ஹெவ்லட்-பேக்கர்ட்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
Hewlett-Packard Company
வகை Public (நியாபசHPQ)
நிறுவுகை Palo Alto, California (1939)
நிறுவனர்(கள்) Bill Hewlett,
Co-founder
David Packard,
Co-founder
தலைமையகம் Palo Alto, California, USA
சேவை வழங்கும் பகுதி வார்ப்புரு:நாட்டுத் தகவல் World Worldwide
முக்கிய நபர்கள் Mark V. Hurd
President, CEO & Chairman
Catherine A. Lesjak
CFO
Ann M. Livermore
EVP, Enterprise Business
Todd Bradley
EVP, Personal Systems Group
Vyomesh Joshi
EVP, Imaging & Printing Group
Shane V. Robison
EVP, Chief Strategy & Technology Officer
Pete Bocian
EVP, CAO
Randy Mott
EVP, CIO
Marcela Perez de Alonso
EVP, HR
தொழில்துறை Computer Systems
Computer Peripherals
Computer Software
Consulting
IT Services
உற்பத்திகள்

Computer Monitors
Digital Cameras
Indigo Digital Press

Networking
Personal Computers and Laptops
Personal Digital Assistants
Printers
Scanners
Servers
Storage
Televisions
List of HP products
வருமானம் US$ 118.364 billion (2008)
இயக்க வருமானம் US$ 10.473 billion (2008)
நிகர வருமானம் US$ 10.473 billion (2008)
மொத்தச் சொத்துகள் Green Arrow Up Darker.svg US$ 113.331 billion (2008)
மொத்த பங்குத்தொகை Green Arrow Up Darker.svg US$ 38.942 billion (2008)
பணியாளர் 325,000 (after 3Com acquisition)(2008)[1]
பிரிவுகள் Compaq
Snapfish
HP Labs
ProCurve
HP Enterprise Services
VoodooPC
இணையத்தளம் HP.com

ஹெச்பி என்று பொதுவாக குறிப்பிடப்படும் ஹெவ்லட் -பேக்கர்ட் நியாபசHPQநிறுவனம் அமெரிக்கா, கலிபோர்னியாவின் பாலோ ஆல்டோவை தலைமையிடமாக கொண்டுள்ள தொழில்நுட்ப நிறுவனமாகும். ஹெச்பி உலகிலேயே மிகப்பெரிய தொழில்நுட்ப நிறுவனம் என்பதுடன் ஏறத்தாழ எல்லா நாடுகளிலும் செயல்படுகிறது. கம்ப்யூட்டிங், சேமிப்பு மற்றும் நெட்வொர்க்கிங் ஹார்டுவேர் மற்றும் சாப்ட்வேர் சேவைகளை உருவாக்குவதிலும் தயாரிப்பதிலும் ஹெச்பி நிபுணத்துவம் பெற்றிருக்கிறது. பர்சனல் கம்ப்யூட்டிங் சாதனங்கள், நிறுவன சர்வர்கள், அதுசார்ந்த சேமிப்பு சாதனங்கள், அத்துடன் பிரிண்டர்கள் மற்றும் பிற படமாக்கல் தயாரிப்புகள் இதன் பிரதான தயாரிப்பு வரிசைகளில் அடங்கியிருக்கின்றன. ஹெச்பி தனது தயாரிப்புகளை வீட்டு உபயோகப்பொருட்கள், சிறிய மற்றும் பெரிய தொழில்கள் மற்றும் நிறுவனங்களுக்கு ஆன்லைன் விநியோகம், நுகர்வோர் எலக்ட்ரானிக்ஸ் மற்றும் அலுவலக-அளிப்பு சில்லறை வியாபாரிகள், சாப்ட்வேர் கூட்டாளிகள் மற்றும் முன்னணி தொழில்நுட்ப விற்பனையாளர்களின் வழியாக சந்தையிடுகிறது.

2006 இல் ஹெச்பி ஆண்டு வருவாயாக 91.7 பில்லியன் அமெரிக்க டாலர்களை தெரிவித்திருந்தது,[2] இது ஐபிஎம்மின் 91.4 பில்லியன் அமெரிக்க டாலர்களோடு ஒப்பிடுகையில் விற்பனை வகையில் ஹெச்பி உலகின் மிகப்பெரிய தொழில்நுட்ப விற்பனையாளராக இருப்பதைக் காட்டுகிறது. 2007 இல் இதனுடைய 104 பில்லியன் அமெரிக்க டாலர்கள் வருவாயானது,[3] வரலாற்றிலேயே 100 பில்லியன் அமெரிக்க டாலர்களுக்கும் மேற்பட்ட வருவாயைக் காட்டிய முதல் ஐடி நிறுவனமாக ஹெச்பியை உருவாக்கியுள்ளது.[4] போட்டியாளரான டெல் நிறுவனத்தையும் வி்ஞ்சிய ஹெச்பி, பர்சனல் கம்ப்யூட்டர் விற்பனையில் உலகளவில் மிகப்பெரிய விற்பனையாளராக உள்ளது, சந்தை ஆராய்ச்சி நிறுவனங்களான கார்ட்னர் மற்றும் ஐடிசி ஆகியோர் தெரிவித்துள்ள ஜனவரி 2008 ஆம் ஆண்டு கூற்றுப்படி;[5] ஹெச்பி ஏறத்தாழ 3.9 சதவிகித சந்தைப் பங்கைப் கைப்பற்றியிருப்பதோடு 2007 ஆம் ஆண்டின் முடிவில் ஹெச்பிக்கும் டெல்லுக்கும் இடையிலான இடைவெளி குறிப்பிடத்தகுந்த அளவிற்கு விரிவடைந்திருக்கிறது எனலாம். ஹெச்பி உலகிலேயே ஆறாவது பெரிய சாப்ட்வேர் நிறுவனமாகவும் இருக்கிறது. [6] 2008 இல் இன்க்ஜெட், லேசர், பெரிய வடிவ மற்றும் பல-செயல்பாட்டு திறனுள்ள பிரிண்டர்கள் சந்தையில் தனது உலகளாவிய தலைமைத்துவ நிலையை தக்கவைத்துக்கொண்டது. அத்துடன் ஐடிசி மற்றும் கார்ட்னரின் அறிக்கைப்படி உலகளாவிய ஐடி சேவைகளிலும் ஹெச்பி இரண்டாவது இடத்தில் உள்ளது.[7] என்ஒய்எஸ்இ இன் கீழ் பொதுப்படையாக பிசி-கவனமுள்ள ஒரே அமெரிக்க கம்ப்யூட்டர் நிறுவனம் இது ஒன்றேயாகும்.

1999 இல் தனது தொழிலின் ஒரு பகுதியாக அஜிலண்ட் டெக்னாலஜிஸை துணைநிறுவனமாக கொண்டது, 2002 இல் காம்பாக் நிறுவனத்தை இணைத்துக்கொண்டது, 2008 இல் ஒன்றுசேர்ந்த வருவாய்களான 118.4 பில்லியன் அமெரிக்க டாலர்களுக்கு வழிவகுத்த மற்றும் 2009 ஆம் ஆண்டு ஃபார்ச்சூன் 500 தரவரிசையில் 9 வதாக வந்தது ஆகியவற்றிற்கு வழியமைத்த 2008 இல் இடிஎஸ் ஐ வாங்கியது ஆகியவை பிரதான நிறுவன மாற்றங்களாகும்.[7] நவம்பர் 2009 இல் 3காம் ஐ வாங்கப்போவதாக ஹெச்பி அறிவித்தது.

நிறுவன வரலாறு[தொகு]

அடித்தளம்[தொகு]

வில்லியம் (பில்) ஹெவ்லட் மற்றும் டேவிட் (டேவ்) பேக்கார்ட் ஆகிய இருவரும் 1935 ஆம் ஆண்டு ஸ்டான்போர்ட் பல்கலைக்கழகத்தில் எலக்ட்ரிக்கல் என்ஜினியரிங்கில் பட்டம் பெற்றவர்களாவர். பெரும் பொருளாதார மந்தம் நிலவிய காலத்தில் ஸ்டான்போர்டில், காலஞ்சென்ற போராசிரியர் ஃபிரெடெரிக் டெர்மனிடம் அவர்கள் ஃபெலோஷிப் படித்துக்கொண்டிருந்த காலத்தில் பாலோ ஆல்டோவிற்கு அருகாமையில் இருந்த கேரேஜில் இந்த நிறுவனம் உருவானது. ஹெவ்லட்-பேக்கர்டை உருவாக்குவதற்கு டெர்மனே அவர்களுக்கு வழிகாட்டியாக இருந்தார் என்று கருதப்படுகிறது.[8] 1939 இல், 538 அமெரிக்க டாலர்கள் துவக்கநிலை முதலீட்டில் பேக்கர்டின் கேரேஜில் ஹெவ்லட்-பேக்கர்ட் நிறுவனத்தை நிறுவினர்.[9] ஹெவ்லட்டும் பேக்கர்டும் தங்களுடைய நிறுவனம் ஹெவ்லட்-பேக்கர்ட் என்று அழைக்கப்பட வேண்டுமா அல்லது பேக்கர்ட் ஹெவ்லெட் என்று அழைக்கப்பட வேண்டுமா என்பதை நாணயத்தை சுண்டிப்பார்த்து முடிவு செய்தனர். பேக்கர்ட் நாணயத்தை சுண்டிப்பார்த்தலில் வென்றார் என்றாலும் தங்களுடைய எலக்ட்ரானிக்ஸ் உற்பத்தி நிறுவனத்திற்கு "ஹெவ்லட்-பேக்கர்ட்" என்றே அவர்கள் பெயரிட்டனர். ஆகஸ்ட் 18, 1947 இல் ஹெச்பி கார்ப்பரேட் நிறுவனமானது, நவம்பர் 6, 1957 இல் பொதுப்பங்கு நிறுவனமானது.

அவர்கள் பணியாற்றிய பல திட்டப்பணிகளிலேயே, நிதிசார்ந்து வெற்றி பெற்ற முதல் தயாரிப்பு ஹெச்பி200ஏ மாடல் பிரிசிஸன் ஆடியோ ஆஸிலேட்டர் ஆகும். அவர்களுடைய கண்டுபிடிப்பு சர்க்யூட்டின் அதிமுக்கியமான பகுதியில் வெப்பநிலையை சார்ந்த மின்னோட்டத் தடை சாதனமாக ஒரு சிறிய ஒளி விளக்கைப் பயன்படுத்துவது ஆகும். போட்டியாளர்கள் குறைந்த அளவு நிலைப்புத் திறனுள்ள மின்னோட்டத் தடை சாதனத்தை 200 டாலர்களுக்கு விற்றுக்கொண்டிருந்தபோது 200ஏ மாடலை 54.40 டாலர்களுக்கு விற்க அவர்களுக்கு இது உதவியது. இந்த மாடல் 200 ஜெனரேட்டர்கள் தொடரானது, டியூப்-அடிப்படையிலான ஆனால் பல வருட வடிவ மாறுபாடுகளுடன் 200ஏபி ஆக 1972 இல் உருவாகும்வரை தொடர்ந்து விற்பனையானது. 33 வருடங்களில் நீண்டகாலத்திற்கு அடிப்படை எலக்ட்ரானிக் வடிவமாக விற்பனையான ஒரே தயாரிப்பு இதுவாகத்தான் இருக்கும்.

வால்ட் டிஸ்னி நிறுவனம் இந்த நிறுவனத்தின் தொடக்க காலத்திய வாடிக்கையாளர்களுள் ஒருவராவார், இந்த நிறுவனம் ஃபேண்டேஸியா என்ற படத்திற்கு திரையரங்குகளில் நிறுவப்பட்டுள்ள ஃபேண்டாசவுண்ட் சரவுண்ட் ஒலி அமைப்பிற்கு சான்றளிக்க பயன்படுத்துவதற்கு மாடல் 200பி ஆஸிலேட்டர்கள் (ஒவ்வொன்றும் 71.50 டாலர்கள்) எட்டினை வாங்கியது.

தொடக்க காலம்[தொகு]

இந்த நிறுவனம் முதலில் குறிப்பிட்ட எதிலும் கவனத்தை குவிக்கவில்லை, தொழிற்சாலைகள் மறறும் விவசாயத்திற்கான பரந்த அளவிலான எலக்ட்ரானிக் தயாரிப்புகளில் ஈடுபட்டது. முடிவில் அவர்கள் உயர்தரமான எலக்ட்ரானிக் சோதனை மற்றும் அளவீட்டு சாதனத்தில் கவனத்தை செலுத்த தீர்மானித்தனர்.

1940களில் இருந்து 1990கள் வரை எலக்ட்ரானிக் சோதனை சாதனங்களிலேயே இந்த நிறுவனம் கவனத்தை செலுத்தியது - சிக்னல் ஜெனரேட்டர்கள், வோல்டாமீட்டர்கள், ஆஸிலோஸ்கோப்ஸ், அதிர்வெண் கவுண்டர்கள், வெப்பமானிகள், நேர தரநிலைமானிகள், அலை பகுப்பாய்வுக் கருவிகள் மற்றும் பல கருவிகள். அளவீட்டு அளவு மற்றும் துல்லியத்தை நோக்கி வரம்புகளை முன்னெடுத்துச் செல்வதே இதன் தனித்துவமான அம்சம்; பல ஹெச்பி சாதனங்களும் மற்ற ஒப்பீட்டு சாதனங்களோடு பொருத்திப் பார்க்கையில் மிகவும் உணர்மிகுந்த, துல்லியமான மற்றும் நுட்பமான கருவிகளாகும்.[சான்று தேவை]

நிறுவனத்தின் முதல் தயாரிப்பான 200ஏ ஆல் அமைத்துக்கொள்ளப்பட்ட முறையைத் தொடர்ந்து, சோதனைக் கருவிகள் "A" என்ற எழுத்தைத் தொடர்ந்து மூன்று அல்லது ஐந்து இலக்க எண்களைக் கொண்டு லேபிள் இடப்பட்டன. மேம்பட்ட வடிவங்கள் "B"இல் இருந்து "E" வரையிலான முன்னொற்றுக்களை வைத்திருந்தன. தயாரிப்பு அளவு பரவலாக வளர்ந்ததால் துணைப்பொருட்கள், சப்ளைகள், சாப்ட்வேர் மற்றும் உபரி பாகங்களுக்கான பெயர்களோடு தொடங்கும் தயாரிப்பு பொருளின் பெயரை ஹெச்பி பயன்படுத்தத் தொடங்கியது.

1960கள்[தொகு]

சிலிக்கான் பள்ளத்தாக்கின் குறியீட்டு நிறுவனராக அங்கீகரிக்கப்படும் ஹெச்பி ஃபேர்சைல்ட் செமிகண்டக்டரை உருவாக்க வில்லியம் ஷாக்லேயை மூன்று வருடங்களுக்குப் பின்னர் "டிரைட்டரஸ் எய்ட்" கைவிட்ட 1957 வரை செமிகண்டக்டர் சாதனங்களை இது உற்சாகத்தோடு ஆராய்ச்சி செய்திருக்கவில்லை. ஏறத்தாழ 1960 இல் நிறுவப்பட்ட ஹெவ்லட்-பேக்கர்டின் ஹெச்பி கூட்டுப் பிரிவு, பிரதானமாக உள்புறப் பயன்பாட்டிற்காக செமிகண்டக்டர் சாதனங்களை உருவாக்கியது. கருவிகளும் கால்குலேட்டர்களும் இந்த சாதனங்களைப் பயன்படுத்திய சில தயாரிப்புகளாகும்.

சில உயர்தரமான தயாரிப்புகளை உருவாக்குவதற்கு 1960களில் சோனி மற்றும் யோககவா எலக்ட்ரிக் நிறுவனங்களுடன் ஹெச்பி கூட்டாளியாக சேர்ந்தது. ஹெச்பி-போன்று காணப்படும் தயாரிப்புகளை ஜப்பானில் உருவாக்குவதற்கு அதிக செலவுபிடித்ததால் இந்தத் தயாரிப்புகள் பெரிய அளவிற்கு வெற்றிபெறவில்லை. ஹெச்பி தயாரிப்புகளை ஜப்பானில் சந்தையிட 1963 இல் ஹெச்பியும் யோககவாவும் கூட்டு வர்ததகத்தில் (யோககவா-ஹெவ்லட்-பேக்கர்ட்) ஈடுபட்டன.[10] ஹெச்பி 1999 இல் ஹெவ்லட்-பேக்கர்டின் யோககவா எலக்ட்ரிக்ஸ் பங்குகளை வாங்கியது.[11]

டிஜிட்டல் சாதனங்களில் நிபுணத்துவம் பெற டைனக் என்ற சிறிய துணை நிறுவனத்தை ஹெச்பி உருவாக்கியது. ஹெச்பியின் லோகோவான "hp" என்பதை மேல்நோக்கி தலைகீழாக மாற்றுவதால் வந்த "dy" என்ற லோகோவைக் கொண்டு புதிய நிறுவனத்திற்கு பெயரிடப்பட்டது. முடிவில் டைனக் என்ற பெயர் டைமக் என்று மாற்றப்பட்டு, 1959 இல் ஹெச்பி அதை இணைத்துக்கொண்டது.[12] ஹெச்பி தனது கருவிகளுடன் டிஜிட்டல் சாதன கார்ப்பரேஷன் மினிகம்ப்யூட்டர்களைப் பயன்படுத்தி பரிசோதனை செய்தது. டிஇசியைக் கொண்டு தொழில் செய்வதைக் காட்டிலும் மற்றொரு சிறிய குழுவை உருவாக்குவது சுலபமானது என்று தீர்மானித்த பின்னர், ஹெச்பி 2100 / ஹெச்பி 1000 மினிகம்ப்யூட்டர் வரிசைகளோடு கணிப்பொறி சந்தையில் ஹெச்பி நுழைந்தது. இன்றும் பயன்படுத்தப்படுகின்ற இண்டல் x86 கட்டமைப்போடு ஒருவகையில் ஒற்றுமையுடைய ரிஜிஸ்டர்கள் உருவாக்கித்தரும் எளிய நினைவகப் பிரிவுகள் அடிப்படையிலான வடிவத்தைக் கொண்டிருந்தன. இதை மாற்றியமைப்பதற்கான ஒருசில முயற்சிகள் மேற்கொள்ளப்பட்டபோதிலும் இந்தத் தொடர் 20 வருடங்களுக்கு தயாரிக்கப்பட்டது என்பதுடன் ஹெச்பி 9800 மற்றும் ஹெச்பி 250 தொடர் டெஸ்க்டாப் மற்றும் பிஸினஸ் கம்ப்யூட்டர்களின் முன்னோடியாகவும் இருந்தது.

1970கள்[தொகு]

பிஸினஸ் கம்ப்யூட்டிங் சர்வருக்கான மேம்பட்ட ஸ்டேக்-அடிப்படையிலான ஹெச்பி 3000, பின்னாளில் ஆர்ஐஎஸ்சி தொழில்நுட்பம் கொண்டு மறுவடிவமைப்பு செய்யப்பட்டது, சமீபத்தில் சந்தையிலிருந்து ஓய்வுபெற்றது இது ஒன்றுதான். ஹெச்பி 2640 நுட்பமும் அறிவுப்பூர்வமும் வாய்ந்த டெர்மினல்கள் தொடர் ஏஎஸ்சிஐஐக்கான ஃபார்ம்-அடிப்படையிலான இண்டர்ஃபேஸ்களையும், திரை லேபிள் இடப்பட்ட செயல்பாட்டு விசைகளையும் அறிமுகப்படுத்தியது, இவை இன்று பெட்ரோல் நிரப்பிடங்கள் மற்றும் வங்கி ஏடிஎம்களில் பொதுவாக பயன்படுத்தப்படுகி்ன்றன. கம்ப்யூட்டிங் உருவாக்க நாட்களில் இது கிண்டலுக்கு ஆளானாலும் விற்பனை வகையில் உலகின் மிகப்பெரிய தொழில்நுட்ப விற்பனையாளரான ஐபிஎம்மையும் இறுதியில் ஹெச்பி விஞ்சிவிட்டது.[13]

"புதிய ஹெவ்லட் பேக்கர்ட் 9100ஏ பர்சனல் கம்ப்யூட்டர் தயாராகிவிட்டது, பெரிய கம்ப்யூட்டரைப் பெறக் காத்திருக்கும் உங்களை விடுவித்து அதைப்பெறச் செய்ய விரும்புகிறோம், எங்களால் அது முடியும்."

1968 இல் அறிமுகப்படுத்தப்பட்ட ஹெவ்லட்-பேக்கர்ட் 9100ஏ பர்சனல் கம்ப்யூட்டர், உலகின் முதல் சந்தையிடப்பட்ட, பெரிய அளவிற்கு உற்பத்தி செய்யப்பட்ட கம்ப்யூட்டரை உற்பத்தி செய்தவர்களாக வயர்ட் பத்திரிக்கையால் ஹெச்பி அடையாளம் காணப்பட்டது.[14] ஹெச்பி இதை டெஸ்க்டாப் கால்குலேட்டர் என்றே அழைத்தது, ஏனெனில் பில் ஹெவ்ல்ட, இவ்வாறு கூறியிருந்தார் "நாம் இதை கம்ப்யூட்டர் என்று அழைத்தால் இது நமது வாடிக்கையாளர்களின் கம்ப்யூட்டர் குருக்களால் மறுக்கப்பட்டுவிடும், ஏனென்றால் இது பார்ப்பதற்கு ஐபிஎம் போன்று இல்லை. அதனால் நாங்கள் இதை கால்குலேட்டர் என்று அழைக்கவே முடிவெடுத்திருக்கிறோம், அதனால் இதுபோன்ற முட்டாள்தனங்கள் காணாமலே போய்விடும்." அந்த நேரத்தில் ஏற்பட்ட என்ஜினியரிங் வெற்றியால் லாஜிக் சர்க்யூட் எந்த ஒரு இண்டக்ரேட்டட் சர்க்யூட்டும் இல்லாமல் உருவாக்கப்பட்டடது; சிபியுவை அசெம்பிள் செய்வது முற்றிலும் தனித்தனி சாதனங்களைக் கொண்டே செய்யப்பட்டது. சிஆர்டி திரையமைப்பு, மேக்னடிக்-கார்ட சேமிப்பகம், மற்றும் பிரிண்டர் ஆகியவற்றுடன் இதன் விலை கிட்டத்தட்ட 5000 அமெரிக்க டாலர்களாக இருந்தது. இந்த மெஷினின் விசைப்பலகை இடையிடையே குறுக்காக அறிவியல் கால்குலேட்டரைப் போன்றும், உடன் இணைக்கப்பட்ட மெஷினுடனும் இருந்தது. அகரவரிசை விசைப்பலகை இல்லை.[சான்று தேவை]ஆப்பிள் நிறுவனத்தின் இணை நிறுவனரும், உண்மையில் ஹெச்பியில் பணியாற்றிய நேரத்திலேயே ஆப்பிள் I கம்ப்யூட்டரை வடிவமைத்தவருமான ஸ்டீவ் வோஸ்னியாக் தனது படைப்பை இவர்களிடம்தான் வர்த்தகத்தில் நுழைவதற்கான ஒப்பந்தத்தின் அடிப்படையில் வழங்கினார், ஆனால் அவர்கள் தங்கள் நிறுவனம் அறிவியல், தொழில் மற்றும் தொழிற்துறை சந்தையிலேயே இருக்க விரும்புவதாக கூறி ஒரு நிறுவனமாக எடுத்துக்கொள்ளவில்லை.[சான்று தேவை]

இந்த நிறுவனம் பல்வேறுவிதமான தயாரிப்புக்களுக்கு உலகளாவிய மதிப்பைப் பெற்றது. அவர்கள், 1972 இல் உலகின் முதலாவது கைக்கடக்கமான அறிவியல் எலக்ட்ரானிக் கால்குலேட்டர் (ஹெச்பி-35), 1974 இல் முதலாவது கைக்கடக்கமான நிரல்படுத்தக்கூடியது (ஹெச்பி-65), 1979 இல் முதலாவது அல்ஃபாநியூமரிக், நிரல்படுத்தக்கூடிய, நீ்ட்டித்துக்கொள்ளக்கூடியது (ஹெச்பி-41சி), மற்றும் முதலாவது குறியீட்டு மற்றும் கிராபிக் கால்குலேட்டரான ஹெச்பி-28சி ஆகியவற்றை அறிமுகப்படுத்தினர். அவர்களுடைய அறிவியல் மற்றும் பிஸினஸ் கால்குலேட்டர்களைப் போன்று அவர்களுடைய ஆஸிலோஸ்கோப்கள், லாகிஜ் அனலைசர்கள் மற்றும் பிற அளவீட்டுக் கருவிகள் உறுதி மற்றும் பயன்பாட்டுத் திறனுக்கான பாராட்டுதல்களைப் பெற்றன (பிந்தைய தயாரிப்புகள் அஜிலெண்டின் தயாரிப்பு வரிசையின் உபதயாரிப்பின் பகுதியாக இருந்து வருகின்றன). இந்தக் காலகட்டத்தில் நிறுவனத்தின் வடிவமைப்பு கோட்பாடு "பக்கத்து இருக்கையில் அமர்ந்திருப்பவருக்கான வடிவமாக" இருக்க வேண்டும் என்று குறிப்பிடப்பட்டது.[சான்று தேவை]

98x5 தொடர் தொழில்நுட்ப டெஸ்க்டாப் கம்ப்யூட்டர்கள் 9815 மற்றும் மலிவான 80 வரிசையுடன் 1975 இல் தொடங்கின, மீண்டும் தொழில்நுட்ப கம்ப்யூட்டர்கள் 1979 இல் 85 உடன் தொடங்கின.[1] இந்த மெஷின்களை தொடங்கியவுடன் உடனடியாக கிடைக்கக்கூடிய வகையில் இவை BASIC நிரலாக்க மொழி இன் வடிவத்தைப் பயன்படுத்தின என்பதுடன் சேமிப்பகத்திற்கு பிராப்ரைட்டரி மேக்னடிக் டேப்பைப் பயன்படுத்தின. ஹெச்பி கம்ப்யூட்டர்கள் பின்னாளில் வந்த ஐபிஎம் பர்சனல் கம்ப்யூட்டர்களின் செயல்திறன்களோடு ஒற்றுமையுடையவைகளாக இருந்தன, இருப்பினும் கிடைக்கக்கூடிய தொழில்நுட்பத்தின் வரமபுகளால் விலையை அதிகமாகவே நிர்ணயிக்க வேண்டியிருக்கிறது.[சான்று தேவை]

1980கள்[தொகு]

ஹெவ்லட்டும் பேக்கர்டும் தங்கள் நிறுவனத்தை உருவாக்கிய பாலோ ஆல்டோவில் உள்ளன.

1984 இல், டெஸ்க்டாப்பிற்கான இன்க்ஜெட் மற்றும் லேசர் பிரிண்டர்களை ஹெச்பி அறிமுகப்படுத்தியது. இதனுடைய ஸ்கேனர் தயாரிப்பு வரிசையுடன் இவை பின்னாளில் வெற்றிகரமான பலசெயல்திறனுள்ள தயாரிப்புகளாக உருவாக்கப்பட்டன, இவற்றில் மிகவும் முக்கியத்துவம் வாய்ந்தவை தனித் தயாரிப்புகளான பிரிண்டர்/ஸ்கேனர்/காப்பியர்/ஃபேக்ஸ் மெஷின்கள் ஆகியவையாகும். ஹெச்பியின் வியக்கத்தக்க வகையில் பிரபலமடைந்த லேசர் பிரிண்டர்களின் லேசர்ஜெட் வரிசையினுடைய பிரிண்ட் செய்யும் இயக்கவியல், ஜெராக்ஸ் உருவாக்கிய தொழில்நுட்பத்தைப் பயன்படுத்தும் கேனன் பாகங்களிலேயே (பிரிண்ட் என்ஜின்கள்) ஏறத்தாழ முற்றிலும் சார்ந்திருந்தன. பிரிண்ட் செய்வதற்கான இயக்கவியலுக்கு ஏற்ப தகவலை புள்ளிகளாக மாற்றும் ஹார்டுவேர், ஃபேர்ம்வேர் மற்றும் சாப்ட்வேரை ஹெச்பி உருவாக்கியது.

மார்ச் 3 1986, ஹெச்பி HP.com என்ற டொமைன் பெயரை பதிவுசெய்தது, இது இண்டர்நெட்டில் பதிவுசெய்யப்பட்ட ஒன்பதாவது டொமைன் ஆகும்.[15] இணையத்தள புகழ் கூடத்தில் இரண்டெழுத்து டொமைன் பெயரை சொந்தமாகப் பெற்றுள்ள உலகளாவிய ஒரு சில மிகப்பெரிய கார்ப்பரேஷன்களுள் ஒன்று என்ற நிலையை இன்று இது ஹெச்பிக்கு பெற்றுத்தந்திருக்கிறது.[16]

1987 இல், ஹெவ்லட்டும் பேக்கர்டும் தங்களுடைய தொழிலை உருவாக்கிய பாலோ ஆல்டோ காரேஜ் கலிபோர்னியா மாநிலத்தின் வரலாற்று நிலக்குறியீடாக வடிவமைக்கப்பட்டுள்ளது.

1990கள்[தொகு]

1990களில் ஹெச்பி தங்களுடைய கம்ப்யூட்டர் தயாரிப்பு வரிசையை விரிவுபடுத்தியது, இது துவக்கத்தில் வாடிக்கையாளர்களை அடைய பல்கலைக்கழகம், ஆராய்ச்சி மற்றும் தொழில் வாடிக்கையாளர்களை இலக்காக நிர்ணயித்தது.

ஹெச்பியும் மற்ற நிறுவனங்களை வாங்கியதன் மூலமாகவே வளர்ந்தது, 1989 இல் அப்பல்லோ கம்ப்யூட்டரையும், 1995 இல் கன்வெக்ஸ் கம்ப்யூட்டரையும் விலைக்கு வாங்கியது.

அந்த பத்தாண்டுகளின் பிற்பகுதியில் வாடிக்கையாளர்களிடம் நேரடியாக ஆன்லைனில் விற்க தனி துணைநிறுவனமாக ஹெச்பி hpshopping.com ஐ திறந்தது; 2005 இல் ஹெச்பி இதற்கு "HP Home & Home Office Store." என்று மறுபெயரிட்டது.

1999 இல் கம்ப்யூட்டர்கள், சேமிப்பகம் மற்றும் இமேஜிங் சம்பந்தப்படாத தொழில்கள் அனைத்தும் ஹெச்பியிலிருந்து அஜிலண்ட் என்ற துணைநிறுவனமாக உருவானது. அஜிலண்டின் தனி துணை நிறுவனமாக்கம் சிலிக்கான் பள்ளத்தாக்கு வரலாற்றிலேயே மிகப்பெரிய துவக்கநிலை பொதுப்பங்கு வெளியீடு ஆகும்.[17] இந்த தனி துணைநிறுவனம் 30,000 ஊழியர்களுடன் 8 பில்லியன் அமெரிக்க டாலர்கள் நிறுவனத்தை உருவாக்கியது, இது அறிவியல் கருவிகள், செமிகண்டக்டர்கள், ஆப்டிகல் நெட்வொர்க்கிங் சாதனங்கள் மற்றும் தொலைத்தொடர்பு மற்றும் வயர்லஸ் ஆராய்ச்சி மேம்பாடு மற்றும் உற்பத்திக்கான எலக்ட்ரானிக் சோதனை கருவிகள் ஆகியவற்றை தயாரித்தது.

ஜூலை 1999 இல் ஹெச்பி, டவ் ஜோன்ஸ் தொழில்துறை சராசரியில் முதல் பெண் சிஇஓவான கார்லா ஃபியோரினாவை சிஇஓவாக நியமித்தது. இந்த நிறுவனம் தொழில்நுட்ப உலகத்தின் இரண்டாவது மில்லினியத்தில் காலடி எடுத்து வைத்தபோது ஃபியோரினா சிஇஓவாக பணிபுரிந்தார். அவரது பதவிக்காலத்தில், சந்தையானது ஹெச்பியின் மதிப்பை அந்த நேரத்தில் மற்ற நிறுவனங்களுடன் பாதியாகக் குறைத்தது என்பதுடன் நிறுவனம் பெரிய அளவிற்கான வேலை இழப்பிற்கு ஆளானது.[18] 2005 இல் ஹெச்பி இயக்குநர்கள் அவை அவரை பதவியிறங்கும்படி கேட்டுக்கொண்டது, அவர் பிப்ரவரி 9, 2005 இல் ராஜினாமா செய்தார்.

2000 ஆம் ஆண்டும் அதற்குப் பிறகும்[தொகு]

ஹெச்பி 2002 இல் காம்பாக்குடன் இணைக்கப்பட்டது. இந்த இணைப்பை எதிர்த்த பில் ஹெவ்லட்டின் மகன் வால்டருடனான வாங்குதல் போராட்ட முயற்சிக்குப் பின்னர் சேர்த்துக்கொள்ளப்பட்டது. காம்பாக்கும்கூட 1997 இல் டான்டம் கம்ப்யூட்டர்ஸ் (ஒரு முன்னாற் ஹெச்பி ஊழியரால் தொடங்கப்பட்டது) மற்றும் 1998 இல் டிஜிட்டல் எக்யூப்மெண்ட் கார்ப்பரேஷன் ஆகியவற்றை வாங்கியிருந்தது. இந்த வியூகத்தைப் பின்பற்றி பல வெவ்வேறு சந்தைகளிலும் டெஸ்க்டாப்கள், லேப்டாப்கள் மற்றும் சர்வர்களில் ஹெச்பி ஒரு பெரிய சக்தியாக விளங்கியது. காம்பாக்குடனான இணைப்பிற்குப் பின்னர், புதிய பங்கு வெளியீட்டு குறியீடு இரண்டு முந்தைய குறியீடுகளான, "HWP" மற்றும் "CPQ" ஆகியவற்றின் கலவையாக "HPQ" என்றானது, இது கூட்டணியின் முக்கியத்துவத்தை வெளிப்படுத்தியதோடு H ewlett-P ackard மற்றும் Compaq ஆகிய இரண்டு நிறுவனங்களின் முக்கிய எழுத்துக்களையும் காட்டியது (தயாரிப்புகளிலும் லோகோவிலும் இருக்கும் காம்பாக்கின் "Q" என்ற லோகோ பிரபலமானதாகும்).

மே 2006 இல், கமப்யூட்டர் மீண்டும் பர்சனல் ஆகிவிட்டது பிரச்சாரத்தை ஹெச்பி தொடங்கியது. பிசி என்பது ஒரு பர்சனல் தயாரிப்பு என்ற உண்மையை திரும்பக் கொண்டுவருவதாக இந்த பிரச்சாரம் வடிவமைக்கப்பட்டது. இந்தப் பிரச்சாரம் வைரல் மார்க்கெட்டிங், நுட்பமான காட்சியமைப்புகள் மற்றும் அதனுடைய சொந்த வலைத்தளம் (www.hp.com/personal) ஆகியவற்றைப் பயன்படுத்திக்கொண்டது. சில விளம்பரங்களில் 0}ஃபாரல், பெட்ரா நெம்கோவா, மார்க் பர்நெட், மார்க் க்யூபன், ஜே-சி, க்வன் ஸ்டெபனி, மற்றும் ஷான் ஒயிட் உள்ளிட்ட நன்கறியப்பட்ட ஆளுமைகள் தோன்றினர்.

மே 13, 2008 இல் ஹெச்பியும் எலக்ட்ரானிக் டேட்டா சிஸ்டம்ஸூம்[19] ஹெச்பி இடிஎஸ் ஐ வாங்கவிருப்பதன் அடிப்படையில் ஒரு இறுதி உடன்பாட்டில் கையெழுத்திடுவதாக அறிவித்தன. ஜுன் 30 இல்[20] 1976 ஆம் ஆண்டு ஹார்ட்-ஸ்காட்-ராடினோ எதிர்நம்பிக்கை மேம்பாடுகள் சட்டத்தின் கீழான காத்திருப்பு காலம் முடிந்துவிட்டதாக ஹெச்பி அறிவித்தது. "இந்த நடவடிக்கைக்கு இன்னமும் இடிஎஸ் பங்குதாரர்கள் அங்கீகாரம் மற்றும் ஒழுங்குமுறை தெளிவுபடுத்தல்கள் ஐரோப்பிய ஆணையத்திடமிருந்தும் மற்ற அமெரிக்கா அல்லாதவர்களிடமிருந்தும் தேவைப்படுகிறது. சட்ட அதிகாரமும் அதுசார்ந்த திருப்தி அல்லது மற்ற மூடுதல் நிபந்தனைகளின் உரிமைதுறத்தல் ஆகியவை இணைப்பு உடன்படிக்கையில் குறிப்பிடப்பட்டிருக்கின்றன." இந்த உடன்படிக்கை ஆகஸ்ட் 26, 2008 இல் இறுதி வடிவம் பெற்றது என்பதுடன் இடிஎஸ் "இடிஎஸ் ஒரு ஹெச்பி நிறுவனம்" என்று மறுபெயரிடப்படும் என்பதையும் அது வெளிப்படையாக அறிவித்தது. செப்டம்பர் 23, 2009 வரை இடிஎஸ் ஹெச்பி எண்டர்பிரைஸ் சர்வீஸஸ் என்றே அறியப்பட்டிருந்தது.

11 நவம்பர் 2009 இல் 3காமும் மற்றும் ஹெவ்லெட்-பேக்கர்டும் 2.7 பில்லியன் அமெரிக்க டாலர்களுக்கு ரொக்கமாக கொடுத்து 3காமை ஹெவ்லட்-பேக்கர்ட் வாங்கவிருப்பதாக அறிவித்தன.[21] ஒரே இடத்தில் எல்லாவற்றையும் கிடைக்கச் செய்வது நோக்கிய தங்களது பாதையை முன்னோக்கி செலுத்துவதற்கு தொழில்நுட்ப பெருநிறுவனங்களால் மேற்கொள்ளப்பட்ட இணைத்துக்கொள்ளுதல் மற்றும் வாங்குதலின் தொடர்வரிசைக்கிடையே இந்த வாங்குதல் அளவு மிகப்பெரியதாகும். 2007 இல் தொடங்கிய பொருளாதார குழப்பங்களிலிருந்து, தொழில்நுட்ப பெருநிறுவனங்கள் தங்களுடைய தற்போதைய சந்தையின் இடத்திற்கும் அப்பால் விரிவாக்குவதில் உள்ள நெருக்கடியை தொடர்ந்து உணர்ந்துகொண்டிருக்கின்றனர். முன்னதாக ஐபிஎம் ஆதிக்கம் செலுத்திய தொழில்நுட்ப ஆலோசனை தொழில் பகுதிகளில் ஊடுருவ டெல் நிறுவனம் சமீபத்தில் பீரட் சிஸ்டம்ஸை வாங்கியிருக்கிறது. ஹெவ்லட் பேக்கர்டின் சமீபத்திய நகர்வு சிஸ்கோவால் ஆதிக்கம் செலுத்தப்பட்ட எண்டர்பிரைஸ் நெட்வொர்க்கிங் கியர் சந்தையில் ஊடுருவுவதாக இருக்கிறது.

தொழிலகங்கள்[தொகு]

ஜப்பான், டோக்கியோவில் உள்ள ஹெச்பி கட்டிடம்

ஹெச்பியின் உலகளாவிய செயல்பாடுகள் அமெரிக்கா, கலிபோர்னியா, பாலோ ஆல்டோவில் உள்ள அதனுடைய தலைமையகங்களிலிருந்து இயக்கப்படுகிறது. இதனுடைய அமெரிக்க செயல்பாடுகள் அமெரிக்கா, டெக்ஸாஸ், ஹோஸ்டனில் உள்ள அதன் தொழிலகத்திலிருந்து இயக்கப்படுகிறது-இந்த தளம் உண்மையில் இது வாங்கிய காம்பாக்கிற்கு சொந்தமானதாகும். லத்தீன் அமெரிக்க செயல்பாடுகள் அமெரிக்கா, ஃப்ளோரிடா, மியாமியிலிருந்தும், ஐரோப்பிய செயல்பாடுகள் சுவிட்சர்லாந்து, ஜெனீவாவிலிருந்தும், ஆசிய-பசிபிக் செயல்பாடுகள் சிங்கப்பூரிலிருந்தும் இயக்கப்படுகின்றன.[22][23][24] இது கலிபோர்னியா சாண்டியாகோ மற்றும் டெக்ஸாஸ், பிளானோவிலும் பெரிய அளவிலான செயல்பாடுகளை மேற்கொள்கிறது-ஹெச்பி விலைக்கு வாங்கிய இடிஎஸ்ஸின் முன்னாள் தலைமையகம். இது சமீபத்தில் வாங்கிய 3காம் மாசசூசெட்ஸ், மார்ல்போரோவிற்கு தொழிலாளர் தளத்தை விரிவுபடுத்தவிருக்கிறது.

தயாரிப்புகளும் நிறுவன அமைப்புகளும்[தொகு]

பிரிண்டர்கள், ஸ்கேனர்கள், டிஜிட்டல் கேமராக்கள், கால்குலேட்டர்கள், பிடிஏக்கள், சர்வர்கள், ஒர்க்ஸ்டேஷன் கம்ப்யூட்டர்கள், மற்றும் வீடு மற்றும் சிறிய தொழில்களின் பயன்பாட்டிற்கான கம்ப்யூட்டர்கள் வரிசை ஆகியவற்றில் ஹெச்பி வெற்றிகரமாக செயல்படுகிறது; கம்ப்யூட்டர்களில் பலவும் 2002 இல் காம்பாக் உடனான இணைப்பிலிருந்து வந்தவையாகும். ஹெச்பி இன்று ஹார்டுவேர் மற்றும் சாப்ட்வேர் மட்டுமல்லாது வடிவமைப்பு, அமலாக்கம் மற்றும் ஐடி உள்கட்டுமானத்திற்கு உதவுதல் ஆகியவற்றில் முழுவீச்சில் தன்னைத்தானே மேம்படுத்திக்கொண்டுள்ளது.

ஹெச்பியின் இமேஜிங் மற்றும் பிரிண்டிங் குரூப் (ஐபிஜி) "பிரிண்டர் ஹார்டுவேர், பிரிண்டிங் சப்ளை மற்றும் ஸ்கேனிங் சாதனங்களுக்கான இமேஜிங் மற்றும் பிரிண்டிங் சிஸ்டம்களை அளிப்பதில் உலகில் முன்னணி வகிக்கிறது என்பதுடன் தனிப்பட்ட வாடிக்கையாளர்கள், சிறிய மற்றும் நடுத்தர தொழில்களிலிருந்து பெரிய நிறுவனங்கள் வரையிலான வாடிக்கையாளர் பிரிவுகள் வரையிலுமான தீர்வுகளை வழங்குகிறது"[25] ஐபிஜியுடன் இணைந்த தயாரிப்புகள் மற்றும் தொழில்நுட்பம், இன்க்ஜெட் மற்றும் லேசர்ஜெட் பிரிண்டர்கள், நுகர்பொருட்கள் மற்றும் அதுசார்ந்த தயாரிப்புகள், ஆஃபீஸ்ஜெட் ஆல்-இன்-ஒன் பலசெயல்திறன் பிரிண்டர்/ஸ்கேனர்/ஃபேக்ஸ்கள், பெரிய வடிவத்திலான பிரிண்டர்கள், இண்டிகோ டிஜிட்டல் பிரஸ், ஹெச்பி வெப் ஜெட்டாமின் பிரிண்டர் மேனேஜ்மெண்ட் சாப்ட்வேர், ஹெச்பி அவுட்புட் மேனேஜ்மெண்ட் சாப்ட்வேர் சூட், லைட்ஸ்கிரைப் ஆப்டிகல் ரெக்கார்டிங் டெக்னாலஜி, ஹெச்பி ஃபோட்டோஸ்மார்ட் டிஜிட்டல் கேமராக்கள் மற்றும் ஃபோட்டோ பிரிண்டர்கள், ஹெச்பி ஸ்பாம், மற்றும் புகைப்பட பகிர்வு மற்றும் புகைப்பட தயாரிப்புகள் சேவையான ஹெச்பி ஸ்நாப்ஃபிஷ் ஆகியவற்றை உள்ளிட்டிருக்கிறது. டிசம்பர் 23, 2008 இல், 4" x 6" புகைப்படங்களை அச்சிட உதவும் இலவசமாக பதிவிறக்கம் செய்துகொள்ளக்கூடிய சாப்ட்வேர் பயன்பாடான ஐபோனிற்கு ஹெச்பி ஐபிரிண்ட் ஃபோட்டோவை வெளியிட்டது.[26] http://vsslfpro.zcce.compaq.com/plmcontent/NACSC/SML/default.htm

அனுப்பப்படும் யூனிட் அளவு மற்றும் வருடாந்திர வருவாயின் அடிப்படையில் "பர்சனல் கம்ப்யூட்டர்கள் விற்பனையில் உலகின் முன்னணி நிறுவனம்" என்று ஹெச்பியின் பர்சனல் சிஸ்டம்ஸ் குரூப் (பிஎஸ்ஜி) கூறிக்கொள்கிறது.[25] பிஎஸ்ஜி தொழில் பிசிக்கள் மற்றும் துணைப்பொருட்கள், நுகர்வோர் பிசிக்கள் மற்றும் துணைப்பொருட்கள் (ஹெச்பி பெவிலியன், காம்பாக் பிரிசாரியோ, வூடூபிசி), கைக்கடக்கமான கம்ப்யூட்டிங் (எ.கா.,ஐபெக் பாக்கெட் பிசி) மற்றும் டிஜிட்டல் "இணைப்புள்ள" பொழுதுபோக்கு (எ.கா.,ஹெச்பி மீடியாஸ்மார்ட் டிவிக்கள், ஹெச்பி மீடியாஸ்மார்ட் சர்வர்கள், ஹெச்பி மீடியாவால்ட்ஸ். டிவிடி+ரைட்டர் டிரைவ்கள்) ஆகியவற்றை உள்ளிட்டிருக்கிறது. ஆப்பிளின் ஐபாடை ஹெச்பி நவம்பர் 2005 வரை மறுவிற்பனை செய்துவந்தது.[25]

ஹெச்பி எண்டர்பிரைஸ் பிஸினஸ் (இபி) தொழில்நுட்ப சேவைகள் (முன்பு இடிஎஸ் என்று அறியப்பட்டிருந்தது), ஹெச்பி சாப்ட்வேர் மற்றும் தீர்வுகள், மற்றும் எண்டர்பிரைஸ் ஸ்டோரேஜ் அண்ட் நெட்வொர்க்கிங் குரூப் (இஎஸ்என்) ஆகியவற்றை சேர்த்துக்கொண்டிருக்கிறது. எண்டர்பிரைஸ் ஸ்டோரேஜ் அண்ட் சர்வர்ஸ் குரூப் (இஎஸ்எஸ்) சேமிப்பகம் மற்றும் சர்வர்கள் போன்ற "பின்னணி வேலை" தயாரிப்புகளை மேற்பார்வையிடுகிறது.

ஹெச்பி சாப்ட்வேர் & சொல்யூஷன்ஸ் என்பது நிறுவனத்தின் எண்டர்பிரைஸ் சாப்ட்வேர் பிரிவாகும். பல வருடங்களாக, ஹெச்பி தனது எண்டர்பிரைஸ் மேனேஜ்மெண்ட் சாப்ட்வேரான ஹெச்பி ஓபன்வியூஐ தயாரித்து சந்தையிடுகிறது. பெரும் தொழில் வாடிக்கையாளர்களுக்கான தனது சாப்ட்வேர் வழங்கல்களை அதிகப்படுத்த பொதுமைப்படுத்தப்பட்ட, எச்சரி்க்கையான வியூகத்தின் ஒரு பகுதியாக ஹெச்பி மொத்தத்தில் 12 சாப்ட்வேர் நிறுவனங்களை வாங்கியிருக்கிறது.[27] இந்தப் பிரிவு தனது சாப்ட்வேரை நான்கு பிரிவுகளில் சந்தையி்ட்டிருக்கிறது: பிஸினஸ் டெக்னாலஜி ஆப்டிமைசேஷன் சாப்ட்வேர், இன்ஃபர்மேஷன் மேனேஜ்மெண்ட் சாப்ட்வேர், பிஸினஸ் இன்டலிஜென்ஸ் சொல்யூஷன்ஸ் மற்றும் கம்யூனிகேஷன்ஸ் அண்ட் மீடியா சாப்ட்வேர் அண்ட் சொல்யூஷன்ஸ்.

எஸ்டிஐஓ இண்டர்ஃபேஸூடனான ஹெச்பி கேமரா

ஹெச்பி நெட்வொர்க்கிங் தொழில் யூனிட்டான புரோகியூர் நெட்வொர்க் ஸ்விட்ச்சஸ், வயர்லஸ் அக்ஸஸ் பாய்ண்ட்ஸ், மற்றும் ரவுட்டர்கள் குடும்பத்திற்கு பொறுப்பாகும்.[28]. இவை தற்போது இஎஸ்என் இன் தொழில் யூனி்ட்டாகும்.

ஹெச்பியின் வியூக தொழில்நுட்ப அலுவலகம்[29] நான்கு முக்கியமான செயல்பாடுகளைக் கொண்டிருக்கிறது: நிறுவனத்தின் 3.6 பில்லியன் ஆராய்ச்சி மற்றும் மேம்பாட்டு முதலீட்டை வழிநடத்துவது, நிறுவனத்தின் உலகளாவிய தொழில்நுட்ப சமூகத்தின் மேம்பாட்டை ஊக்கப்படுத்துவது, நிறுவனத்தின் வியூகம் மற்றும் கார்ப்பரேட் மேம்பாட்டு முயற்சிகளுக்கு வழிகாட்டுவது[30] மற்றும் உலகளாவிய கார்ப்பரேட் சந்தையிடல் செயல்பாடுகளை நிறைவேற்றுவது. இந்த அலுவலகத்தின் கீழ் ஹெச்பியின் ஆராய்ச்சி கரமான ஹெச்பி ஆய்வகங்கள் இருக்கின்றன. 1966 இல் நிறுவப்பட்ட ஹெச்பி ஆய்வகங்களின் செயல்பாடு புதிய தொழில்நுட்பங்களை வழங்குவதும் ஹெச்பியின் தற்போதைய வியூகங்களுக்கும் அப்பால் செல்லக்கூடிய தொழில் வாய்ப்புக்களை உருவாக்கித் தருவதுமாக இருக்கிறது. சமீபத்திய ஹெச்பி ஆய்வக தொழி்ல்நுட்பத்தின் உதாரணம் மெமரி ஸ்பாட் சிப் ஆகும். ஹெச்பி ஐடியாலேப் மேற்கொண்டு, நுகர்வோர்கள் மற்றும் மேம்பாட்டு சமூகத்திடமிருந்து வரும் திறந்தநிலை பின்னூட்டங்களை ஊக்கப்படுத்துவதற்கு முந்தைய கண்டுபிடிப்புகள் குறித்த வலைத்தள விவாத களத்தையும் வழங்குகிறது.[31]

மற்ற நிறுவனங்கள் மற்றும் அமைப்புக்களுக்கான முழுமையான ஐடி-உதவித் தீர்வுகளை வழங்கும் நிர்வகிக்கப்பட்ட சேவைகளையும் ஹெச்பி வழங்குகிறது. உதாரணத்திற்கு, அவர்களுடைய டப்ளின் அலுவலகத்தில் பேங்க் ஆஃப் அயர்லாந்திற்கான ஐடி உதவிகள், மைக்ரோசாப்டிற்கு விண்டோஸ் ஆபரேடிங் சிஸ்டம், எக்ஸ்சேஞ்ச், ஷேர்பாய்ண்ட் மற்றும் இஎம்இஏ சந்தைகளுக்கான மைக்ரோசாப்ட் ஆஃபீஸ் தயாரிப்புகளுக்கு அவர்கள் தொழி்ல்முறை யிலான மற்றும் பிரீமியர் உதவிகளையும் வழங்குகின்றனர்[32].

கலாச்சாரம்[தொகு]

பில் மற்றும் டேவ் ஆகியோரைப் போன்று நண்பர்களும் ஊழியர்களுமாக அறியப்படும் இதன் நிறுவனர்கள், ஹெச்பி வழி எனப்படும் பிரத்யேகமான நிர்வாக பாணியை உருவாக்கினர். பில்லின் வார்த்தைகளில் சொன்னால், ஹெச்பி வழி என்பது "ஒரு மைய தத்துவம்... இது தனிநபருக்கான ஆழ்ந்த மரியாதை, அதிகபட்ச தரம் மற்றும் நம்பகத்தன்மைக்கான அர்ப்பணிப்பு, சமூக பொறுப்பிற்கான கடமைப்பாடு, இந்த நிறுவனம் மனிதகுலத்தின் முன்னேற்றம் மற்றும் நலனுக்கான தொழில்நுட்ப பங்களிப்புகளை வழங்கவே இருந்துவருகிறது என்ற கண்ணோட்டம் ஆகியவற்றை உள்ளி்ட்டிருக்கிறது."[33] பின்வருபவை ஹெச்பி வழியின் கொள்கைகளாகும்:[34]

  1. நாங்கள் தனிநபர்களிடத்தில் நம்பிக்கையும் மரியாதையும் கொண்டிருக்கிறோம்.
  2. நாங்கள் உயர்மட்ட சாதனை மற்றும் பங்களிப்பில் கவனம் செலுத்துகிறோம்.
  3. நாங்கள் எங்கள் தொழிலை சமரசமில்லாத நேர்மையுடன் நடத்துகிறோம்.
  4. நாங்கள் குழுவாக இணைந்திருப்பதன் மூலமே பொதுவான இலக்குகளை எட்டுகிறோம்.
  5. நாங்கள் நெகிழ்வுத்தன்மையையும் புத்துருவாக்கத்தையும் ஊக்கப்படுத்துகிறோம்.

ஹெவ்லட்-பேக்கர்டின் சான்றளிக்கப்பட்ட தொழில்முறை திட்டம் (ஹெச்பி-சிபி) தொழில்நுட்ப திறமைகள், விற்பனை போட்டித்திறன்கள் மற்றும் பரிந்துரைத்தலுக்கும் பரவச்செய்தலுக்கும் தேவைப்படும் வி்ற்பனை போட்டித்திறன்கள் மற்றும் அறிவு, ஹெச்பியால் விற்கப்படும் சேவை மற்றும் உதவி தொழில்நுட்பங்கள் மற்றும் தீர்வுகள் ஆகியவற்றை உறுதிசெய்வதற்கென்று உருவாக்கப்பட்டிருக்கின்றன.

கார்ப்பரேட் சமூக பொறுப்புணர்வு[தொகு]

ஜூலை 2007 இல் நிறுவனம் 2004 இல் நிர்ணயிக்கப்பட்ட, 1 பில்லியன் பவுண்டுகள் எலக்ட்ரானிக்குகள், டோனர்கள் மற்றும் லின்க் கேட்ரிட்ஜ்கள் மறுசுழற்சி செய்யும் இலக்கை எட்டிவிட்டதாக அறிவித்தது.[35] 2010 ஆம் ஆண்டிற்குள் மேற்கொண்டு 2 பில்லியன் பவுண்டுகள் ஹார்டுவேரை மறுசுழற்சி செய்வது என்ற புதிய இலக்கை இது அமைத்துக்கொண்டுள்ளது. 2006 இல் இந்த நிறுவனம் இதற்கு நெருக்கமான போட்டியாளரைக் காட்டிலும் 73 சதவிகிதம் அதிகமான, 187 மில்லியன் பவுண்டுகள் எலக்ட்ரானிக்ஸ்களை மீட்டுள்ளது.[சான்று தேவை]

2008 இல், ஹெச்பி தனது அளிப்புச் சங்கிலி உமிழ்வு டேட்டாவை வெளியிட்டது - இது முதலாவது தொழிற்துறையாகும்.[36]

செப்டம்பர் 2009 இல், நியூஸ்வீக் அமெரிக்காவின் 500 மிகப்பெரிய கார்ப்பரேஷன்களின் 2009 ஆம் ஆண்டு பசுமைத் தரவரிசையில் ஹெச்பிக்கு முதலாவது இடத்தை அளித்தது.[37] environmentalleader.com இன் கூற்றுப்படி "தனது பசுமையில்ல வாயு வெளியீ்டு (ஜிஹெச்ஜி) குறைப்பு திட்டங்களின் காரணமாக ஹெவ்லட்-பேக்கர்ட் தனது முதலாவது இடத்தைப் பெற்றுள்ளது என்பதுடன் தரவரிசையின்படி இதனுடைய அளிப்பு சங்கிலியுடனான பசுமையில்ல வாயு வெளியீ்ட்டை தெரிவித்த முதலாவது பெரிய ஐடி நிறுவனமுமாகும். மேலும், கிரீன்பீஸ் இந்த நிறுவனம் சரியாக செயல்படுவதில்லை என்று குறிப்பிட்டிருந்தாலும், ஹெச்பி தனது தயாரிப்புகளில் உள்ள நச்சுப்பொருட்களை நீக்கும் முயற்சிகளையும் எடுத்துள்ளது."[38]

பிராண்ட் மற்றும் பாரம்பரியம்[தொகு]

இந்த நிறுவனம், என்ஹெச்எல் சான் ஜோஸ் ஷார்க்ஸின் வீடான சான் ஜோஸில் ஹெச்பி பெவிலியன் வழங்குநராக இருக்கிறது.

ஹெச்பி பல நிதியுதவிகளை செய்கிறது. இவற்றில் வால்ட் டிஸ்னி வேர்ல்டின் எப்காட் பார்க்கிற்கு செய்யும் உதவி நன்கறியப்பட்டதாகும்.Mission: SPACE மற்றவற்றை ஹெவ்லட்-பேக்கர்டின் வலைத்தளத்தில் காணலாம் [2]. 1995 முதல் 1999 வரை அவர்கள் டோட்டன்ஹாம் ஹாட்ஸ்பர் இங்கிலீஷ் பிரீமியர் லீக் கிளப்பின் மேல்சட்டை வழங்குநராக இருந்தனர். அவர்கள் பிஎம்டபிள்யு வில்லியம்ஸ் ஃபார்முலா 1 அணிக்கான வழங்குநராகவும் இருந்தனர். சான் ஜோஸ் ஷார்க்ஸ் என்ஹெச்எல் ஹாக்கி அணியின் வீடான சான் ஜோஸில் ஹெச்பி பெவியனுக்கான பெயரிடும் உரிமை ஏற்பாடுகளையும் ஹெவ்லட்-பேக்கர்ட் வைத்திருக்கிறது.

அஜிலண்ட் டெக்னாலஜிஸ், ஹெச்பி அல்ல, 1939 இல் அசல் நிறுவனம் ஆரம்பிக்கப்பட்டதன் நேரடி தயாரிப்பு மரபுரிமையை தக்கவைத்திருக்கிறது. அஜிலண்டின் தற்போதைய எலக்ட்ரானிக் உபகரணங்கள் துறை ஹெச்பியின் மிக முற்காலத்திய தயாரிப்புகளின் வழிவந்தவையாகும். தங்களுடைய கருவியாக்க போட்டித்திறன்கள் நன்றாக நிறுவப்பட்ட பின்னரே ஹெச்பி கம்ப்யூட்டர் தொழிலில் இறங்கியது.

2002 இல் காம்பாக்கை வாங்கிய பின்னர், ஹெச்பி குறைந்த செயல்திறனுள்ள வீட்டு டெஸ்க்டாப்புகள் மற்றும் லேப்டாப்களில் "காம்பாக் பிரிசாரியோ" என்ற பிராண்டை தக்கவைத்திருக்கிறது, தொழில் டெஸ்க்டாப்புகள் மற்றும் லேப்டாப்புகளிலான "ஹெச்பி காம்பாக்" பிராண்ட மற்றும் இண்டல்-அமைப்புக்கட்டுமான சர்வர்களிலான "ஹெச்பி புரோலியண்ட்". ("ஹெச்பி பெவிலியன்" பிராண்ட் வீட்டு பொழுதுபோக்கு லேப்டாப்புகள் மற்றும் எல்லா வீட்டு டெஸ்க்டாப்புகளிலும் பயன்படுத்தப்படுகிறது.)[39]

சேமிப்பக சிஸ்டம்களில் டிஇசியின் "ஸ்டோரேஜ்வொர்க்ஸ்" என்ற பிராண்டை ஹெச்பி பயன்படுத்துகிறது; டான்டமின் "நான்ஸ்டாப்" சர்வர்களி்ல் தற்போது "ஹெச்பி இண்டெக்ரிட்டி நான்ஸ்டாப்" என்று பிராண்ட் இடப்பட்டுள்ளது.[40]

முரண்பாடு[தொகு]

செப்டம்பர் 5, 2006 இல், ஹெச்பியின் பொதுக்குழு அதன் தலைவர் பேட்ரிஷியா டன்னின் உத்தரவின் பேரில் தகவல் கசிவின் மூலாதாரத்தைக் கண்டுபிடிக்கும் விதமாக அவை உறுப்பினர்கள் மற்றும் சில பத்திரிக்கையாளர்களை விசாரிப்பதற்கு தனிப்பட்ட பாதுகாப்பு நிபுணர்கள் குழுவை நியமித்துள்ளதை நியூஸ்வீக் வெளிக்கொணர்ந்தது.[41] அதன்படி, இந்த பாதுகாப்பு நிபுணர்கள் பிரீடெக்ஸ்டிங் எனப்படும் உளவு உத்தியைப் பயன்படுத்தும் தனியார் துப்பறிவாளர்களை வேலைக்கு அமர்த்தினர். இந்த பிரீடெக்ஸ்டிங், ஹெச்பி அவை உறுப்பினர்களையும் ஒன்பது பத்திரிக்கையாளர்களையும் (சிஎன்இடி, நியூயார்க் டைம்ஸ் மற்றும் வால் ஸ்ட்ரீட் ஜர்னல் பத்திரிக்கையாளர்கள் உட்பட) அவர்களுடைய தொலைபேசி பதிவுகளை பெறும் விதமாக போலியாக்கம் செய்தது. இந்தத் தகவல் கசிவு ஹெச்பியின் நீண்டகால வியூகத்தோடு தொடர்புடையது என்பதுடன், ஐனவரி 2006 இல் வெளிவந்த சிஎன்இடி கட்டுரையின்[42] ஒரு பகுதியாக பதிப்பிக்கப்பட்டிருந்தது. கிரிமினல் குற்றச்சாட்டிற்கு ஆளான பெரும்பாலான ஹெச்பி ஊழியர்களும் நிரபராதிகள் என்று விடுவிக்கப்பட்டிருக்கின்றனர்.[43]

மேலும் பார்க்க[தொகு]

  • ஹெவ்லட்-பேக்கர்ட் தயாரிப்புகளின் பட்டியல்
  • கம்ப்யூட்டர் சிஸ்டம் தயாரிப்பாளர்களின் பட்டியல்
  • ஹெச்பி லினக்ஸ் இமேஜிங் மற்றும் பிரிண்டிங்
  • ஹெச்பி பயனர் குழு

பார்வைக் குறிப்புகள்[தொகு]

  1. "HP Newsroom:Fast Facts". பார்த்த நாள் 2008-11-11.
  2. http://media.corporate-ir.net/media_files/irol/71/71087/pdf/HP_2006AR.pdf HP 2006 Annual Report
  3. ஹெச்பி 2007 ஆம் ஆண்டு நான்காவது காலாண்டு முடிவுகளை தெரிவித்திருக்கிறது: ஃபினான்ஷியல் நியூஸ் -
  4. http://redmondmag.com/reports/article.asp?EditorialsID=494 RedmondMag.com - The Race to $100 Billion
  5. மூலம்: கார்ட்னர் http://www.gartner.com/it/page.jsp?id=584210
  6. முதல் 100௦ சாப்ட்வேர் : "உலகின் மிகப்பெரிய சாப்ட்வேர் நிறுவனங்கள்"
  7. 7.0 7.1 http://www.hp.com/hpinfo/newsroom/facts.html
  8. Malone, Michael (2007). Bill & Dave: How Hewlett and Packard Built the World's Greatest Company. Portfolio Hardcover. பக். 39–41. ISBN 1-59184-152-6. 
  9. ஹெச்பி வரலாறு: ஹெச்பி கேரேஜ்
  10. ஹெச்பி வரலாறு : 1960கள்
  11. யாககவா எலக்ட்ரிக் கார்பபரேஷனும் ஹெவ்லட் பேக்கர்ட் நிறுவனமும் "ஹெவ்லட்-பேக்கர்ட் ஜப்பான் ஹெச்பி துணைநிறுவனத்திற்கு முற்றிலும் சொந்தமான நிறுவனமாகிறது" என்று அறிவித்தன. ஹெச்பியும் யோககவாவும் ஒப்பந்தத்தில் கையெழுத்திட்டுள்ளன
  12. ஹெச்பி வர்ச்சுவல் அருங்காட்சியகத்தில் டைனக் டிஒய்-2500
  13. http://money.cnn.com/magazines/fortune/global500/2009/full_list/
  14. வயர்ட் 8.12
  15. VB.com டொமைன் காலவரிசை
  16. VB.com இணையத்தள புகழ்கூடம் - இரண்டு எழுத்து டொமைனை சொந்தமாகப் பெற்றிருக்கும் மிகப்பெரிய நிறுவனங்களின் பட்டியல்
  17. ஆரன்ஸ்மன், ரஸ். "முடிக்கப்படாத தொழில்: கார்ப்பரேட் வரலாற்றில் பெரிய துணைநிறுவனங்களுள் ஒன்றை நிர்வகிப்பது நல்ல நேரங்களில்கூட சவாலானதாகவே இருக்கும். ஆனால் அஜிலண்டின் நெட் பார்ஹோல்டுக்கு கிடைத்ததோ மோசமான நேரம். (அட்டைப்பட கட்டுரை)." எலக்ட்ரானிக் தொழில் 28.10 (அக். 2002): 36(6).
  18. ஹெச்பியின் பங்கு விலை ஃபியோரினாவின் தலைமைத்துவத்தின் கீழ் 45.36 இல் இருந்து 20.14க்கு சென்றது, செயல்திறன் -56 சதவிகிதம் (புளூம்பெர்க்கிலிருந்து பங்குவிலை தகவல்); முழுமையான சந்தையின்படி,டவ் ஜோன்ஸ் யு.எஸ்.லார்ஜ் கேப் டெக்னாலஜி இண்டெக்ஸ் பென்ச்மார்க்கின் அளவீட்டின்படி, 1999-07-19க்கும் 2005-02-09க்கும் இடைப்பட்ட காலத்தில் 51 சதவிகிதம் குறைந்தது.
  19. பத்திரிக்கை செய்தி
  20. ஹெச்பி பத்திரிக்கை செய்தி: ஹெச்எஸ்ஆர் சட்டத்தின்கீழ் காத்திருப்பு காலம் முடிந்துவிட்டதாக ஹெச்பி அறிவித்திருக்கிறது
  21. http://www.hp.com/hpinfo/newsroom/press/2009/091111xa.html
  22. http://welcome.hp.com/country/us/en/privacy.html#10
  23. http://www.hp.com/country/us/en/contact/office_locs.html
  24. http://welcome.hp.com/country/us/en/Worldwide_Dir5.pdf
  25. 25.0 25.1 25.2 http://www.shareholder.com/Common/Edgar/47217/1047469-05-28479/05-00.pdf
  26. http://www.hp.com/united-states/consumer/digital_photography/free/software/iprint-photo.html?jumpi=ex_r602_go/iprintphoto
  27. ஹெச்பி ஆவணக்காப்பகம்
  28. ஹெச்பி புரோகர்வ் நெட்வொர்க்கிங் - நெட்வொர்க் ஆஃப் சாய்ஸ்
  29. ஹெச்பி எக்ஸிகியூட்டிவ் டீம் பயாஸ்: ஷேன் ராபிஸன்
  30. ஹெச்பி புரோகர்வ் நெட்வொர்க்கிங் - சிறப்பம்சங்கள்
  31. அதிகாரப்பூர்வமற்ற செய்தி
  32. ஹெச்ஹி-எம்எஸ் உதவி
  33. ஹெவ்லட்-பேக்கர்ட் முன்னாள் ஊழியர் "ஹெச்பி வழி" பக்கம்
  34. http://www.hpalumni.org/hp_way.htm
  35. "HP Meets Billion Pound Recycling Goal Six Months Early, Sets Target for 2 Billion Pounds by 2010". My Solution Info. பார்த்த நாள் 2007-07-16.
  36. "HP Steps Up IT Industry Transparency, Releases Supply Chain Emissions Data". பார்த்த நாள் 2009-10-21.
  37. "Newseek Green Rankings 2009". பார்த்த நாள் 2009-09-22.
  38. "HP, Dell, J&J, Intel and IBM Top Newsweek’s Inaugural Green Rankings". பார்த்த நாள் 2009-09-22.
  39. ஹெச்பி அமெரிக்கா - கம்ப்யூட்டர்கள், லேப்டாப்கள், சர்வர்கள், பிரிண்டர்கள் & இன்னும் அதிகமாக
  40. பெரிய நிறுவன தொழில் ஐடி தயாரிப்புகள், சேவைகள் மற்றும் தீர்வுகள் - ஹெச்பி
  41. சிலிக்கான் பள்ளத்தாக்கில் சந்தேகமும் உளவாளிகளும் | நியூஸ்வீக் பிஸினஸ் |Newsweek.com
  42. ஹெச்பி நீண்டகால வியூகத்தை வரையறுத்துள்ளது |சிஎன்இடி News.com
  43. காலிஃப். டன்னுக்கு எதிரான குற்றச்சாட்டுகளை நீதிமன்றம் தள்ளுபடி செய்தத

வெளிப்புற இணைப்புகள்[தொகு]

நிறுவனத் தரவுகள்
"http://ta.wikipedia.org/w/index.php?title=ஹெவ்லட்-பேக்கர்ட்&oldid=1557099" இருந்து மீள்விக்கப்பட்டது