நாவிதர்

நாவிதர் அல்லது அம்பட்டன்
வகைப்பாடு	மிகவும் பிற்படுத்தப்பட்டோர்
மதங்கள்	இந்து
மொழிகள்	தமிழ், தெலுங்கு
மக்கள்தொகை கொண்ட மாநிலங்கள்	தமிழ்நாடு
உட்பிரிவுகள்	மருத்துவர், நாவிதர், மங்களா
தொடர்புடைய குழுக்கள்	தமிழர், இலங்கைத் தமிழர்

நாவிதர் (பொதுவாக அம்பட்டன் என்று அழைக்கப்படுகின்றனர்) எனப்படுபவர் தமிழகத்தில் வாழுகின்ற ஓர் இனக்குழுவினர் ஆவர். தமிழகத்தில், நாவிதர்கள் தமிழ் மற்றும் தெலுங்கு என இரு வேறுபட்ட மொழியியல் குழுக்களாக வாழுகின்றனர். தெலுங்கு பேசும் நாவிதர்கள் மங்களா என்ற பெயரில் அழைக்கப்படுகின்றனர். இவர்கள் கிராமப்புற மருத்துவர்களாகவும், ஒப்பனைத் தொழில் செய்பவர்களாகவும் இருந்து வருகின்றனர்.

சொற்பிறப்பு

அம்பட்டன் என்ற பெயர் ஒரு தமிழ் வார்த்தையாகும், இது முதலில் சமசுகிருத வார்த்தையான அம்பாஸ்தா என்னும் வார்த்தையிலிருந்து வந்தது. இந்த வார்த்தை இரண்டு சமசுகிருத வார்த்தைகளான அம்பா என்பது "அருகில்" என்றும், ஸ்தா என்பது "நிற்க" என்றும் பொருள்படும். இந்த பொருளானது "அருகில் நின்று முடிதிருத்தும் ஒருவரை" குறிக்கிறது.

நாவிதர் என்ற சொல் நாவிகர் என்ற தமிழ் வார்த்தையிலிருந்து உருவானது, இதற்கு புனித மனிதன் என்று பொருளாகும். இவர்கள் மருத்துவர், பரியாரி, வைத்தியர் என்ற பெயராலும் அறியப்படுகின்றனர். இவை அனைத்தும் மருத்துவர்களுக்கான ஒத்த சொற்கள் ஆகும்.

மக்கள்தொகை

தமிழகத்தில் மருத்துவர், நாவிதர், மங்களா, அம்பட்டர் என்று சொல்லப்படுகின்ற வகுப்பினர் 4 லட்சத்து 26 ஆயிரத்து 427 பேர் வசிக்கின்றனர். இவர்கள் தமிழ்நாடு அரசு வெளியிட்டுள்ள தமிழ்நாடு சாதிகள் பட்டியலில், மிகவும் பிற்படுத்தப்பட்ட வகுப்பினர் பட்டியலில் சேர்க்கப்பட்டிருக்கின்றனர்.

வரலாற்றுத் தகவல்

வட இந்தியச் சரித்திரகால அரசர்களில் "நந்தர்கள்" சூத்திரராகக் கருதப்படுகின்றனர். நந்தர்களைப் "அம்பஷ்டன்" (நாவிதர்) என அழைக்கும் வழக்கமும் உள்ளது.

இவற்றையும் காண்க

• அம்பஷ்டன்
• மங்களா
• வேலக்கட்டல நாயர்