குருகு (உலை)

கொல்லன் ஊதுலைக் குருகு
மேற்கோள் பாடல்
நற்றிணை 125

"இரும்பு ஊது குருகு"
அகநானூறு 81

கொல்லன் உலைக்களக் கருவிகளில் ஒன்றாகிய ஊதுலைக் குருகு

குருகு என்னும் சொல் உணர்த்தும் பொருள்களில் ஒன்று கொல்லன் உலைக்களத்தில் உள்ள ஊதுலை. இது இரும்பைக் காய்ச்சும் உலையில் எரியும் தீயைத் தீக்கு அடியிலிருந்து காற்றை ஊதப் பயன்படும். கறையான் இந்த உலைக்களத்தில் உள்ள துரும்புகளையும் பற்றி இரையாக்கிக்கொள்ளும் என ஒரு பாடல் குறிப்பிடுகிறது. இதனைக் காலால் மிதித்து இயக்கியும் ஊதுவர். இதனைக் கொல்லன் ஊது உலைக்குருகு என நற்றிணையும் மணிமேகலையும் குறிப்பிட்டுத் தெளிவுபடுத்துகின்றன. தலைவனைப் பிரிந்திருக்கும் தலைவி இந்த ஊதுலைக் குருகு போலப் பெருமூச்சு விட்டான் என நற்றிணைப் பாடலும், கணவன் மாண்டால் கற்புடை மனைவி ஊதுலைக் குருகு போலப் பெருமூச்சு விட்டுக்கொண்டு அவன் எரியும் தீயில் தானும் விழுந்து உயிர் துறப்பாள் என மணிமேகலையும் தெரிவிக்கின்றன.