எம். பி. ஆத்ரேயா

எம். பி. ஆத்ரேயா MB Athreya (பிறப்பு 1941) என்னும் முனைவர் மிருத்யுஞ்சயன் பாலசுந்தரம் ஆத்ரேயா நிர்வாகத் துறையின் ஆசிரியர்(குரு) என்று புகழப்படுபவர்.

வாழ்க்கையும்,கல்வியும்

திருநெல்வேலி அருகேயுள்ள தருவை சிற்றூரில் பிறந்தவர் இவர். பத்தமடையில் பள்ளிப்படிப்பு, புள்ளியியலில் இளநிலைப்பட்டம், செலவுக் கணக்கியலில் அகில இந்திய அளவில் தங்கப்பதக்கம், ஹார்வர்ட் பர்கலைக்கழகத்தில் வர்த்தக நிர்வாகத்தில் முனைவர் பட்டம் பெற்றார்.

பணிகள்

கல்கத்தாவில் உள்ள இந்திய நிர்வாகக் கழகத்தில் பேராசிரியர் பணி, லண்டன் பிசினஸ் பள்ளியில் வருகைப் பேராசிரியர் பணி, பல்வேறு நிறுவனங்களின் நிர்வாகக் குழுவில் முன்னாள் இயக்குநர். இந்திய மற்றும் வெளிநாட்டு நிறுவனங்களுக்கு நிர்வாக ஆலோசனை வழங்கும் மையத்தை நடத்திவருகிறார்.

வகித்த பதவிகள்

• விமான போக்குவரத்து, விமான நிலையங்கள, அணுமின்சாரம் குறித்த கொள்கை முடிவுகளை எடுக்கும் குழுவில் உறுப்பினர்.
• தொலைத் தொடர்பு மறு சீரமைப்புக் குழுவில் உறுப்பினர்.
• தேசிய மயமாக்கப்பட்ட 27 வங்கிகளுக்கான இயக்குநர், தலைவரைத் தேர்வு செய்யும் குழு உறுப்பினர்.
• இந்திய வங்கிகள் அமைப்பின் ஆலோசனைக் குழு உறுப்பினர்

விருதுகள்

ஹுவர் ஃபெல்லோ விருது, ஃபோர்டு ஃபெல்லோ விருது உள்ளிட்ட பல்வேறு விருதுகளைப் பெற்றவர்.