கரிமதயோபாசுபேட்டுகள்

கரிமதயோபாசுபேட்டுகள் (Organothiophosphates) என்பவை (RO)₃PS, [(RO)₂P(S)O]⁻, R(RO)₂PS, போன்ற பொது மூலக்கூற்று வாய்ப்பாடுகளால் விவரிக்கப்படும் கரிமபாசுபரசு சேர்மங்களைக் குறிக்கும். கரிமபாசுபோரோதயோயேட்டுகள் என்றும் இவற்றை அழைக்கலாம். கரிமபாசுபரசு சேர்மங்களின் துணைக்குழுவாக இவை வகைப்படுத்தப்படுகின்றன. கரிமதயோபாசுபேட்டுகளில் பல தீங்குயிர்க்கொல்லிகளாகவும் சில சேர்மங்கள் மருத்துவப் பயன்பாட்டிலும் மற்றும் சில எண்ணெய் கூட்டுசேர் பொருட்களாகவும் பயன்படுகின்றன.

தேர்ந்தெடுக்கப்பட்ட சில கரிமதயோபாசுபேட்டுகள்

• 
  எக்கோதயோபேட்டு, கண் அழுத்த நோய் சிகிச்சையில் பயன்படுகிறது
• 
  அமிபோசிடைன், புற்றுநோய் வேதிச்சிகிச்சையில் பயன்படுகிறது.
• 
  குளோரோபைரிபோசு, ஒரு பூச்சிக்கொல்லி
• 
  மாலாதயோன், ஒரு பூச்சிக்கொல்லி
• 
  பாசுபோரோதயோயேட்டுகள் அனைத்தும் ஆர்.என்.ஏ. எதிர்ப்பு மருத்துவத்திற்கு அடிப்படையாகும்.

ஒலிகோநியூக்ளியோடைடு பாசுபோரோதயோயேட்டுகள் என்பவை பாசுபரசு மையத்திலுள்ள ஆக்சிசன் அணுக்களில் ஒன்று கந்தகத்தால் இடப்பெயர்ச்சி செய்யப்பட்ட ஒலிகோநியூக்ளியோடைடுகள் ஆகும். இவ்வகைச் சேர்மங்கள் மரபணு பிறழ்ச்சி சிகிச்சைக்கான அடிப்படையாகும். பாமிவிர்சன் மருந்து, ஓப்ளிமெர்சன், அலிகேபோர்சன் மற்றும் மிப்போமெர்சன் மருந்துகள் இதற்கு உதாரணமாகும்

மேலும் சில உதாரணங்கள்:

• டையசினோன்
• பெனிட்ரோதயோன்
• பென்தயோன்.

P=O இரட்டைப் பிணைப்புகளுடன் கூடிய மாறுபட்ட மருந்துகள் உருவாக்கப்பட்டன. இவை பூச்சிக் கொல்லிகளாகப் பயன்படுத்தப்பட்டன. பாசுபரோதயோயேட்டு P=S பிணைப்பு பூச்சிகளைக் குறிவைத்து நச்சுத்தன்மை கொண்ட P=O பிணைப்பாக மாற்றப்படுகிறது.

கட்டமைப்பும் தயாரிப்பும்

பொதுவாக நான்முகி பாசுபரசு(V) மையங்களை இவ்வகைச் சேர்மங்கள் பெற்றிருக்கும். பாரம்பரியாமாக மாலாதயோனில் விளக்கப்பட்டுள்ளபடி தயோபாசுபேட்டுகளில் P=S இரட்டைப் பிணைப்பு இணைந்திருக்க வேண்டும். தயோபாசுபேட்டுகளில் அமிபோசுட்டைன் மருந்தில் உள்ளதுபோல P-S ஒற்றைப் பிணைப்புகள் உள்ளன.

கருத்துருவில் அவை கனிம தயோபாசுபேட்டுகளிலிருந்து (PO_4−xS³⁻
_x) வழிப்பெறுதியாகப் பெறப்படுகின்றன. உண்மையில் பல கரிமதயோபாசுபேட்டுகள் இருகரிமயிருதயோபாசுபாரிக் அமிலங்களின் இடைநிலைகள் வழியாகத் தயாரிக்கப்படுகின்றன, பாசுபரசுபென் டாசல்பைடுடன் ஆல்ககால்கள் சேர்த்து சூடுபடுத்தினால் இருகரிமயிருதயோபாசுபாரிக் அமிலம் உருவாகிறது.:

P₂S₅ + 4 ROH → 2 (RO)₂PS₂H + H₂S

டைமெத்தில் டைதயோபாசுபாரிக் அமிலம் மற்றும் டையெத்தில் டைதயோபாசுபாரிக் அமிலம் போன்றவை இம்முறையிலேயே தயாரிக்கப்படுகின்றன. டைமெத்தில் டைதயோபாசுபாரிக் அமிலம் மாலாதயோன் தயாரிப்பதற்கான முன்னோடிச் சேர்மமாகும்.