இசுத்திரிப் பெட்டி
இசுத்திரிப் பெட்டி (Iron Box) என்பது உடையில் இருக்கும் சுருக்கங்களை சீர் செய்ய பயன்படும் ஒரு கருவியாகும். வெப்பத்தை அழுத்தி பிரயோகிக்கும் பொழுது அது உடையின் இழைகளை சீர் செய்யும். இதுபோன்ற கருவிகள் முதலாம் நூற்றாண்டிலேயே சீனாவில் பயன்படுத்தப்பட்டன. மூலக்கூற்று இடைவிசையினால் பருத்தி ஆடைகளின்மேல் நீர் தெளித்து இதனைப்பயன்படுத்துவர். ஹென்ரி சீலி என்பவர் 1882இல் மின்சார இசுத்திரிப் பெட்டியினை உருவாக்கி அதற்கு ஜூன் 6, 1882இல் காப்புறிமை பெற்றார்.[1]
பருத்தி, பட்டு, கம்பளி போன்ற வெவ்வேறு துணிகளுக்கு வெவ்வேறு வெப்பநிலைகள் தேவைப்படும். அதிக வெப்பம் சில துணிகளை சேதப்படுத்தலாம். சலவை செய்யும் போது துணிகளை சற்று ஈரப்பதமாக வைத்திருப்பது சுருக்கங்களை எளிதாக நீக்க உதவும். உலர் சலவை அல்லது நீராவி சலவை என இரு முறைகளில் சலவை செய்யலாம். நீராவி சலவை அதிக சுருக்கங்கள் உள்ள துணிகளுக்கு பயனுள்ளதாக இருக்கும்.