இலக்கிம்பூர் மகளிர் கல்லூரி
| வகை | பொது |
|---|---|
| உருவாக்கம் | 1972 |
| அமைவிடம் | இலக்கிம்பூர் , , |
| சேர்ப்பு | திப்ருகர் பல்கலைக்கழகம் |
| இணையதளம் | http://lgcollege.ac.in/file/ |
இலக்கிம்பூர் மகளிர் கல்லூரி (Lakhimpur Girls' College) இந்தியாவில் அசாமின் வடக்கு லக்கிம்பூரில் அமைந்துள்ள ஒரு மகளிர் கல்லூரி ஆகும். இந்த கல்லூரி திப்ருகர் பல்கலைக்கழகத்துடன் இணைக்கப்பட்டுள்ளது.[1] இக்கல்லூரி கலை மற்றும் அறிவியலில் இளநிலை பட்டப்படிப்புகளை வழங்குகிறது.
வரலாறு
[தொகு]1972ஆம் ஆண்டு ஆகத்து 16ஆம் தேதி பல்கலைக்கழகத்திற்கு முந்தைய வகுப்புகளுடன் நிறுவப்பட்ட இலக்கிம்பூர் பெண்கள் கல்லூரி, பிரம்மபுத்திராவின் வடகரையிலும் பெண்களுக்கான உயர்கல்விக்கான முதன்மை இடமாக நிறுவப்பட்டது. பெண்கள் உயர்நிலைப் பள்ளியில் 1972ஆம் ஆண்டு சூலை 9 ஆம் தேதி ஒரு பொதுக் கூட்டத்தில் மகளிர் கல்லூரி அமைப்பது குறித்து விவாதிக்கப்பட்டது. கூட்டத்திற்கு வடக்கு லக்கிம்பூரின் பிரபல சமூக சேவகர் மகானந்தா போரா தலைமை தாங்கினார். அப்போதைய லக்கிம்பூர் மாவட்டத்தின் துணை ஆணையராக இருந்த நித்யேந்திரநாத் முகர்ஜி தலைவராகவும், வடக்கு லக்கிம்பூர் அரசாங்கத்தின் தலைமையாசிரியர் புன்யா அசாரிகாவும் கொண்ட நிர்வாகக் குழு அமைக்கப்பட்டு 1972ஆம் ஆண்டு ஆகத்து 16ஆம் தேதி கல்லூரி திறக்கப்பட்டது. ஆகத்து 11, 1975 அன்று, வடக்கு லக்கிம்பூர் கல்லூரி அசாம் அரசின் குடியேற்றத் துறையின் பழைய கட்டிடத்தைப் பெற்றுப் புதுப்பித்துக்கொண்டது.
அசாம் அரசிடமிருந்து இக்கல்லூரியில் பட்டப்படிப்பு வகுப்புகள் தொடங்குவதற்கு முன் அனுமதி 1975ஆம் ஆண்டு ஆகத்து 25ஆம் தேதி பெறப்பட்டது. திப்ருகர் பல்கலைக்கழகம் 1975ஆம் ஆண்டு செப்டம்பர் 22 ஆம் தேதி பட்டப்படிப்பு வகுப்புகளைத் தொடங்க அனுமதி வழங்கியது. 1976ஆம் ஆண்டில், கல்லூரி பட்டப் படிப்புகளுக்கான இணைப்பு வழங்குவதற்காகப் பல்கலைக்கழக மானியக்குழுவினை அணுகியது. பல்கலைக்கழக மானியக்குழு அனுமதியினைப் பெற்ற இக்கல்லூரி ஆறாவது திட்டக் காலத்திலிருந்து மானியங்களைப் பெற தகுதியுடையதானது. 1984ஆம் ஆண்டு மார்ச் 7ஆம் தேதி கலை பாடத்திற்கான நிரந்தர அனுமதி வழங்கப்பட்டது. 1984ஆம் ஆண்டு கல்லூரி தற்போதைய மற்றும் நிரந்தர இடத்தில் உள்ள இதன் சொந்த கட்டிடத்திற்கு மாற்றப்பட்டது.
துறைகள்
[தொகு]- மானுடவியல்
- அசாமி மொழி
- ஆங்கிலம்
- இந்தி
- பொருளாதாரம்
- அரசியல் அறிவியல்
- வரலாறு
- கல்வியியல்
- தாவரவியல்
- வேதியியல்
- கணினி அறிவியல்
- நிலவியல்
- மனை அறிவியல்
- கணிதம்
- தத்துவம்
- இயற்பியல்
- விலங்கியல்
மேற்கோள்கள்
[தொகு]- ↑ "Affiliated College of Dibrugarh University". Archived from the original on 2020-05-11. Retrieved 2024-03-06.