ஹோவர்டு ஆல்பர்
| பிறப்பு | அக்டோபர் 17, 1941 மொண்ட்ரியால், கியூபெக் |
|---|---|
| Alma mater | சர் ஜார்ஜ் வில்லியம்சு பல்கலைக்கழகம் மக்கில் பல்கலைக்கழகம் |
| துறை ஆலோசகர் | ஜான் "ஜேக்" டி. எட்வர்டு |
| முக்கிய மாணவர் | கேத்லீன் கிரடென் |
ஹோவர்ட் ஆல்பர் (Howard Alper) (பிறப்பு: அக்டோபர் 17, 1941) ஒரு கனடிய வேதியியலாளர். ஒட்டாவா பல்கலைக்கழகத்தில் வேதியியல் பேராசிரியராகப் பணிபுரிந்தார். வேதியியலில் வினைவேக மாற்றம் குறித்த ஆராய்ச்சிக்காக அவர் மிகவும் பிரபலமானவர்.
பணி மற்றும் ஆராய்ச்சி[தொகு]
கியூபெக்கிலுள்ள மொண்ட்ரியாலில் பிறந்த இவர், 1963 ஆம் ஆண்டில் சர் ஜார்ஜ் வில்லியம்ஸ் பல்கலைக்கழகத்தில் இளங்கலை அறிவியல் பட்டத்தையும், 1967 ஆம் ஆண்டில் மக்கில் பல்கலைக்கழகத்தில் இருந்து ஆராய்ச்சிக்கான முனைவர் பட்டத்தையும் பெற்றார். 1968 ஆம் ஆண்டில், நியூயார்க் அரசுப் பல்கலைக்கழகத்தில் கற்பிக்கத் தொடங்கிய அவர் 1971 ஆம் ஆண்டில் இணைப் பேராசிரியரானார். பின்னர் இவர் 1975 ஆம் ஆண்டில் ஒட்டாவா பல்கலைக்கழகத்தில் இணைப் பேராசிரியராக சேர்ந்தார், 1978 ஆம் ஆண்டில் பேராசிரியராக நியமிக்கப்பட்டார், பின்னர் 2006 ஆம் ஆண்டில் ஒரு புகழ்பெற்ற பல்கலைக்கழக பேராசிரியராக நியமிக்கப்பட்டார். அவர் 400 க்கும் மேற்பட்ட ஆவணங்களை வெளியிட்டுள்ளதோடு, நாற்பதுக்கும் மேற்பட்ட காப்புரிமங்களைக் கொண்டுள்ளார். மேலும், பல புத்தகங்களைத் தொகுத்து வெளியிட்டுள்ளார்.
1997 முதல் 2006 வரை ஒட்டாவா பல்கலைக்கழகத்தின் ஆராய்ச்சித்துறை துணைத் தலைவராக பணியாற்றினார். 2001 முதல் 2003 வரை கனடாவின் ராயல் சொசைட்டியின் தலைவராக இருந்தார்.
ஆல்பர் 2007 முதல் 2015 வரை கனடாவின் அறிவியல், தொழில்நுட்பம் மற்றும் கண்டுபிடிப்புக் குழுவின் [1] தலைவராகவும், 2006 முதல் 2013 வரை சர்வதேச சிக்கல்கள் தொடர்பான நாடுகளுக்கிடையேயான அகாடமிக் குழுவின் இரு இணைத் தலைவர்களில் ஒருவராகவும் பணியாற்றினார்.
கௌரவங்கள்[தொகு]
1984 ஆம் ஆண்டில் கனடாவின் ராயல் சொசைட்டியின் உறுப்பினர் தகுதியைப் பெற்றார். 1998 ஆம் ஆண்டில், அவர் கனடாவின் ஆணைக்குழுவின் அதிகாரியாக நியமிக்கப்பட்டார். 2000 ஆம் ஆண்டில், அறிவியல் மற்றும் பொறியியலுக்கான முதல் ஹெகார்ட் ஹெர்ஸ்பெர்க் கனடா தங்கப் பதக்கம் அவருக்கு வழங்கப்பட்டது, இந்த துறையில் கனடாவின் மிக உயர்ந்த ஆராய்ச்சி கௌரவம் இதுவாகும். 2014 ஆம் ஆண்டில், அவர் இத்தாலியக் குடியரசின் ஆணைக்குரிய தளபதியாக நியமிக்கப்பட்டார். [2] அவர் 2020 ஆம் ஆண்டில் கனடாவின் ஆணையின் தோழனாக உயர்த்தப்பட்டார். [3]
வெளி இணைப்புகள்[தொகு]
- "University of Ottawa's Howard Alper First Winner of New NSERC Herzberg Medal". பார்க்கப்பட்ட நாள் January 24, 2006.
- "Vice-President, Research biography". Archived from the original on December 12, 2005. பார்க்கப்பட்ட நாள் January 24, 2006.
{{cite web}}:|archive-date=/|archive-url=timestamp mismatch (help) - "Howard Alper, O.C, Ph.D., FRSC". Archived from the original on December 19, 2005. பார்க்கப்பட்ட நாள் January 24, 2006.
- "NATO SA Science & Society Newsletter Issue No. 51, February/March 1999". Archived from the original on January 21, 2006. பார்க்கப்பட்ட நாள் January 24, 2006.
மேற்கோள்கள்[தொகு]