யாழ்வாணன்
யாழ்வாணன் | |
---|---|
பிறப்பு | நா. சண்முகநாதன் 13 சூன் 1933 அனுராதபுரம், இலங்கை |
இறப்பு | அக்டோபர் 5, 1996 சென்னை, இந்தியா | (அகவை 63)
பணி | நகர மண்டபக் காப்பாளர் |
அறியப்படுவது | எழுத்தாளர் |
பெற்றோர் | முருகேசு நாகலிங்கம், செல்லையா லட்சுமி ராஜாமணி |
வாழ்க்கைத் துணை | தபோநிதி |
பிள்ளைகள் | யாழ் சுதாகர், சுரதா யாழ்வாணன், சுரேஷ், கண்ணதாசன், யாழினி |
யாழ்வாணன் என அழைக்கப்படும் நாகலிங்கம் சண்முகநாதன் (சூன் 13, 1933 – அக்டோபர் 5, 1996) ஈழத்தின் சிறுகதையாசிரியர்.[1][2][3]
வாழ்க்கைக் குறிப்பு[தொகு]
முருகேசு நாகலிங்கம், செல்லையா லட்சுமி ராஜாமணி அம்மாள் ஆகியோருக்கு மகனாக அனுராதபுரத்தில் பிறந்தவர் யாழ்வாணன். மனைவி பெயர் தபோநிதி. பிள்ளைகள் யாழ் சுதாகர், சுரதா யாழ்வாணன், சுரேஷ், கண்ணதாசன், யாழினி ஆகியோர்.
இலக்கிய வாழ்க்கை[தொகு]
யாழ் இலக்கிய வட்டத்தை உருவாக்கியவர்களுள் யாழ்வாணனும் ஒருவர். தொடக்க காலத்திலிருந்தே அதன் செயலாளராகப் பணிபுரிந்து வந்தார். யாழ்வாணன் அவர்கள் சுகாதாரப் பகுதியினரால் வெளியிடப்பட்ட சுகாதார ஒலி என்ற பத்திரிகையின் ஆசிரியராகப் பணியாற்றினார். 1968ஆம் ஆண்டு நடைபெற்ற சுகாதார - குடி நல வார விழாக் குழுவின் செயலாளராகப் பணியாற்றி, எழில்மிகு யாழ்ப்பாணம் என்ற இதழையும் வெளியிட்டார். அண்ணா அஞ்சலி என்ற தொகுப்பு நூலை வெளியிட்டார். இவரது சிறுகதைத் தொகுப்பு அமரத்துவம் என்ற பெயரில் வெளியானது.[3] இவரது சங்கமம், மொட்டை, முள், செல்வம் நீ தியாகி போன்ற பல சிறுகதைகள்,<ref name=TA>மொழிபெயர்ப்புக் கதைகள் மல்லிகை உட்படப் பல ஈழத்துப் பத்திரிகைகளில் வெளிவந்துள்ளன.
கடனுதவிச் சிக்கனச் சங்கத்தின் தலைவராகவும் பணியாற்றினார். சிறந்த சிறுகதையாசிரியராக யாழ்வாணன் பல பரிசுகளைப் பெற்றவர்..[3]
வெளிவந்த நூல்கள்[தொகு]
- அண்ணா அஞ்சலி (தொகுப்பு)
- அமரத்துவம் (சிறுகதைகள்)
- மலர்ந்த வாழ்வு (சிறுகதைகள், 2005)
மறைவு[தொகு]
1987ஆம் ஆண்டு அவர் தனது பணியில் இருந்து ஓய்வு பெற்று சென்னைக்கு இடம் பெயர்ந்தார். 1996 அக்டோபர் 5 இல் மாரடைப்பால் காலமானார்.
மேற்கோள்கள்[தொகு]
- ↑ "Welcome To TamilAuthors.com". பார்க்கப்பட்ட நாள் 18 சூன் 2016.
- ↑ "ஈழத்து எழுத்தாளர் யாழ்வாணன்". மாலைமலர். 16 சூன் 2016. Archived from the original on 2022-03-15. பார்க்கப்பட்ட நாள் 18 சூன் 2016.
- ↑ 3.0 3.1 3.2 "யாழ்வாணன்". Archived from the original on 21 அக்டோபர் 2007. பார்க்கப்பட்ட நாள் 18 சூன் 2016.