கலைக்கழகம் |
ஜூடித் சுமின்வா துலுகா (Judith Tuluka) என்பவர் காங்கோ அரசியல்வாதி ஆவார். இவர் காங்கோ மக்களாட்சிக் குடியரசின் பிரதமராகக் குடியரசுத் தலைவர் பெலிக்சு சிசெகெடியால் 1 ஏப்ரல் 2024 அன்று நியமிக்கப்பட்டார். இந்த பதவியினை ஏற்கும் முதல் பெண்மணி துலுகா ஆவார்.[1][2] இவரது அரசினை தேசிய சட்டமன்றம் அங்கீகரிக்கப்படும் வரை இவர் பிரதமராக நியமிக்கப்பட்டுள்ளார். இவரது நியமனத்திற்கு முன்பு துலுகா லுகோண்டே அமைச்சரவையில் திட்டமிடல் அமைச்சராக இருந்தார்.
சுமின்வா பிரசல்சு பிரி பல்கலைக்கழகத்தில் பயன்பாட்டுப் பொருளாதாரத்தில் முதுகலைப் பட்டமும், வளரும் நாடுகளில் வேலை குறித்த கூடுதல் ஆய்வுகளின் பட்டயப்படிப்பும் முடித்துள்ளார்.
ஐக்கிய நாடுகள் வளர்ச்சித் திட்டம் உள்ளிட்ட ஐக்கிய நாடுகளின் நிறுவனங்களில் சேருவதற்கு முன்பு துலுகா வங்கித் துறையில் பணியாற்றினார். இவர் நாட்டின் கிழக்கில் ஒரு சமூக ஆதரவு திட்டத்தில் தேசிய நிபுணராக இருந்தார். பின்னர் நிதிநிலை அமைச்சகத்தில் பணியாற்றினார். இதன் பின்னர் குடியரசுத் தலைவரின் மூலோபாய கண்காணிப்புக் குழுவின் துணை ஒருங்கிணைப்பாளராக ஆனார்.
சுமின்வா 24 மார்ச் 2023 அன்று பிரதமர் சாமா லுகோண்டே அரசாங்கத்தில் திட்டமிடல் அமைச்சராக நியமிக்கப்பட்டார்.[3]
மேற்கோள்கள்[தொகு]
- ↑ "Judith Suminwa Tuluka devient la première femme Première ministre de la RDC". lebaobab.net (in பிரெஞ்சு). 1 April 2024.
- ↑ "RDC : Judith Suminwa Tuluka nommée Première ministre". RTBF (in பிரெஞ்சு). பார்க்கப்பட்ட நாள் 1 April 2024.
- ↑ "RDC-Sama Lukonde II : ce qu'il faut savoir de Judith Tuluka Suminwa, la nouvelle ministre d'Etat en charge du Plan". Actualite.cd (in பிரெஞ்சு). 27 March 2023. பார்க்கப்பட்ட நாள் 1 April 2024.