முஸ்லிம் முரசு
முஸ்லிம் முரசு இந்தியாவின், தமிழ்நாடு, சென்னையிலிருந்து 1948ல் வெளிவந்த மாத இதழ் இதுவாகும். அரைநூற்றாண்டுக்கும் மேலாக தமிழில் வெளிவந்து கொண்டிருக்கும் இஸ்லாமிய இதழாக இது விளங்குகின்றது.[1][1]
ஆசிரியர்[தொகு]
இவ்விதழின் ஆரம்ப ஆசிரியர் வ. மி. சம்சுதீன். பின்பு காலத்துக்குக் காலம் ஆசிரியர்கள் மாறியுள்ளனர். இந்த இதழை அப்துர் ரஹீம் (நாச்சியார் கோவில்) நிறுவினார்.
பணிக்கூற்று[தொகு]
ஆரம்ப இதழ்களில் இதன் பணிக்கூற்று பின்வருமாறு அமைந்திருந்தது. "அன்பும் இன்பமும் அறிவும் ஆற்றலும் பண்பும் புகழும் பொலிந்து விளங்க முரசு முழங்கவே".
உள்ளடக்கம்[தொகு]
இவ்விதழ் பல்துறை அம்சங்களைக் கொண்டு வாசகர்களைக் கவரக்கூடிய வகையில் வடிவமைக்கப்பட்டிருந்தது. கவிதை, சிறுகதை, நெடுங்கதைகள், தொடர்கதைகள், கட்டுரைகள், பயணக்கட்டுரைகள், முஸ்லிம் உலக செய்திகள், செய்தி ஆய்வுகள் தமிழ் நாட்டு முஸ்லிம் செய்திகள், ஆய்வுகள் போன்ற பல்வேறு அம்சங்களை இது தன்னகத்தே கொண்டுள்ளது.