அ. இளங்கோவன்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

அ. இளங்கோவன் (பிறப்பு:1942 ஜூலை 5) பலகலைக்கழகத்தின் கட்டமைப்புத் துறையின் பேராசிரியரும் தமிழில் 1960 களில் இருந்தே அறிவியலையும் தொழில்நுட்பத்தையும் படைக்க முனைந்த முன்னோடிகளில் ஒருவரும் ஆவார். இவர் பொறியியல் இளவல் பாடத்திட்டத்தில் கட்டிடப் பொறியியல் சார்ந்த ஐந்து பாட நூல்களைத் தமிழில் எழுதியுள்ளார். அண்ணா பல்கலைக்கழகம் இந்நூல்களை வெளியிட்டுள்ளது. இவற்றைப் பயன்படுத்தி தமிழில் பொறியியல் பயின்ற அண்ணா பலகலைக்கழக மாணவருக்குப் பாடம் எடுத்துள்ளார். இவர் அண்ணா பல்கலைக் கழகம் நடத்திய களஞ்சியம் காலாண்டிதழின் ஆசிரியக் குழுவின் தலைவராகவும் இருந்துள்ளார்.

இளமை[தொகு]

இவர் சேலம் மாவட்டத்தில் உள்ள எந்காலைக்கு அருகில் அமைந்த திருமலைகிரியில் சி. அப்பவு என்பவருக்கும் கோவிந்தம்மாள் என்பவருக்கும் 1942 ஆம் ஆண்டு சூலைத் திங்கள் 5 ஆம் நாளன்று பிறந்தார்.

பள்ளிக் கல்வி[தொகு]

இவர் தன் தொடக்கநிலைப் பள்ளிக் கல்வியைத் திருமலைகிரி ஊராட்சி ஒன்றியத் தொடக்கநிலைப் பள்ளியில் 1947 முதல் 1952 வரையில் படித்துள்ளார். அடுத்து தன் உயர்நிலைப் பள்ளிக் கல்வியைச் சேலம் நகராட்சி உயர்நிலைப் பள்ளியில் 1952 முதல் 1958 வரையில் படித்துள்ளார். இவர் சேலம் நகராட்சிப் பள்ளிகளிலேயே பள்ளி இறுதியாண்டில் முதல் மாணவராகத் தேர்வுற்றுள்ளார்.சேலம் மவட்டத்தில் இரண்டாம் மாணவராகத் தேறியுள்ளார். அதற்காக அமைச்சர் கக்கன் அவர்களிடம் வெள்லிப் பதக்கமும் பெற்றுள்ளார்.பள்ளிப் படிப்பின்போது பல பேச்சு, கட்டுரை போட்டிகளில் கலந்துகொண்டு ம்தல்/இரண்டாம் பரிசுகள் பெற்றுள்ளார்.

கல்லூரிக் கல்வி[தொகு]

இவர் சேலம் நகர்க் கல்லூரியில் புகுமுக வகுப்பில் 1958-59 ஆம் ஆண்டில் பயின்றுள்ளார். பிறகு, கோவை, பூளைமேட்டில் அமைந்த பூ. சா. கோ. பொறியியல் கல்ல்ரியில் 1959 முதல் 1964 வரை கட்டிடப் பொறியியலில் பட்டப் படிப்பு முடித்து பொறியியல் இளவல் பட்டம் பெற்றுள்ளார். கல்லூரியில் படிக்கும்போதே தமிழார்வம் மிக்க இவர் கல்லூரி இறுதியாண்டில் மாணவர் மன்றங்களில் பங்கேற்று, பல உரைகளை ஆற்றியுள்ளார். குறிப்பாக, அட்சமும் தீர்க்கமும் ஒருங்கே காணல் எனும் லைப்பில் சிறப்புரை ஆற்றியுள்ளார். கல்லூரித் தமிழ் ஆண்டு மலருக்கு இவர் எழுதி வெளியிடப்பட்ட உலோகங்களும் தளர்ச்சியும் எனும் கட்டுரை முதல் பரிசு பெற்றுள்ளது. (ஆனால், இது அச்சேறவில்லை.)

மேற்கோள்கள்[தொகு]

"https://ta.wikipedia.org/w/index.php?title=அ._இளங்கோவன்&oldid=2613061" இருந்து மீள்விக்கப்பட்டது